مروحة التكييف. عاوز الغيها.

**Drift_Lover** · 10-06-2009 10:55 PM

مروحة التكييف عندي مكسور منها ريشتين. وبالتالي لما العربيه تسخن او اشغل التكييف بيطلع منها صوت مزعج...

هل في ضرر لو فصلتها مؤقتآ لحد ما اجيب واحده جديده مع تغيير العافشة.
؟
وهل أداءها مقتصر علي تبريد التكييف. ولا تبريد الرادياتير (او التنين).

**MMamdouh** · 11-06-2009 01:23 AM

المشاركة الأصلية كتبت بواسطة Drift_Lover

هل في ضرر لو فصلتها مؤقتآ لحد ما اجيب واحده جديده مع تغيير العافشة.

اللانوس اللى كانت بتنزل من غير تكييف كانت بتنزل بمروحة واحدة على الرادياتير فا معنى كدة ان المروحة الكبيرة فقط كافية لتبريد محرك العربية

وهل أداءها مقتصر علي تبريد التكييف. ولا تبريد الرادياتير.

وجود المروحة التانية مرتبط بوجود تكييف فى العربية اذا متطلبات تبريد المحرك و سربنتينة التكييف محتاجة مروحتين مش مروحة و احدة بالتالى لو عايز تفصل المروحة الصغيرة يبقى متشغلش التكييف لحد ما تغيرها

(او التنين)

الحقيقة معرفش دورة التبريد فى التنين شغالة ازاى

MMamdouh

**A.samy** · 11-06-2009 03:14 PM

اخى العزيز انا كانت عندى مروحة التكيف مش شغالة بسبب سلك مقطوع ومكنتش عارف وكنت ماشى بالعربية عادى ومحستش بفرق لحد لما فى مرة ولقيت ان جوان وش السلندر ضرب الحقيقة مش عارف من المروحة ولا من غطاء القربة لان كان تحليل الميكانيكى لية ان غطاء القربة عايز يتغير وان مروحة التكيف مفصولة وان حاجة من دول هما اللى ضربو جوان وش السلندر
فنصيحة من اخ اوعا تتهاون فى اى حاجة فى دورة التبريد لانها زيها زى زيت العربية الاتنين هما روح العربية .