افيو المصرى

**CryptonX** · 06-10-2007 02:33 AM

انا راي السريون افضل اختيار
سيارة ياباني - محرك عملي و ممتاز - توكيل سمعته طيبة

الكليو كويسة جدا , لكن قطع غيارها غالية جدا , و فرنسي .. والسيارات الفرنيسة معروفة بكثرة الأعطال . كما ان موديلاها قديم برده .

السيتي طبعا عربية كوسية جدا لو حتنسى المكونات البلاستيكية للتابلوه , ولكنها هوندا , ودي كفاية لمعظم الناس . بس طبعا هي حاشرة نفسها في فئة سعرية مش بتاعتها .

**eng_mkhalaf** · 06-10-2007 09:32 AM

فى الفئة السعرية دية صعب تلاقى حاجة ممكن تنافس الأفيو لو توسعها لبعد 80 إلف يبقى لينا كلام تانى - مع انى ليا تحفظ على سعر الأفيو المصرى
حل تانى - فكر فى كسر الزيرو -أنت هتبقى الكسبان

**sherif_84** · 06-10-2007 02:07 PM

يا دكتور أحمد باشــــا معلش أنا أقصد أفراد مش أقراد أنا أسف
كل ابن آدم خطــاء :)

**Sharky** · 06-10-2007 04:39 PM

بالنسبة لمقارنة الأفيو بالانوس
أنا شايف إن الأفيو أفضل من اللانوس و خاصة إنها تعتير الجيل الجديد من اللانوس

أنا رأى الشخصى لو حضرتك بتتكلم فى فئة الـ80.000 الف يبقى عندك السريون لو عايز عربية هاتشباك و مش فارقة معاك الشنطة
لو عايز عربية سيدان و أتوماتيك يبقى قدامك الأفيو لو عايز عربية سيدان مانيوال يبقى قدامك الكليو

**Ahmed Anwer** · 06-10-2007 04:58 PM

أقولكم حاجة يا جماعة
أنا اكتشفت إن المنتديات دي من أهم أماكن نشر الشائعات ،،
يعني الأفيو كل اللي جابوها مبسوطين منها و بيقولوا فيها شعر ـ ولسه يعني مبقالهاش كتير أوي كده عشان تلحق تعمل سمعة وحشة ،،
و مع ذلك خلاص كلكم عمالين تتكلموا علي إنها عربية وحشة مش عارف علي أساس أيه ؟؟؟ متقولوليش ريفيوهات الإنترنت ،، مالهاش أي لازمة ، موقع يطلع عربية السما و موقع يخسف بيها الأرض ،، ده غير إن العربيات اللي عندهم غير اللي بتجيلنا ،، يبقي مفيش حل غير التجربة الواقعية
يعني شيفرولية بجلالة قدرها هتنزل عربية زبالة بإسمها في أمريكا ؟؟؟؟ غير كده العربية وريثة أنجح عربية في مصر خلال العشرين سنة اللي فاتوا ،، بتوكيل أقوي يعني كل التوقعات المفروض تبقي في صالحها ،، ده غير شكلها و صالونها الجامد جدا

**Dr Ahmed** · 06-10-2007 05:24 PM

إحنا بنفكر مع صاحب السؤال ولا نكذب عليه!!
الشائعة خبر كاذب..
والأفيو وريثة سيارة ناجحة لكن ياما بنشوف وارث مختلف عن المورث ، وإذا كنا مش هنحط مواصفات الموتور والسيارة واختبارات الأمان ورأى الجميع فى الحساب لأنها إشاعات فى المنتديات يبقى نشترى إزاى ؟؟ خاصة ان الأفيو مازالت جديدة وتحتاج فترة اطول للحكم عليها بالكامل، وعلى فكرة : واحد بس اللى قال على الأفيو وصف مش ظريف وهو حضرتك.

**Ahmed Anwer** · 06-10-2007 05:36 PM

ما هيا يا دكتور الآشاعات هتنطلق من حاجات زي دي
أي عضو لما يخش علي كذا موضوع في المنتدي كلهم كلام وحش عن الأفيو ،، لما يقعد مع أصحابه هيقولهم أيه ؟؟؟ هيقولهم يييييييي أبعد عنها خالص دي علبة صفيح و موتور مفستك
يعني حتي اللي يذكر العيوب ( النظرية ) يذكر الميزات ( النظرية ) برده ،،،
لكن كده أنا بحس إن اللي بيتكلم جابها و طلعت عينه و عطلت بيه علي كوبري 6 أكتوبر في عز الزحمة ،، و طلمبة البنزين ضربت قبل ما تكمل عشرتلاف كيلو و خلاص بقه فاض بيه الكيل :D :D :D :D :D :D :D