تجربتي الغريبة مع عم غبور وصيانة ال5000
[justify]
اولا روحت التوكيل الساعة 10 صباحا والمهندس مسك العربية الي بتشتكي من حاجة اولت التكييف ضعبف والموتور صوتة واصل جوة والعربية بتحدف يمين
والمفاجئة الكبري المراية اليمين المية بتعتها اشرت ورتهالوة فك المرايا وشفها وقارنها بالمراية الشمال بصلي والي المراية دية مش اصلية حضرتك ترجع للمعرض الي انت جيبها منة وتتعامل معاه اولتلة بس انا مش جيبها من معرض انا جيبها من عندكم في التوكيل الي معؤلة التوكيل عمرة ميعمل كدة اولتلة انت عاوز تقنعني بحاجة وانا بؤلك الحقيقة المهم شديت معاه وراح عشان يركب المراية بس كان مغلول جدا وهوة بيركب المرياية وئعت منة اتكسرت راح حطيتها في الدواسة وكتب يرجي فحص المراية البيمني دخلت العربية ولئت المهندس بيندهلي والي حضرتك المراية دبة مش بتعتنا انت تصلحها علي حسابك طبعا انا العفريت الزرء طلعو من دمغاي خلاص هوة الي جابة لنفسة هوة الي حضر العفريت المهم اتنرفزت علية جدا واولتلة دخلني للمدير المسؤل من غير نقاش ودخلت للمدير كنت متنرفز جدا اعد يهدي فية والتلة فهموني ازاي توكيل يغير مراية انتو ناس معندكوش ضمير انتو لو قارتو العربية دية بالعربيات الي في البلاد التانية هتعرفو ان انتو سرئين في العربية دي كتير اوي وانا هوديكم في دهية واستلمو بئ الي هكتبة في الجرايد المهم الراجل الي في الاخر طيب حضرتك هية مش موجودة دلواتي وانا عملتهالك علي الضمان واتصل بينا بعد اسبوع ان شاء اللة هتكون جت وهنركبهالك مجاناا من غير ولي مليم اهم حاجة حضرتك تكون مبصوت ومتديئش نفسك الموضوع بسيط اولتلة مكان من الاول لازم نعمل مشاكل عشان ناخد حئنا علي العموم انا هتصل بعد اسبوع وربنا يسهل واستلمت العربية الساعة 4 عصر بزمتكم مش حرام الي بيحصل فينا دة :mahf(5)::mahf(5)::mahf(5)::mahf(5)::mahf(5)::mahf (5)::mahf(5)::mahf(5):
[/justify]