عرض للطباعة
السلام عليكم ورحمة الله وبركاته
انا يا جماعه نويت ان شاء الله اشترى هيونداى i 10 مانيوال half options
فلو سمحتوا يا جماعه لو حد ركب العربيه دى او يعرف حد ركبها او عنده
ياريت يقولى تجربته معاها ايه علشان ان بسمع عنها كلام كويس بس لسه لحد دلوقتى مسمعتش راى حد ركبها
قبل كده فياريت لو سمحتوا لو تعرفوا المعلومات دى تقولوهالى واكون شاكر جدا ليكم يا جماعه
وقبل كل ده ادعولى ان ربنا يباركلى فيها ان شاء الله ويبعد عنى شرها
ممكن أقوللك حاجة واحدة... إستنى لشهر أغسطس عشان حرام الأسعار بتاعة دلوقت دي...
لكن العربية حلوة بكل المقاييس وانا شخصيا ناوي أجيبها بس full option...
اصبروا لحد الالتو الجديدة ما تنزل ، تستاهل الانتظار
http://www.pro-pakistan.com/wp-........_alto_2009.jpg
http://img2.netcarshow.com/Suzuki-Al...llpaper_02.jpg
http://www.pro-pakistan.com/wp-........_alto_2009.jpg
السيارة اكثر من ممتازة وعن تجربة توكل على الله والف مبروك مقدما ولو عايز اى استفسار تحت امرك
مشكلتها الأولى قطع غيارها سعرها مبالغ فيه جدااااااااااااااااااااااا اااا
تخيل انت لما مراية ب 1100 جنية
العربية جيدة . التكييف قوى استهلاك البنزين جيد
و اى استفسار عن حاجة فى العربية انا موجود انا معايا واحدة هاف اوبشن جبتها من سنة و شهر (اول ما نزلت) و مفيش مشاكل الحمد لله
و فيها ايه!!!اقتباس:
المشاركة الأصلية كتبت بواسطة yasserwin
هو الواحد لازم يجيب عربية قطع غيارها رخيصه علشان يخبط؟؟؟ و يبيعها ب 9000 جم زى ال 127 و ال 128 و العربيات الزبالة دى
انا متفرقش معايا اسعار قطع غيار ولا توكيل وحش من كويس اللى مبيعرفش يسوق يبقى يبص للنقطة دى
بجد شكرا جدا ليكم يا جماعه على ردكم واهتمامكم
وانا ان شاء ناوى اجيبها ومش هستنى تانى علشان محتاجها فى اليومين دول
وبالنسبه لقطع الغيار مادام العربيه كويسه وتستاهل تمنها يبقى مفيش مشاكل بالنسبه لاسعار قطع الغيار
وشكرا يا استاذ ehibrahim واستاذ meezo على ردكم وياريت حضرتكم تقولولى اداء العربيه عامة عامل ازاى
يعنى فى السحب ايه اخبارها وبيركب فيها 5 مرتاحين ولا هتبقى مزنوقه
واستهلاك البنزين بتاعها عامل ازاى والخامات بتاعت التابلوه والصالون
والحاجات الباقيه بقى ياريت حضرتك تقولى عليها
وياترى الفرق كبير بين ال half options وال full
ولا الزجاج الكهربا والسنتر لوك بس ؟؟
وبجد الف شكر ليكم يا جماعه مره تانيه على الرد والاهتمام
انا بعمل جوة القاهرة مع التكييف 280كم \ 20 لتر و من غير تكييف 320-340 كم \ 20 لتر
التقفيل قريب قوى من الكورى
فى خامات جيدة زى التبلوه و خامات نص نص زى دراع التكييف و السرعة بتعت التكييف
السحب جيد شبه سحب الأكسنت ال 1300 و يمكن احسن
اعلى سرعة انا وصلتلها 170 بس على اليوتيوب فى ناس و صلت 176 و ممكن تعدى
الثبات حتى 140 جيد بعد كده تحس بأن العربية خفيفة طبعا عشان وزنها و حجمها
العفشة جيدة بس انا شايف ان عرض الكاوتش صغير ياريتو كان 175\ 60
الفرق بين الهاف و الفول أوبشن
الفول اوبشن فيها زيادة:
1- مساحات زجاج خلفى
2- 4 زجاج كهرباء
3- سنتر لوك
4- فوجات
5- rpm
6- تقريبا تعيل مستوى الأنارة الأمامى (مش متاكد)
7- الكراسى الخلفية فيها مخادع رأس و تنطوى 40\60
شوف الموضوع ده :vctry:
http://www.nilemotors.net/Nile/showthread.php?t=59729
بجد الف الف شكر ليك يا استاذ meezo على اهتمامك واجابتك الوافيه ليا
واستاذ mrbebo على اللينك الرائع للموضوع اللى انا عايز زيه الف شكر ليكوا يا جماعه مره تانيه وادعولى بقى ان هى تكون ان شاء الله وشها حلو عليا وربنا يكفينى شر الطرق اجمعين
معلش انا كان ليا سؤال كمان
هى العربيه بتستحمل السفر ولا ايه نظامها
وانا بتكلم مثلا ممكن اسافر مره او مرتين فى السنه بس
يعنى اسكندريه او شرم
فياريت حضرتك تقولى ايه اخبارها فى السفر معاك
وشكرا ليك مره تانيه
انا لسه مجربتهاش فى السفر بس اعتقد انها هتأدى كويس مش هتقول لآ