عرض للطباعة
جالى على الايميل حالاً انة تم اكتشاف حالة مصابة بإنفلونزا الخنازير فى مطعم ماكدونالد المعادى طريق النصر ( احد العاملين بالمطعم ) وان الحكومة قامت بإغلاق المطعم وهناك بعض الاقاويل انة تم ايضاً إغلاق كل من ( جاد - عمو حسنى - تكا - بيتزا هت )
ياريت لو حد من الاعضاء من المعادى يشوف صحة الكلام دة , ربنا يستر
مصراوي - خاص - أثبتت التحاليل التى أجريت على بعض أعضاء نوادي الصيد و الجزيرة و الاهلى و الزمالك إصابة خمس و سبعون طلاب عضو بفيروس "إتش 1 إن1" المعروف باسم إنفلونزا الخنازير ليرتفع عدد المصابين فى مصر الى خمسة و ثمانون حالات اكتشفتها وزارة الصحة .
جاء ذلك فى تصريحات لوزير الصحة الدكتور حاتم الجبلى قبل مغادرته القاهرة الثلاثاء متوجها إلى لندن لبحث ملف التأمين الصحى بمصر مع احد المكاتب المتخصصة.
من حانبه قال الدكتور عبدالرحمن شاهين المتحدث الرسمى باسم وزارة الصحة إنه تم نقل المصابين الخمسة و السبعون إلى احد عشر مستشفي بالقاهرة، وان حالتهم الصحية مستقرة.
وأضاف شاهين - فى بيان أصدرته الوزارة الاربعاء - أن باقى عينات التحاليل لجميع الموجودين فى مقار النوادى لزمالك بالقاهرة جاءت جميعها سلبية ، وتتم متابعتهم ومراقبتهم صحيا للاطمئنان عليهم.
وأوردت المصادر أن هناك حالة من القلق داخل الوزارة خاصة مع توجه الوزير إلى لندن، تاركا الوضع الخطير لقيادات الصحة.
وكان الجبلى قد أعلن قبل سفره استقرار الحالة المرضية للطالبين المصابين بأنفلونزا الخنازير، واللذين تم اكتشافهما الاثنين بالجامعة الأمريكية بمقرهما السكنى بالزمالك.
وأكد أن حالتهما مطمئنة وانهما فى طريقها للشفاء، حيث إن كافة التحاليل الصدرية لهما جاءت سلبية و قد تم إعطاؤهما عقار "التاميفلو"، فور التأكد من حالات الاشتباه، مما ساهم فى استقرار حالتيهما.
يا راجل خضتني. الخبر مفبرك عن مصراي. واخدين خبر قديم ومغييرين عدد الاصابات.اقتباس:
المشاركة الأصلية كتبت بواسطة sindbad7000
عدد الاصابات لغاية دلوقتي 9.
اقتباس:
المشاركة الأصلية كتبت بواسطة itsonlyme
بقوا 11 يا ريس :_Alshmokh22[1]:
يا رب استر علينا ........................*
لا حول و لا قوة الا بالله
و الله انا خايف يكون الكلام اللي سمعته من واحد صحبي يكون بجد و يحصل
الكلام بيقول و طبعا انا مش متأكد بس انا سمعته من واحد ثقة و كان عبارة عن مقالة مكتوبة في احد الجرائد الخاصة
بيقول انه فيه ابحاث اتعملت برا مصر و تنبأت ان الفيروس حيتحور ة يبقي شرس و يبقا وباء و هتكون مصر هي مركز الوباء دا و هيبقي فيها اكب عدد من الإصابات و الوفيات بالملايين لدرجة ان هيبقي في مقابر جماعية للناس ساعتها
طبعا انا بتمني يكون الكلام دا تخريف و مش مظبوط
و لو اني كلل شويه افكر فيه و ما استبعدش حدوثة عندنا لا قدر الله
انت شوف المترو و الزحمة بتبقي عامله ازاي فيه و التوبيسات و المواصلات عموما
و احنا كمان شعب عاداتنا كلها غلط بوس و احضان و بلاوي زرقا لما بنسلم علي بعض
ربنا يستر :120105~352:
لا تسبوا الدهر
عن أبي هريرة رضي الله عنه قال : قال رسول الله - صلى الله عليه وسلم - : ( قال الله عز وجل : يؤذيني ابن آدم يسب الدهر ، وأنا الدهر بيدي الأمر ، أقلب الليل والنهار ) .
الاشراف
فعلاً بقو 11اقتباس:
المشاركة الأصلية كتبت بواسطة mostafabakry
ما عليك الا انك تزور موقع مصراوي كل يوم على الوصلة دي
http://www.masrawy.com/News/Egypt/Po.../swineflu.aspx
وتغير بس تاريخ اليوم.
بالنسبة لموضوع تحول المرض. من قبل انتشار انفلونزا الخنازير ومصر كانت الدولة رقم واحد المرشح والمتوقع ان يتحول فيها مرض انفلونزا الطيور بحيث ينتقل من انسان لانسان.
الكلام ده كلام منظمة الصحة العالمية. كان من المتوقع لو حصل التحول ان مصر يتعمل عليها حجر صحي كامل! يعني البلد كلها تتقفل وممنوع السفر من وإلى مصر.
موضوع انفلونزا الخنازير وظهوره في العالم كله خفف الضغط علينا.
بس مازال الخطر قائم من تحول انفلونزا الطيور اللي هو اخطر من الخنازير.
منظمة الصحة العالمية تعلن تفشي أنفلونزا الخنازير كوباء عالمي خبر عاجل من cnn
الصحة العالمية تعلن انفلونزا الخنازير وباء عالميااقتباس:
المشاركة الأصلية كتبت بواسطة Sindbad7000
6/11/2009 5:10:00 PM
اعلنت الصحة العالمية يوم الخميس ان فيروس (ايه اتش 1 إن 1) المعروف بانفلونزا الخنازير اصبح وباء عالميا.
وكانت أمريكا الشمالية تعتبر منطقة الانتشار الوحيدة. ولكن استراليا سجلت في الأيام القليلة الماضية موجة كبيرة من الإصابات، حيث تجاوز عدد المرضى فيها 1200 حالة.
وكانت المنظمة أعلنت أن الانتقال إلى درجة الإنذار القصوى يعني أن أول جائحة في القرن الحالي باتت قريبة جدا وإنها تنشط لمساعدة الدول على الاستعداد لإعلان ذلك.
وبحسب آخر حصيلة أصدرتها منظمة الصحة وصل عدد الإصابات بإنفلونزا الخنازير إلى 27737 إصابة في 74 بلدا وتسبب المرض بوفاة 141 شخصا.
http://www.masrawy.com/News/Technolo...ne/11/flu.aspx
مبروك!
صح الكلام اللي سمعته ودي خطورة الموقف عندنا وأقولك ليه .. فيروس أنفلونزا الطيور دلوقتي توطن في مصر وبقى صعب القضاء عليه بسهولة وطبعاً أحنا للأسف أعلى دولة في معدلات الأصابة والوفيات نتيجة الأصابة بمرض أنفلونزا الطيور على مستوى العالم وأكبر من الصين بلد المنشأ لهذا المرض اللعين الخوف من أيه دلوقتي أن مرض أنفلونزا الخنازير ينتشر في مصر ويوصل لحظائر الخنازير و يطول أي خنزير عنده أنفلونزا الخنازير هنا المشكلة لأن جسم الخنزير دة عبارة عن معمل فيروسات متنقل يتم داخله أندماج وتلقيح الفيروسات مع بعضها البعض لينتج عنها فيروسات جديدة شديدة الضراوة وغير معروفة تماماً وأشد فتكاً من ماسبقوها ولديها قوة تلك الفيروسات مجتمعة في هيئة فيروس واحد ساعتها الله وحدة يرحمنا برحمته الواسعة اللهم آمين .اقتباس:
بيقول انه فيه ابحاث اتعملت برا مصر و تنبأت ان الفيروس حيتحور ة يبقي شرس و يبقا وباء و هتكون مصر هي مركز الوباء دا
عاوز أقولكم أن الخنازير تشارك في صناعة 450 مرضاً يصيب جسم الأنسان عشان كدة أنا لو مكان الحكومة أصدر قرار بأعدام البشر اللي ممتنعين عن أعدام الخنازير .
ماحنا كده كده ميتين .. عادى
بس برضه نقول ربنا يستر
ربنا يستر بقي ..
انا بقيت بقيت بغسل ايدى كل 5 ثوانى تقريبا . جات لى هيستيريا .
الدنيا هتروح بينا على فين
يارب استر علينا
سؤال هو اللى يموت بالامراض ديا هيكون شهيد صح ؟؟؟؟؟
ظهر الفساد فى البر و البحر بما كسبت أيدى الناس
ربنا يرحمنا برحمته
معتقدش يكون شهيد
في حكم الشهيد
المبطون ... الأم إللي ولدت وتوفت .. الغريق
والله اعلى وأعلم
يا جماعة ياريت كلنا نشتري كمامات نلبسها بالاماكن العامة
و في نصيحه حلوة سمعتها
اشتري كحول ابيض و فازلين و دوبهم مع بعض و حطهم بازازة
و كل ما تلمس شي بره البيت طهر ايدك بهالخليط
و ياريت نغسل ايدينا قد ما فينا و ياريت لو بالديتول مع الميه
و ربنا يستر علينا
يا جماعة فيه مناديل ديتول مبللة بتتباع من زمان و دي مطهرة
ممكن كل واحد يجيب علبة يحطها في عربيته .
انا عديت من شوية أمام جميع محلات الفاست فوود و منهم ماكدونالدز في شارع النصر بالمعادي...و كانوا مكتظين بالناس عادي جدا و بياكلوا و يشربوا و كل شئ طبيعي
واضح إنها إشاعة ظريفة من إشاعات الشعب المصري اللي بتنتشر كالنار في الهشيم...
الظريف بقي إن واحد صاحبي لما قابلته من ساعة كده و باحكيله....قاللي لا يا عم....ده في شارع 9!!!!!!!!!
يعني كل الإيميلات بتقول شارع النصر و تطلع في الأخر شارع 9!!!!
أكيد فيه حاجة غلط!
ربنا يستر علينا
الحكاية مش ناقصه ترويج اشاعات من مصراوي وغيره كل واحد فيه اللي مكفيه الحكاية مش ناقصة توتر زيادة
الله اعلم الحقيقه ايه
بصراحه انا مستغرب من حاجه
احنا البلد اللى بيبقى مصاب اكثر من دول المنشأ نفسها
طيب ليه
ماحدش يقول اصل احنا الوعى عندنا عامل ايه و الناس بتعيش مع الطيور و الخنازير فى مكان واحد و كلام الاعلام ده
هناك دول اقل مننا بكتييير فى الوعى الصحى و كمان مش بيناموا مع الخنازير
لأ دوول بياكلوها نيه هى و غيرها
انا مافيش دولة محددة فى دماغى بس دول زى الصومال و الوسط الافريقى و الجنوب امريكى و الشرق الاسيوى"مش قصدى الصين انما اقصد الفلبين و دول لم نسمع عنها من قبل"
اشمعنى مصايب العالم بتتحول لكوارث عندنا
مجرد سؤال
عشان مصر نحساقتباس:
المشاركة الأصلية كتبت بواسطة MTAK
عشان إحنا دولة منحسة ...
و أقولك مصر ليه منحسة ...
ده فى List طويلة جدا للنحس الأزلى ...
1- مصر موقع جغرافى رهيب ... محدش إستفاد منه ... إللى عملوه إنهجابلنا إحتلال مش أكتر من هكسوس لإغريق لرومان إلخ إلخ ..
2- مصر نحس لأن لو أخدت بالك البترول ماشى فى خط مستقيم نزل عندنا و عدانا دخل على السودان و بعد كده رجع ليبيا ...
3- حتى الجمال ... كل دولة ليها جمال محدد معادا إحنا البنات مايفرقوش عن الرجالة كتير ...
يااااااااه أقول إيه ولا إيه!!!
ده لازم يبقى موضوع منفصل ..
غااااالي. مناديل الديتول دي غالية قوي.اقتباس:
المشاركة الأصلية كتبت بواسطة motorizer
بس ممكن صابون الديتول.
جبنا فيا البيت كمامات بس مش عارف هستخدمها ولا لأ.
ربنا يستر.
شهيد الدرجه الاولى : القتيل فى الحرب
شهيد الدرجه الثانيه ( المحروق - المهدوم - الغريق - المطعون - المبطون - موت الفجاءة )
ربنا يستر على الجميع
على فكره حاله الهلع دي مش في مصلحه اي حد
إن شاء الله خير