مشكله تانيه يا رجاله (شحن التكييف)

دلوقتي يا رجاله انا من شهر و نص كده شحنت فريون و غيرت الابره لانها كانت بتسرب و اشتغل تمام اوي لحد امبارح تمام انهارده الصبح لقيته مفيش تبريد خالص و اول ما الكمبرسير يشتغل يطلع صوت صفاره كده في المواسير روحت للكهربائي بتاعي قالي الصوت ده معناه مفيش فريون و حط ميه علي الابره لقيتها بتفقفق معناها التسريب منها بس هو امبارح شغال يعني هل يلحق يسرب من امبارح للنهارده ولا ايه
و هل لو روحت للزراني حيعملوا تاني علي حسابي ولا ايه اتنا جايب الابره و الشحن كله من عنده
ولا ممكن كده يكون في تسريب تاني هو كان تمام اوي من يوم ما عملته لحد امبارح كويس اوي انهارده عمل كده اعمل ايه انا متنرفز اوييييييييييييييييييييييي ييييييييييييييييييييييييي ييييييييييييييييي

فيكترا 2001

ده التكيف علي فكره اصلا انا مش كاتب معلش متنرفز بجد و انا لما شحنته قبل كده كان عند الزراني الي في اسكندريه

اولا متزعلش عادى كلنا بيحصل فينا مثل هذة المواقف بس عايز افهمك حاجة لو فى تسريب كبير ومفيش فريون على الاخر الكمبروسر مش هيقوم اساسا يعنى اكنك مشغلتش التكيف بس كدة حاسب علية عشان ميحصلوش حاجة بص انا قلتلك تعالة القاهرة وانا هظبطهولك عن الكبتن حاول بالنسبة للراجل هو ملزم انة يشحنة وغير البلف من غير متدفع حاجة انا واللة لما التكيف عندى الشجرة باظت ومعدتش عليها سنتين رحتلة غيرلى الشجرة وشحنلى ومدفعتش حاجة من سنة ونص شوف انت من شهر ونص مدام المشكلة تكمن فى قطعت الغيار بتعتة تبقا مسؤليتة لانها بتعتة اكيد انا مش كول شوية هجيب بلف كل شهر ونص مش منطق خالص ربنا معاك

تمور باشا مهو فعلا كاني مش بشغله بس فعلا ممكن البره هي الي تخليه يلحق يسرب كل ده من امبارح للنهارده

انا دلوقتي حنزل عند الكهربائي اشحن هوا عادي و اشوف في تسريب من حته تانيه ولا لا عشان برضو مكنش ظلمته ولو اتاكدت انه من الابره حروحله اخليه يعملهولي
انا عارف اني قرفكوا معايا اوي بس انا بجد اتنرفزت اويييييييييييييييييييي

هدى اعصابك احنا عيزينك انشا اللة تتحل بسرعة انت كدة ماشى صح

استحاله الكمبروسر يقوم و مافيش فريون فى الدايره الا اذا كان فيه قفله فى حساس الضغوط
بالراحة كده و هتتحل ان شاء الله

متشكر يا جماعه علي اهتمامكوا انا باذن الله حروحلهم يوم الحد بباذن الله و اظبط الكلام و اول مارجع حاحكيلكوا
و فعلا هو كان بيشتغل الاول كان فيه شويه بس دلوقتي لما فضي خالص مش بيشتغل

كده تمام

اقتباس:

---

المشاركة الأصلية كتبت بواسطة manabedo

تمور باشا مهو فعلا كاني مش بشغله بس فعلا ممكن البره هي الي تخليه يلحق يسرب كل ده من امبارح للنهارده

---

ياباشا هو مفضاش الفريون مرة واحدة زي ماانت متصور وهو بقاله شهر ونص بيسرب من الابرة لغاية ما بيوصل لضغط معين مابيشتغلش علشان الكومبريسور ما يبوظش safety switch(presure switch)
يعني ها تلاقي فيه لسة غاز اكثر من 1/3
بس كده كدة طالما هايفك الابرة هايشحنه كله تاني

بس التكيف كان شغال معايا عادي محستش انه تعبان او مش بيبرد و حتي لو كان بيفرغ مش حاحس برد ه ؟؟؟؟؟؟؟

ايوة ياباشا مش ههتبقه محسوسة قوي لغاية مالغاز يقل فالكومبريسور يفصل ويشتغل علشان ما يتحرقش,وبسيطة ان شاء الله

اكشف التسريب منين و ربنا يستر يبقى مش من الكباس و هتلاقى الدنيا زى الفل