الجزء التاسع : يا أنا يا السفنتينا ... ومفيش بيع
عند على عند بقا
مش حبيعك يا سفنتينا .. ويا أنا يا انتي
النهاردة قولت اروح المرور انقل الرخصة باسمي
بعد تفكير طووووووووووويل في العدول عن قرار البيع
اتفاجئت مفجأة إن عقد التسجيل طالما مضيت عليه مشتري ومنقلتش خلال شهر بيسقط ويا ادفع غرامة 200 300 ج
يا اعمل عقد جديد ... كلمت صحبتي
واتفقنا نروح الشهر العقاري نعمل عقد جديد
المهم تراجعت عن العقد وقولت توكيل أحسن وبلاش وجع دماغ
وساعة البيع أو إعادة الترخيص يبقا يحلها حلال
بجد
عربية غلسة وثقيلة في كل حاجة
قولت والله ما انا بايعاها ويا نعيش سوا يا نمووووت في حادثة سوا ... وبجد عربية دمها تقييل
وعاوزة تتربى من أول وجديد ... وسياسة القلب الطيب متنفعش
دي عاوزة تاخد فوق موتورها
ومفيش جري على ميكانيكيا ... لما تبقا تولع واللا تقف خالص ابقا اروح اشوفها مالها
وحتفضلي معايا عشان اطلع عليكي كل أيام العذاب
حتمشي عدل حتاخدي عنية ... حتمشي عوج ... حتاخدي بزيت الباكم على ..... !!!!
ومفيش بيع .. ومفيش فصال
ومفيش عمرات ومفيش نصبات تاني
صوتك عالي صوتك مش عالي ... ميهمنيش
هو كدة ... وإذا كان عجبك
واتقي غضبي يا سفنتينا:khd: