(( قدر الله وما شاء فعل )) الالنترا اخر خبطة

قدر الله وماشاء فعل ,,,,, النهاردة العربية اتخبطت وكانت الخسائر اكصدام اتكسر من تحت وعند الشبكة اللى بين الفوجات وورا الاكصدام السدر اتعوج شوية وفية حته شرخ بمقدار مثلا 1 سم رحت اكشف ع الخساير عند سمكرى قالى الاكصدام مفيهوش مشكلة يتلحم ويرجع زى الاول لكن السدر طلع فايبررررررررررررررر مش حديد يعنى مفيش سمكرة خالص المهم الحمدلله كنت مأمن فى المصرية للتأمين التكافلى هل لازم محضر مع العلم ان الحادثة فاديت فيها موتوسيكل اتقلب وهوا ماشى وطلعت ع الرصيف علشان مخبطوش ومعملتش محضر هل اروح اعمل محضر ولا مش ضرورى علشان الحادثة مكانش فيها تصادم مع العلم تمن السدر الفايبر 2600 جنية تقريبا والاكصدام قالوا يعمل حوالى 2200-2400 يعنى توتال فى حدود 5 الاف ,,,,,,,,,,,,,,, ارجو المساعدة من اعضاء المنتدى الكرام اللى دايما بيبقوا جنبنا فى الشدائد وعمرهم مخذلونا ,, ربنا يستر طريق الجميع

المفروض تتصل بيهم الاول تسالهم
لان اخطار الحادث ليه معاد للابلاغ
يهنى ما يزدش عن 48 او 72 ساعة حسب كل شركة

قدر الله وما شاء فعل
اعتقد لازم محضر

شكرا يا جماعة ع الردود وربنا يستر المشكلة ان الحادثة حصلت يوم الخميس بالليل والنهاردة الجمعة اجازة والسبت اجازة فمفيش قدامى الا يوم الاحد وربنا يستر هو لو فية تصليح فى التوكيل بنسب تحمل بيتذكر فى الوثيقة ؟؟؟ ولو صلحت فى الورش بدفع برضة ؟؟ لان غالبا هنا فية تغيير قطع غيار وللاسف الوثيقة مش ذاكره اى نقطة من دول حتى موضوع المحضر لقيتهم كاتبين فى حاله بس الحادثة الجنائية او اللى بيبقى فيها فرصة مطالبة الشركة للطرف التانى او ملاحقته قضائيا يعنى كدا المفروض ميبقاش فية بالنسبالى محضر لان مفيش طرف تانى ومحدثش تصادم معاه ربنا يستر :(

اولا قدر الله وماشاء فعل.... حمد الله علي سلامتك
انصح حضرتك تروح تعمل محضر في القسم تثبت فيه التلفيات بتاريخ النهارده مثلا
و تروح تبلغ في التأمين علي الخبطة قبل 72 ساعة
المحضر وثيقة اثبات للتلفيات اللي هما ملزمين بتصليحها..
وهما اعتقد بيطلبوا المحضر لاي اصلاحات تزيد قيمتها عن 2000 جنيه
وربنا ينجيك ان شاء الله ويجعلها اخر الخبطات
تحياتي

دلوقتي بالنسبة للجمعية المصرية للتأمين التعاوني ... هاتصلح في التوكيل ... هاتصلح في الورشة هاتدفع و تسترد قيمة التأمين بعد كده من الشركة

ربنا ييسرلك الاحوال

ربنا يكرمك ياباشا ع النصيحة الغالية انا فعلا بفكر اروح اعمل محضر تلفيات حتى يبقى معايا لو تطلب الامر لان اظن التكلفة فى حدود 5000 وباذن الله هتصل بيهم يوم الأحد واشوف اية اللى هيحصل :(

ياجماعة رحت لشركة التأمين وعملت اخطار حادثة والحمدلله مفيش محاضر وهما هيصلحوها فى مراكز معتمدة اخترت منهم مركز البيلى اللى موجود قبل حديقة الفسطاط عند الراعى الصالح وهو من المراكز المعتمدة لدى شركة التأمين وهما اللى هيحاسبوا حتى لو فية تغيير قطع غيار كمان وتم عمل تقرير التلفيات وقالولى الاكصدام هيترش والشبكة اللى فيها الفوجات هتتغير هى والكارتيرات البلاستيك اللى تحت الاكصدام + السدر الفايبر هيتغير + قميص المروحة علما بان الفيوز بتاع المروحة اتحرق اما غيرنا الفيوز الجديد كان بيسخن بس المروحة شغالة بس بتشم ريحة كأن شياط فبقول للراجل راح قايلى الموتور اتحرق اصلوا سرعتين وهو دلوقتى شغال سرعة واحدة !!!! مش عارف اتحرق ازاى خصوصا المروحة بتلف يبقى الملف سليم + كمان لقينا اما بنشغل التكييف العربية بترعش جامد والتكييف مش ساقع خالص الراجل كشف لقى مفيش فريون فقالى شكل السربنتينة كمان مخرومة !!!!!!!! ارجو المساعدة فى موضوع المروحة دة وريحة الشياط

اخي الكريم
ربن ييسرلك الاحوال و ترجع زي الاول

بس انا عندي سؤال صغير خالص
هو حضرتك مأمن فعلا مع الجمعية المصرية للتأمين التعاوني اللي في العباسية ؟؟؟؟
ولا دي حاجه تانية اسمها الجميع ةالمصريةللتأمين التكافلي ؟؟؟؟؟
تحياتي

ربنا يكرمك ياباشا بالنسبة للشركة لا خالص دية شركة تانية اسمها المصرية للتأمين التكافلى او بيسموها بنوك مصر وعنوانها فى 40 شارع سوريا فى المهندسين

نصيحة خد العربية ووديها التوكيل وادفع من جيبك علشان العربية تتصلح كويس وبعدين ابقى استرد الفلوس حتى لو اخدت وقت