اخوانى الاعزاء ,افكر فى شراء سيارة افيو جديدة (1500 تقفيل مصرى ) (80 الف للاتوماتيك فول اوبشن او 74 الف للمانيوال فول اوبشن ) , برجاء نصيحتى اذا ما كانت هى الاختيار الامثل فى هذه الفئة السعرية , واكون شاكر اذا ابديتم اى مقترحات لسيارة اخرى ....
عرض للطباعة
اخوانى الاعزاء ,افكر فى شراء سيارة افيو جديدة (1500 تقفيل مصرى ) (80 الف للاتوماتيك فول اوبشن او 74 الف للمانيوال فول اوبشن ) , برجاء نصيحتى اذا ما كانت هى الاختيار الامثل فى هذه الفئة السعرية , واكون شاكر اذا ابديتم اى مقترحات لسيارة اخرى ....
مع احترامى لاختيارك أرشحلك دايــو نوبيرا لعدة أسباب :
1- موتورها ممتاز 1600 وقوى جدا ويشد معاك مهما كانت حمولة السيارة
2- المقصورة الداخلية واسعة وتشيل 5 أقراد بالغين والشنطة واسعة جدا
3- تابلوه جلد مش بلاستيك وشكله جميل والعدادات اضاءتها قوية ومريحة
4- التكييف ثــلاجة
5- سعرها 75000 جنيه المانيوال لو هتشتريها من الشركة والاستلام بيبقى بعد شهر أو شهر ونص ولو هتشتريها من معرض سعرها من 77000 الى 80000 حسب المعرض اللى هتشتريها منه بس نصيحة بلاش الأتوماتيك عيب النوبيرا انها ماتحبش المشى الكتير فى الطرق مش متسفلتة يعنى بتحب الأسلفت وبلاش من الطرق غير المسفلتة وعيبها الثانى انها واطية شوية يعنى لو محملة بالكامل وعديت مطب عالى هاتحك منك هى دى عيوبها
أنا بس حبيت أوضحلك أنسب سيارة متاحة لميزانيتك
لا أرشح أفيو أبدا و لانوس أو نوبيرا تتفوق عليها .. وممكن حضرتك تبحث أكتر فى الفئة السعرية دى لتوسيع دائرة الاختيار..
بس بالمرة عايز أنكش أخى شريف:
هى "أقراد" جمع إيه؟؟؟ :lol:اقتباس:
المقصورة الداخلية واسعة وتشيل 5 أقراد بالغين
:) :) :) :) :)اقتباس:
هى "أقراد" جمع إيه؟؟؟
شكرا للرد , لكن ممكن اعرف ليه حضراتكم رافضين الافيو شكلا ومضمونا كدا ؟ يعنى ما هى تلك العيوب التى تجعل اللانوس متفوقة عليها حيث انى راكب سيارة اخى لانوس زيرو 2007 من شهر 3/2007 وبصراحة فراملها فى منتها السوء وكمان التكييف مش قد كدا وبحس انه خانق العربية جدا !
راجع رد الأخ Crypton-X فى هذا اللينك:
http://www.nilemotors.net/Forum/view...r=asc&start=20
ده صحيح وده كان رأي , بس انك تقول ان الانوس افضل ,, ده برده كلام ميخشش الدماغ , حتى النوبيرا , ممكن تكون اكبر ,, ولكن احسن دي صعبة شوية , انك تقارن سيارات بقالها 12 سنة موقوفة في الخارج ومش موجودة الا في بلدنا . و كمان غالية يا ريتها ب 40 الف ولا حاجة ( بصراحة كمان 40 ده يبقى اخرها ) .
كون اللانوس أو النوبيرا أفضل فدا من وجهات نظر أخرى زى الصيانة وقطع الغيار وإعادة البيع ، ولا تنس أنه حدد الفئة السعرية للإختيار وأنى نصحت أيضا بتوسيع دائرة الإختيار لتشمل ماركات أخرى ولابد من التأنى وياريت فعلا إللى جرب سيارات أخرى فى نفس الفئة السعرية يفيدنا جميعا.
يعنى معنى كلام حضرتك يا استاذ كريم انك ترجح كفة الافيو ؟؟
ويا ترى يا جماعة لو دخلنا الرينو كليو (2008 - 1400 cc - فول اوبشن وتمنها 75 الف ) هتكون الاولوية لمين؟
شكرا لاهتمام حضراتكم جميعاً .
دايهاتسو سيريون 1.3 ب M/T 2007 76000
رينو كليو 1.4 F/O M/T 2008 73990
هوندا سيتي 1.3 F/O M/T 2007 84000