الجزء الثامن:أنا والسفنتينا .. في سوق السيارات
طبعا عشت مع العربية لحظات صعبة كتيير ...
اتعلمت وفهمت قيادة ومباديء ميكانيكا
اتعرضت لحوادث ... دوبتلي بتاع 8 فوانيس ... اتعرضت لحالات من النصب من الميكانيكية
وبعد لف وتدوير وسؤال ناس ثقة وصلت لمجموعة كويسة ( محل قطع غيار - وميكانيكي - وكهربائي - وبتاع كاوتش ) كويسين ...
عملت حركات نقص كتيير معايا مع إن في الشهرين قعدت شهر كامل مركونة ومبتمشيش بسبب
الرهبة إللي حصلتلي من الحادثة الاولى ... وعملت بيها حادثة تانية بسبب هروب الفرامل فجأة ..
وم ما حد بيركب معايا .. زميلاتي من الشغل في طريقي ... بتعمل حركات نقص
دخلنا في 2000 ج مصاريف حوادث وفوانيس وقطع غيار ومصنعيات بالهبل
في النهاية ... العربية مش مريحاني ... فأخدت قرار البيع في 28 مايو بعد أقل من شهرين
وعلقت للبيع وقولت اروح سوق السيارات ........................ والكوميديا الساخرة كلها اشتغلت
طبعا كلهم تجار إلي يقولك 11 و11.5 و12 حسسوني إني ببيع عربية توب مش 127 موديل 87 فيورا ... طبعا بيطلعو كل حاجة في العربية ويحسسوك إنك لو مبيعتش بأي سعر ... حتتحسر عليها جمبك ومش حتتباع .... المهم كان فيه سيدات بدور على 27 ... ودوول كانو ألطف في الكلام والتعامل طبعا .... الموضوع كان جاي عليا بضحك ... كان كل إللي يعاين اقوله فيها تكنولوجيا عالياجدا ... مش موجودة في موديلات 2009 ..... خير ... ( فيها زرلتشغيل المروحة مانيوال من الداخل ) ههههههههههههههههههههههه
ميكانيكي خبرة ( الموتور خفيف يا مدام )
أنا .... كل المواتير القديمة خفيفة ... دي مش عربية زيرو 2009
طالما مفيش دخنات ومفيش مشاكل يبقا زيت عادة مش محتاجة عمرات طالما ماشية كويس
ميكلنيكي تاني .... المكنة كويسة
... بس العربية عاوزة شغل كتيير عشان تبقا اظبط
أنا...... طب وتشتري وتصرف ليه هي حتدخل مسابقة ملكة جمال ال 27 ما البادي سليم ومفيهاش تطبيقات ولا خدوووش
واحد ثالث .... دي رشة جوة يا مدام
أنا ... فين حضرتك
هو .......... ( الكابوت - وناحية مكان العجل الاستبن في الجمب الشمال )
أنا .... يعني سايب رقم الكارتيرة والفابريكة إللي مبوظة شكل العربية ومخاليها جربان على الآخر عشان تبان مش رشة وجاي في الحتة دي ..... طب والكبوت ... إيه أهميته ( جمب مكنة كويسة وقوايم سليمة وشاسيه مظبوط ) ..... انصحك .... دور على عربية تانية
واحد رابع ........ بكام يا مدام وفلوسي في جيبي
أنا .... حضرتك انا قولت 15 بس ممكن 14 ونص ....
هو لا بس ده مش آخر ................
أنا ........ آخر الآخر 14
هو .. بس ده كتيير
أنا .... طب حضرتك بإللي معاك ممكن تاخد عربية سيات بحالة جيدة تعملها بتاع 6 آلاف لو حالة جيدة جدا وبلاش تتعب نفسك في سعر ال 27 .
ده كان في الساعة الأولى من وصولي السوق .... ركنت العربية .... وعملت نفسي زبونة بدور على 27 ... وشوفت عربيات أشكال وألوان وحالات مختلفة ... وجدت طبعا إن حال عربيتي ممتاز بالمقارنة بأخريات ... وسعرها متميز جدا ... بجانب مودلات أقل او نفس الموديل بحالة أقل ..... والاسعار 17 ، 16 ، 15 ...........
وفي الآخر سبتها ومشيت ... ورجعت أخدتها في آخر اليوم وانا على قرار مش حبيع لحد من السوق ................
كلمني واحد امبارح ... كان شاف العربية في السوق ورفض ياخدها وبيتكلم بيسأل اتباعت واللا لأ وعاوز يخلص على 12 ..... قلتله لا انا صرفت نظر ... خاليها ... بس كلامه بعد اسبوعين أكدلي إن العربية كويسة وسعرها كويس بالمقارنة بغيرها ... ولو كانت وحشة مكانش كلمني بعد اسبوعين عاوز يخلص باي طريقة .... بس بيتبع معايا سياسة النفس الطويل
في النهاية ........... لا لسوق السيارات :44:
العربية للبيع ........ لأي حد عاوز يشتري ومش تاجر :colsmil:
وهي ونصيبها .... وآدينا قاعدين بنسلي في بعض :3mla: