ازاى اغسل موتور النيسان

**MEDO1986** · 11-06-2009 09:21 PM

انا عاوز اعرف ازاى اغسل موتور السوبر صالون ولو غسلتو اغسلو بى ايه عشان عندنا البلد كلها تراب والموتور بيوسخ بسرعه عاوز اعرف اغسله بايه وهل فى مشا كل لو غسلته عشان كهربه العربيه........................ شكرا

**aboezz44** · 13-06-2009 01:34 PM

انا حصلى نفس الموقف وكان الموتور عليه تراب كتيييييييييير وانا بعمل صيانة ال20.000كم فى مركز السبع بالمعادى غسلولى الماتور بالفووم وكانت تكلفة غسيله 30جم فقط
على فكره فيه محطات بنزين كويسه بتغسل المواتير بتاعت العربيات بالفووم
وربنا يوفقك

**MEDO1986** · 13-06-2009 05:51 PM

شكراااااااااااااااااااااا اااا

**hany79** · 13-06-2009 08:50 PM

والله انا غسلتوا مرتين:
مرة في محطة التعاون بالميه و الجاز و بعد كده بالصابون
و تاني مرة عند واحد بالفوم و الحمدلله الدنيا فل

**sab3aawy** · 14-06-2009 10:34 AM

فى التوكيل فقط وبالفوم

لا تغامر بغسيل المحرك فى المحطة لأنك متضمنش هم هيغسلوها ازاى

وخلى غسيل المحرك على فترات متباعدة جدا وعوض ذلك بتظيف ما يتيسر من المحرك بفوطة زفرة كل فترة ،لكن ابعد عن الماء والجاز وكل هذة الأشياء التى كانت تناسب غسيل محركات سيارات اباءنا، محركات اليوم ممتلئة بأجزء الكترونية ومن السهل جدا ان يسبب الماء قفلة فى اى منها ونرجع نقول ياريت اللى جرى ما كان( وقبل ما حد يقول لى منا عملتها ومحصلش حاجة اقول ان المسألة مسالة احتمالات، لأن برضة زى ما ناس عملوها ومحصلش حاجة انا شفت ناس عملوها والعربية نامت فى مكانها زى البطة الميتة وفضلوا يلفوا حوالين نفسهم بحثا عن حساس كرنك ملمس او كتاوت مارش شارب مية .....الخ) فنصحية بلاش المية والجاز واشترى راحة بالك

**م.محمد علاء** · 14-06-2009 05:58 PM

بس انا يا بشمهندس لما عملت الصيانه بتاع 1000 غسل المكنه بميه وصابون..برسيل يعنى؟؟؟؟؟!وكان بيمسك السفنجه ويمشيها على المكنه...و بعدها كب الجردل كله على المكنه وقالى متقلقش و ابعد عن الجاز..على فكره كان بيكب بطريقه عشوائيه مش بيكب على مناطق و مناطق لأ!!!
فهل ده معناه ان الواحد يتكل و يمسك خرطوم ميه و اديله؟؟؟
انا فاكر ان انا غسلت ال 128 بالميه ..االموبينه دخلها ميه ..واديله زقه مفيش...لحد منشفت والحمد لله؟امال ازاى بقى المكنه 2009 تتغسل بميه؟؟؟؟؟؟؟

**man_alex1984** · 14-06-2009 07:18 PM

انا عندي الموتو باش من الغسيل ميه وجاز وصابون جميع الانواع وضغط الميه بيحطه في كل مكان والحمد لله مفيش اي اعراض بس البنيءادم اللي يغسلها يكون بيفهم ودي شغلانته

**Bishoy.Girgis** · 15-06-2009 12:31 PM

ارجو عدم المغامرة بغسيل موتور العربية خارج التوكيل لأنهم بيغسلوا اماكن معينة فيها و بعدين ربنا بيستر و علي فكرة في واحد غير كمبيوتر العربية بـــ 9000 جنيه بسبب غسيل الموتور