-
ممنوع على أمناء الشرطة!
الخبر دة مكتوب فى جريدة الاهرام بتاريخ اليوم.
" فى حال استيقافك فى لجنة مرور أو كمين شرطة ليلاً أو نهاراً من حقك الا تطلع أقل من ضابط شرطة على رخصتى القيادة والتسيير أو حتى تحقيق الشخصية " هذا ما أكدة مصدر قيادى بقطاع الامن و المرور ألا يقوم أمين أو مندوب أو أى رتبة فيما دون الضباط بفحص أية أوراق أو مستندات , فأمين و مندوب و مساعد الشرطة و المجندون هم قوة حراسة وتأمين فقط وليس لهم الحق فى التعامل المباشر مع المواطنين ويكون قائد الكمين مسئولاً مسئولية مباشرة عن أى مخالفة للتعليمات التى يؤكد عليها وزير الداخلية .
تفتكروا الضباط هيلتزموا بالتعليمات دى ولا زى ما بيحصل دايماً نلاقى الضابط قاعد على ترابيزة تحت الشمسية:B4_033: والعساكر هما اللى بياخدوا منا الرخص :F_eyeb1[1]:, ولو حصل وقولنا للعسكرى مش هدى الرخص الا للضابط , ياترى الضابط هيكون تصرفة اية؟:3mla:
-
كدة كدة المفروض اصلا منتعاملش معاهم لأن دول شوية .... واقفين ولا ليهم لازمة غير انهم بياخدو فلوس من الناس وبس:3mla:
بس الصح أن الواحد يتعامل مع الظابط مباشرة ولو حتى الظابط أتكلم ولا رخم ولاحاجة مهو القانون ألى بيقول كدة
وشكرا لحضرتك على التوعية وياريت الناس تأخد بالها بعد كدة ومتتعملش مع الامناء بتوع الكارتة
ربنا يهدينا ويهديهم
مشكووووووووووور يافندم
-
طالما فى ضابط فى الكمين يبقى عادى ممكن ادى العسكرى او الامين الرخص انما لو وقفنى امين او عسكرى من غير ضابط يبقى ملوش عندى غير التنفيض .
-
فعلا أنا ولا مرة أمين أو عسكرى شاف الرخصة الا فى لجنة بها ضابط
-
حتي لو فيه ظابط لازم العسكري او الأمين هو اللي يوقف العربيات و يشوف الرخص و يتفاوض معاك علي الفيزيتا يا باشا و الا هيودي الرخص للباشا اللي قاعد تحت الشمسية و هو يتصرف معاك و طبعا التاني دا مش هيرحمك
يعني الظابط لازم يقعد بعيد عشان الأمناء يلموا السبوبة من البني آدميين اللي بيوقفوهم و يعمل نفسه ما شايفش حاجة و انت تضطر تسلك الأمين باي حاجة و الا الباشا هيظبطك و في الآخر بيقسموا الهبره مع بعضهم و طبعا دا غير النسبة اللي بتطلع لهم من تحصيل المخافات و اللي بيكون فيها جزء لإدارة المرور
دا طبعا مش معنها انه مفيش ظباط ولاد ناس محترمين و بيقفوا بنفسهم في اللجنة و ما بيسمحش باي تدخل من الأمناء عشان عارف انهم حرميه و نصابين و احيانا كتير الظابط بيتخانق مع الأمين لما يحس انه متعنت مع حد في اللجنة عشان ياخد منه كام مليم
-
مانتعملش معاهم تفتكر ممكن ده
ايه رايك تسافر المنصوره قبل مدخل البلد ب 2 ك فى نقطه مرور ثابته اللى فيها امين شرطه مش ظابط وورينى هتقدر ماتتعملش ولا تديله الرخص ( من الاخر تديله فلوس علشان يسيبك)
ياسيدى انت فى ج م ع
Content Relevant URLs by
vBSEO 3.6.0 PL2