الموضوع: تجربتي الغريبة مع عم غبور وصيانة ال5000

ربنا معاك بس انت مقولتش العربيه نوعها ايه

نيو النترا

فعلا موضوع يغيظ ويحرق الدم يعنى زعيقك معهم هو اللى خلاه يوافق انه يركبها لك ببلاش ومعنى كده لو واحد غلبان هياخد على 0000000
هو يعنى المرايا بالنسبه ليهم هتساوى كام من مكسب التوكيل انا مش عارف امتى هيكون عندنا توكيلات محترمه مش نصابين
معلش استحمل ماباليد حيله

هي فعلا المرايا مش مكلفاهم حاجة بس شوف لو اشتريتها هتدفع قد ايه ؟؟؟؟
على فكرة الكلام ده ممكن يحصل في توكيل بس جميع توكيلات هيونداي بتسرق علني في المصنعية بالذات ...واحد معاي في الشغل معاه اسبرانزا 516 موديل 2007 والمرايا عنده اتكسرت فقال يجيبها من التوكيل قالوله 450 جنيه .........قالهم حرام عليكوا حتة ازازة جوه بلاستيك وفيبر المهم الراجل بقى يضرب كف على كف وقال لو مرسيدس تبقى بكام وهو نازل من مركز الخدمة قابل احد الصنايعية وقالوا انا عرفت مشكلتك خد الكارت بتاعي واتصل بي بعد ماتخرج من المركز وانا هجيبهالك بارخص من كده بكتيييييييير تخيل قابلوه بره وركبهالوه وخد 50 جنيه وقالوا الدهان عليك ........شوفت سرقة كده ..متزعلش نفسك

حصل خير يا باشا والحمدلله انك هتاخد حقك منهم ودة مش جديد عليهم.

المهم مقولتلناش عملت ايه فى باقى الصيانة وظبطولك الحاجات اللى قولتلهم عليها ولا لا ودفعت كم فى الصيانة عشان انا معايا النترا بردو وقرب ميعاد صيانة ال 5000 وكنت عايز اعرف اسعار الصيانة الجديدة

يا رجالة انا هقولكم موضوع انأح من كدا بكتيير وبسبب الموضوع دا انا بعت العربية قبل متخرج من الضمان خوف وعدم ثقة فى التوكييل دا الى حصل معايا ان فى صيانة 1500 للماتركس رحت لغبور باشا علشان اعمل الصانة الاولية فالمفروض انى اغيير الزييت فطلبت يحطولى زييت 5000 وكان عندى شكوى ان دواسة الفرامل بتزييق الغرييب ان لاقييت غالبية الماتركس فى التوكييل بتزييق وكانو عمليين سينفونية المهم اعت حوالى 6 ساعات وبعديين ندهولى علشان استلم العربية ركبت العربية لاقييت جنبى جركن زييت 10 الاف شكييت فى ان المهندس سمعنى كويس رحت باصص فى الفاتورة بسرعة لاقييت حسبنلى زييت ال5 الاف فعلآ والجوب مكتوب فية نفس الزييت ادركت ان الفنى حطلى الزييت غلط المهم انا قولت ماليش دعوة دى غلطتهم وكنت هامشى وبعديين حسيت ان دى وزة شيطان المهم قلت اروح ابلغ المهندس المسئول علشان اريح ضميرى وابقى عملت الى عليا المهم لاقييت المهندس مش فاهم حاجة راح نادة للفنى وقالو انتا حططيت زييت اية فى العربية دى قالو زييت 10 المهندس العربية دى كان مصروفلهاا زييت 5 مش عشرة الفنى قالو وهوا خاييف انا متأكد ان دى زييت 10 والى جمبهاا زييت خمسة وهنا اتضحت الرؤية ان البية بدل الزييت المهم انا قولتلهم ماليش دعوة مش هدفع جنية زيادة وخت العربية ومشييت وسبتهم يكلمو صاحب العربية التانية الى يا عينى ادحك عليية المهم روحت وبركن العربية وهنا اكتشفت المصيبة الكبيرة ان الباب بتاعى متجرح جامد من فووق كأنو مفتوح بعتلة ومفسوخ حوالى 3 مللى اعت احاول افهم ايية الى حصل وبعديين ادركت ان العربية وهيا فى الورشة كانو عمالين يلفو حوليهااا طلع ان العربية قفلت المسوجر على نفسهااا لان البية سبهااا دايرة ونزل منهااا وانا كنت مركب نظام الامان دا للاسف بس كونت بحط ديمن مفتاح سبيير معايا علشان لو حصل معايا كدا المهم اما العربية قفلت راح البية جاب عتلة وفاتح الباب بيهااا وشوة العربية وبوظ الباب والعربية عاملة 1500 كم بس شوفتو الحصرة الكونت فييهااا المهم فكرت اروح اولع فى التوكييل كلو راح واحد صحبى قالى ان انتا خرجت من التوكييل وهيقلولك احنا ملناش دعوة وهيستهبلوا احتسب الى حصل وربنا يعوضك خيير ربنا ينتقم منهم ولاد .....