عاجل جدا...... رادياتير النوبيرا

**nemnem** · 11-06-2009 10:21 AM

فى البداية أشكر كل من ساهم فى انشاء هذا المنتدى الرائع

لسة شارى دايو نوبيرا موديل 2001 عاملة 70000 كيلو متر وتم عمل كل الصيانات الازمة لها ( سيور+فلاتر+زيت ماتور)

وتم تغيير مياة الرادياتير(مياة من الحنفية) بمياة موبيل الخضراء ولكن بدون غسل دورة التبريد

وللاسف بعد يومين اكتشفت ان المياه نقصت وتم تزويدها مرة أخرى وبعد يومين نقصت مرة أخرى وبالكشف على دورة التبريد وجدت رشح فى الرادياتير من اسفل فى الجهة اليمنى واليسرى أيضا ويسؤال الميكانيكى
أخبرنى ان هناك مادة يتم وضعها مع مياه التبريد تقوم بسد مكان الرشح في الرادياتير

ما اسم هذة المادة و ممكن اجيبها من فين و سعرها تقريبا كام

أرجو الافادة ..... وشكرا

**MMamdouh** · 11-06-2009 11:49 AM

الاول لازم تعرف مكان الرشح تحديدا لان دة حيفرق كتير فى طريقة حل المشكلة

لو الرشح نتيجة تاكل السربنتينة شخصيا يبقى الرادياتير محتاج يتغيرلان اللحامات فيه مبتنفعش و اللحام بالايبوكسى مش بيعيش

لو الترشيح بسبب شرخ فى احد الخزانات الفبر اللى على يمين او شمال الرادياتير دول بيتغيروا بسهولة

لو الرشح من الجزرة اللى هى طبة تفريغ مية الرادياتير فا ممكن تغير الجوان بتاعها او تغيرها كلها

لو الرشح من الحتة اللى بين الخزان الفبر و جسم الرادياتير المعدنى يبقى ممكن تستعمل المادة اللى بتسد التسربات

المادة دى من انتاج شركة GUNK الامريكية وموجودة فى on the run اللى فى محطات موبيل... المنتج اسمة radiator sealer

MMamdouh

**MMamdouh** · 11-06-2009 12:57 PM

السعر تقريبا 12 جنية

افتح القربة و ادلق كل مكونات الزجاجة فيها و اقفل القربة.... بس خللى بالك لا القربة تفور و تحرقك... يفضل تفتحها لما تبقى العربية باردة او اول ما المراوح تقف لو العربية سخنة

MMamdouh

**MMamdouh** · 11-06-2009 03:28 PM

مش عارف... بس الاكيد ان المنتج اللى قولتلك عية فعال عن عدة تجارب فى عربيتى و عربيات اصحابى

MMamdouh

**nemnem** · 12-06-2009 02:17 PM

السيارة عاملة 51000 جنيه وسيارة عادية مش من بورسعيد ولا معاقين
بس هى استعمال خفيف و استعمال سيدة ... فابريكة دواخل ورشة بالخارج

**shesho** · 04-07-2009 04:30 PM

يا ترى حضرتك اشتريتها بكام ويا ترى مانيوال ولا اتوماتيك

**Lion_Heart** · 04-07-2009 09:04 PM

المشاركة الأصلية كتبت بواسطة mmamdouh

السعر تقريبا 12 جنية

افتح القربة و ادلق كل مكونات الزجاجة فيها و اقفل القربة.... بس خللى بالك لا القربة تفور و تحرقك... يفضل تفتحها لما تبقى العربية باردة او اول ما المراوح تقف لو العربية سخنة

mmamdouh

وهل ينفع افتح غطاء الريداتير و احطها و كأنى بأزود ميه و لا لازم يكون السائل ده فى القربة ؟؟
و لو ما ينفعش اخلى العلامة عند max فى القربة بأنى اقلل اللى فيها اصلا ..؟