الموضوع: حل لمشكلتى مع اللانوس

للرفع نفس المشكلة

المشاركة الأصلية كتبت بواسطة Shiref_mohamed

انا كمان جارك في المقطم
ونصيحتي ليك لو كنت العربية في الضمان وشايف فيها حاجه غلط اطلع على التوكيل فوراً .....
اما لو كانت خارجه بره الضمان يبقى عاوزين نعرف منك الأتي :-
حضرتك بتطلع المطلع على انهي غيار وبتشبع الغيارات ولا بتنقل بدرى
وكمان ادينا شويه بيانات اكتر عن صيانات العربية ....
يعني احكيلنا عن تاريخ حياتها والشغل الى اتعمل فيها
وكمان هل كان الموضوع ده فيها من الأول ولا ديه حاجه جديده حصلت بعد صيانة معينة

أهلا و ٍسهلا بيك
العربيه لسه فى الضمان و لما رحت أخر مرة و ذكرت لهم هذة المشكلة قالوا لى ان هذا عادى و ان العربية بتفقد 20% من قدرتها لما بنشغل التكييف و إذا اضافنا المطلع الصعب تكون النتيجة كما يحدث لى و لبعض الوقت صدقتهم خاصة انى لا أجد صعوبة حينما اكون على الطريق بسرعة طبيعية 80 كلم أو أكثر
حتى ركبت عربية زميل لى قديمة اول سنة فى لانوس 2 وجدت ان السير بها طبيعى جدا
رجعت كلمتهم تانى فكان الرد ان هذا الموديل القديم كان موتوره المانى !!
فى النهاية يئست و بدأت التفكير فى حلول أخرى فوجدت السايت الجميل دا فكتبت هذا التوبك
و للعلم العربية لم تمد فيها يد بإستثناء الصيانة بتعتها فى العباسية ناحية تاكى
اما عن كيفية طلوعى المطلع فدا و الله سؤال صعب الاجابة عليه لانه مرتبط بعدد الافراد فى العربية فكل ما كان ماعيا اسرتى كان الصعود على التانى اغلب الوقت و لما بكون لوحدى بتكون قيادتى اسرع فبكون على التالت معظم الوقت اما لو ماشى ببط فالاول بالعافيه
اما تاريخ حياتها فمفيش سوى الصيانه كما قلت من قبل لانها لسه موديل 2007 و عملت بيها كلم 45000 و طريقى هو المقطم 6 اكتوبر و فى الاجازة الساحل او راس سدر
اما اذا كانت كدا من الاول فأنا اشتريتها فى فبراير 2007 يعنى فى الشتا و بدأت استخدام التكييف فى شهر مايو من نفس العام
مش عارف يمكن اكون مبالغ بس انا احب العربية تستجيب لى و ليس العكس و على فكرة انا سواقتى مش وحشة يعنى بجرى لما الطريق يكون معقول و لا أتجاوز 140 لأنى بحس ان العربية بتكون خفيفة و اتفادى المطبات على قد ما أقدر يعنى مسالم
و معلش طولت عليكم

المشاركة الأصلية كتبت بواسطة hamedo0

'طيب معلش تقبل كلامي تطلع المطلع علي التاني والعربيه محمله بالاسره والتكيف كتير علي العربيه
الاعرفه ان العزم بتاع العربيه بيبقي الاول و التالت ( وياريت حد يصلح كلامي لو خاطئ )

حقيقة معرفش المعلومة دى و انا اصلا معلومانى محدودة وياريت حد يأكد المعلومة أو ينفيها