اللادا 2107 تقفيل مصري والتقفيل الروسي

[size=12]السلام عليكم

ارجو النصيحة . فانا مقبل علي شراء سيارة لادا زيرو ومحتار بين المصري والروسي . مع اني سألت التوكيل الصيانة التابع لشركة الامل وقالي ان المصري ( العادة ) احسن من الروسي ( انجيكشن ) لان الصيانة اسهل ومتوفرة بكثرة
ومن جهة اخري بعض الاصدقاء نصحوني بالروسي وقالوا ان التقفيل الروسي احسن من المصري مع العلم ان مصنع لادا ايجيت بنفسة قالي ان المواد المستخدمة في المصري هي المستخدمة في الروسي معادا الفرش والكاوتيش والزجاج
انا فعلا محتار الفرق بين الاثنين مش كتير اوي في السعر تقريبا ثلات الاف جنية لكن ايها احسن و احسن لية ... ارجو الافادة

وشكرا [/size]

الاستاذ / شريف
بالفعل معلوماتك سليمة 100*100
فجميع مكونات السيارة التجميع المحلى روسى ماعدا الفرش والزجاج فقط والكاوتش مستورد فى الروسى او المصرى وهو للعلم بيرلى برازيلى تيوبلس من افضل الانواع وانا شخصياً اميل للمصرى لهذة الاسباب
- المصرى زجاجها ملون " فيمية " يساعد عند تركيب التكيف ويعطى رونق للسيارة والروسى زجاجها ابيض عادى
- المصرى الوانها ميتالك حديثة لبنى ورمادى وسيلفر ونبيتى والروسى الوانها عادة
- المصرى مزودة بكاسيت ماركة جيدة 200 وات و2 سماعة بضمان عام والروسى مزودة براديو فقط
- المصرى مزودة بسنتر لوك ولف من افض اجهزة السنتر بضمان عام والروسى بدون سنتر
- المصرى مزودة ببطارية كلوريد حديثة بضمان عام ولااعلم الروسى بضمان ام لا
المصرى مزودة بباكيتات فى الابواب ومرايات تحكم داخلى والروسى بمرايات عادية تحكم من الخارج ولا يوجد بها باكيتات
- واعتقد ان المصرى دورة التبريد الخاصة بها ستكون مصصمة للاجواء الخليجية لتستحمل درجة الحرارة ولا ادرى نظام التبريد بالنسبة للروسى وكما تعلم ان روسيا جوها جليد طول العام
واخيرا هذا من وجهة نظرى ورايى استشارى والراى فى الاخر لك
وشكرا
حسام كرم

انا اؤكد كلامك وكلام حسام بس حبيت اضيف ان

المصري موتورها 1600 والروسي 1500 وانا شخصيا افضل ال 1500 ( ارحم في استهلاك البنزين )
كمان في فرق سعر لصالح المصري حوالي 4000 جنية
بس افضل حاجة ( وده اللي عملتة انا شخصيا ) للحكم علي الفرق بين المصري والروسي انك تطلع علي معرض من معارض الامل يكون فيه المصري والروسي واقعد وبص بعينك علي الفرق
انا شخصيا حسيت بفرق جامد في فرش الصالون وخاماتة وحسيت بفرق في لحامات الصاج

اخيرا انا ليا اصدقاء عندهم شركة لعربيات اللوري وعربيات الخلاطات وهما بيستخدموا الادا ( المصري ) لان شغلهم بيحتاج عربيات جامدة جدا وهما بيعاملو الادا علي انها نص نقل مع التعديلات الاتية
بس بيغيروا الكاوتش
وبيغرو السوست وبيركبوا سوست الشيفروليه الدبابة
وبيشيلو الترموستات وبيركبوا واحد فاضي ( هو ليه اسم بس انا مش فاكره )
بس هما برضوا نصحوني لما كنت عايز اشتري اني اشتري روسي !!

الخلاصه لا شك ان الروسي افضل في التقفيل وخامات الصالون لاكن علي حساب فقر شدييييييييد في الكماليات
المصري افضل شكلا ( بفضل الالون الميتاليك والباكيتات ) لاكنها لادا

انصحك لو انت عايز حاجة جامد جدا ( نص نقل بهيئة ملاكي ) يبقي لادا الروسي
لو عايز كماليات وشكل افضل يبقي سيبك من الادا وجيب البرايد سابا ( هتلاقيها عند الامل برضوا )

معلوماتك رائعة يا وائل بس اعتقد ان ال1500 لن تفرق كثير فى استهلاك البنزين عن 1600 ولكن الانجيكشن الموجود فى الروسى هو الذى من الممكن ان يفرق فى استهلاك البنزين ولكن الانجيكشن يعيبة كبقية السيارات صعوبة تصليحة وكثرة انسداد فوهاتة نظراً لسوء حالة البنزين الموجود فى مصر وانا اوكد معلومتك عن شيل الترموستات فهو يحدث بالفعل فى كثير من السيارات وليس اللادا فقط
كما ان الفرش الداخلى المحلى لللادا قد تطور كثيرا الان واصبح فى نفس مستوى الروسى وان اكثر ما يعجبنى فى الروسى هو الاكصدام النيكل الذى تشعر انة استنلس ستيل وليس نيكل من شدة لمعانة
واويد كلامك ايض بالنسبة للسابا ( ولا نقول برايد لانها ليست برايد ) فهى سيارة جيدة وان لم اجربها الا اننى شاهدت الكثير منها فى التوكيل وسمعت كثيراً من الاثناء عليها
وشكرا

اشكركم جميعا واتمني لكم التوفيق

حبيبي يا حسام انت كده جيت في معلبي :twisted: السابا هيا نفسها الكيا برايد اوكيا برايد معدل ان صح التعبير بس قبل ما نجادل بعض اقرا المشاركة ديه

http://www.nilemotors.net/Forum/viewtopic.php?t=150

[web:49a3354dc7]http://www.nilemotors.net/Forum/viewtopic.php?t=150[/web:49a3354dc7]

الروسى افضل من ناحية التقفيل والمصرى بة كماليات كتير بس انا ارشحللك الروسى وركبهم انت فيما بعد الانذار والسنتر والتكييف ممكن تبقى تركبة فى التوكيل بتاع الادا

اقتباس:

---

ما ان الفرش الداخلى المحلى لللادا قد تطور كثيرا الان واصبح فى نفس مستوى الروسى وان اكثر ما يعجبنى فى الروسى هو الاكصدام النيكل الذى تشعر انة استنلس ستيل وليس نيكل من شدة لمعانة

---

انا واحد جاري جايب واحده 2004 (مصري) و اكصدامتها باظت بعدها بكام شهر و ليا واحد قريبي جايب واحده روسي 2006 معقوله مش وحشه و فوجئت لما فتحت الكبود و لقيت فيه الانجيكشن علي فكره ماركه سيمنز لا و ايه اتخضيت خضه لما جه يدور العربيه صوت الانجكشن كان مرعب :lol: بس عربيه معقوله و سحبها حلو كمان

معلش يا جماعة انا سامع ان الى بينزل تركى مش روسى وان الروسى ده بطل ينزل من زمان

جديده حكتية اللادا التركي دي ... جبت المعلومة دي منين يا ميدو ؟

سمعتها من ميكانيكى

يا جماعة بالله عليكم بلاش اشاعات بقي احنا فاتحيين المنتدي ده عشان برضوا الميكانيكية يفتوا فيه

الادا الروسي مش موجوده حاليا في الامل لاكن المركب في المينا وجاري تخليص الجمارك ومايلزم من اجراءات لعرضها في المعارض علي اول شهر 6 "


" منقول من ادارة المبيعات - شركة الامل للتجارة الخارجية "

انا اؤيد كلام ابو نورا
انصحك عن تجربة عليك وعلى الروسى
انا معايا 2107 مو 2006 مصرى
حتقوللى طيب ليه اشتريت المصرى اقوللك من خيبتى
ساعة ما اشتريتها كان سعر المصرى والروسى واحد مش زى دلوقتى فرق تقريبا 3000 جنيه لصالح الروسى
فلما لقيتهم فى سعر واحد(الكلام دا كان فى شهر 7 سنة 2006)قلت يا واد اشترى المصرى عشان 1600cc
ويا ريتنى ما عملت نفسى ناصح
اول حاجة السنتر اللى فيها زفت عطل اكتر من 5 مرات(فى الاخر لغيته)
التكيف اوعى تصدق انه زى اليابانى زى ما بيقولوا
اكر الابواب غيرتها اكتر من 3 مرات (فى الاخر ركبت اكر شاهين)
اضيف معلومة لابو نورا
الترموستات اللى بيركبوها الفاضية اسمها ترموستات مائى :idea: :wink:
الاكصدام اللى فى الروسى اشيك (دا ساعة ما انا اشتريت العربية)
بس صدقنى الانين فيهم عيب تقل الدركسيون حتى الروسى (ابقى حاول تركب انجيكشن)
لو اى استفسار انا فى الخدمة

اسف انا كان قصدى ركب باور
:oops: :oops: :oops: :oops: :oops: :oops: