الموضوع: صور لطريق جديد في السعودية و قارنوا بينها و بين عندنا في ج م ع

بسم الله ما شاء الله ربنا يبارك ليهم

شكله تحفة تحس انه حاجة طبيعية

عقبالنا يارب

المشاركة الأصلية كتبت بواسطة mostafabakry

بسم الله الرحمن الرحيم

السلام عليكم ورحمة الله وبركاته

شوفوا يا جماعة الطرق بتتعمل ازاي و بتضاء ازاي و ما فيش حاجة اسمها طريق حارة واحدة رايح جاي زي القرف الللي عندنا ....
صور لطريق الهداء بعد التوسعة والإنارة .....

منقول
وتخيلوا أن هذا الطريق كان مظلم وينزل ويطلع فيه الناس
من مكه لطائف ومن الطائف لمكه على ضوء السيارات فقط

عقبالنا يا رب لما نعمل حاجة زي كدا

جزاك الله خيرا على الصور الجميلة
حضرتك رجعتني 33 سنة ...تحديدا سنة 1975- 1976

كان عندي 5 -6 سنوات وكان والدي في إعارة للسعودية في مدينة بيشة و توجهنا لتأدية فريضة الحج في عربية ربع نقل مع جيرانا المصريين
وطلعنا جبل الهدا بالسيارة و الله العظيم مازلت أذكر لحظات الرعب التي عشناها من منظر الطريق و خصوصا عندما حل الظلام واحنا في أعلى الجبل ...ومنظر السيارات في اسفل الجبل مثل علب الكبريت

أظرف شيء كان وجود القردة و نزولهم من الجبال لخطف الطعام
وكنا نعبيء جراكن المياه من الماء البارد المثلج المتساقط من أعلى الجبل.....

انا كنت عايش فى السعوديه فتره مستعد اقسم بالله ان تقريبا مافيش ولا لمبه محروقه فى الطريق بجد حاجه وهم عواميد الاناره هناك فى ارتفاع تقريبا 15 دور معموله بطريقه توزع لاكبر مساحه وباقل اللمض

هناك عندك طريقين والله يدروسوا طريق الملك فهد وطريق الدائرى

وطريق الملك فهد ده لو عايز تروح اى حتى فى المملكه تاخده بدون اشارات او يوترن

بجد نفسى نبقى حته نصهم فى جوده الطرق

ربنا يوعدنا

طبعا مش جديد على طرق المملكه اللي في بعضها في الرياض ينفع مهبط طائرات في حالات الطوارىء !!!!!!

المفروض الحكومه المصريه الموقره لما تعمل مناقصات طرق
تاخد ضمان صيانه على الطريق لمده 20 سنه
دا هيبقى اوفر وافضل واي شكوى من المواطنين ترجع للشركه المنفذه
حتى لو كان العقد اغلى شويه في الاول لكن على المدى الطويل اوفر وافضل

عامل زي طريق القاهرة السويس بالظبط ................