جيتا 2009 ولا سيفيك 2009 ؟
يا ريت حد من الخبراء يرد على الموضوع ده مع التوضيحات
و شكرا جزيلا
عرض للطباعة
جيتا 2009 ولا سيفيك 2009 ؟
يا ريت حد من الخبراء يرد على الموضوع ده مع التوضيحات
و شكرا جزيلا
مش محتاجه تفكير اصلا ....جيتا طبعا
انا برده فى رايى جيتا
تعجبنى اكتر بكتير من السيفيك
جيتا ركوبة باشاواتي
مافيش مقارنة
فئتين مختلفتين .. الجيتا طبعاا (الا لو بتتكلم عن الvti يبقا فيها كلام تانى )
أن أجرت العربيةٍ هنا في مشوار سفر وطريق كله دورانات بين جبال ومطالع ومنازل وذه تقييمي للعربيتين مع العلم إن الجيتا كنت 2500 cc و سيفك كانت 1800 cc w أن عرف إن المواتير دي غير مصر
مع احترامي للسيفك بس ما ينفعش تقارنها أصلاً بجيتا ك مكنه (فرء الألماني عن الياباني )
خامات التابلوه في سيفك رخيصه جداً وشكل العدادات عمل زي اللعب .
الأداء بتاع جيتا على الطريق ، ثبات غير عادي وراحه وتقل .
الجيتا عربيه محترمه والسيفيك عربيه دمها خفيف جوة البلد بس .
سيفك اعطالها وصيانتها أفضل بكتير من جيتا
بالنسبة للأجواء المصريه السفك مش بتستحمل طبيعة شوارعنا
في مصر تقارن سيفك بكورلا وجيتا تقارنها بسوبارو .
في كندا أرخص سيفك ب-17000 وأغلى ب- 27000 (موتور si 200 حصان)
في كندا أرخص جيتا ب- 22000 وأغلي ب-27500 (موتور TSI 200 حصان )
شوف احتياجاتك وأوليتك (بتختلف من واحد لواحد ) وعليه تحدد . أنا متكلمتش عن إداء المواتير عشان ذه غير اللي بينزل مصر
http://www.honda.ca/HondaCA2006/Buil...cSedan&yr=2009
http://www.vw.ca/vwcms/master_public...tta_sedan.html
كلام رائع جدا واضم صوتي لصوتك
جيتااااا المانى مع انى بحب الباسات عنها بس الجتا تكسب اكيد
الباشات بتتعمل دلوقتي في التشيك (بداية من موديل 2009)
الجيتا بتتعمل طول عمرها في المكسيك
العامل المشترك هو المحرك بس لأنه تصنيع ألماني
يا عزيزي لك مني كل التقدير والاحترام
كلنا بنتعلم من بعض وكل واحد بيزود للتاني حتة كانت نقصاه
التناحر مش حيوصلنا لأي نتيجة..ثقافة الرأي والرأي الآخر لازم تمشي
ثقافة أنا صح ومحدش غيري صح تودي في ستين داهية....دي ثقافة مصرية 100% يارب أشوف يوم نتقبل فيه وجهة النظر الأخرى...يارب
فى جيتا خليجى كماليتها تتفوق على السيفك بكتير من ضمنهم سنسنور امامى وخلفى وكماليات كتير جامدة اوى مش موجودة حتى فى الهاى لاين المصرية
تقنيات السيفك
سرعة اداء فخامة على الطريق جيتا
مين قال لحضرتك إنها لو تقنيات تبقى سيفيك؟
دا كلام عار من الصحة تماماً. حضرتك ركبت أي عربية فولكس قبل كده علشان تقول كده؟ مع احترامي لكل العربياتالآسيوي بس كل العربيات الآسيوي تقنياتها بدائية بالنسبة لفولكس
دا موضوع مفروغ منه
اهم حاجة تحدد احتاجاتك و متطلباتك وده ها يخلى الاختيار يوضح لك
لو محتاج عربية اعطالها نادرة جدا (أو ما بتعطلش اصلا) و لو حصلت فيها مشكلة ممكن تدوس عليها اسبوع و اتنين لحد ما وقتك يسمح يبقى على طول يابانى (سيفيك كورولا لانسر و امبريزا بدون ترتيب)
لو عايز برستيج و فخامة و امان اعلى يبقى فولكس جيتا
يا عزيزي أبو حمزة الفولكس أعطالها مش كتير
وكمان لو أنت محافظ على العربية وكمان ممشيها على متطلبات المصنع الأساسية يبقى عمرك ما حتشوف منها يوم وحش
العربيات الآسيوية تقنياتها بدائية ومفيهاش هذا الكم الضخم م الحساسات والكنترولات على جميع أجزاء العربية وعلشان كده الناس بتفتكر انها قليلة الأعطال بس الواقع بيقول إن العربيات دي بيكون فيها أجزاء بها مشاكل بس قائد السيارة ميعرفش حاجة عنها.
لكل شيء ثمنه وثمن التكنولوجيا باهظ والناس دي مش عباقرة من فراغ
متفقين و لا اختلاف
و عشان كده بقول ان متطلبات الواحد بتحدد الانسب له
و على فكرة انا ما قلتش خالص ان فولكس كثيرة الاعطال و بالتاكيد هى عربيات يعتمد عليها
و العربيات اليابانى متاخره دايما عن الاوروبى عامة و الالمانى خاصة على الاقل 10 سنين
لكن بالتخلى عن السبق التكنولوجى حققوا مستويات اعتمادية عالية جدا وصلت قمتها فى عربياتهم انتاج اواسط و اواخر التسعينات عشان يوصلوا سمعة عربياتهم لمستوى المنافسة العالية اللى حاصل دلوقت
و عشان اوضح بمثال عربيتى عاملة 161 ألف كم و 11 سنة شغل الصيانة الدورية بتتعمل بانتظام و غير كده العربية ما غيرتش مسمار بره الصيانة الدورية غير قاعدة فتيس وفقط
اللهم اللا الحكات و الخبطات ربنا يحفظنا منها يعنى فانوس يتكسر أو سمكرة و دى اشياء قدرية برة موضوعنا
و فى نفس الوقت لما احتاجنا عربية تانية فى البيت اختارنا بولو لاننا شوفنا انها بتحقق المتطلبات اللى عشانها بنشترى العربية
يعنى لا ولاء ولا تحيز لماركة او غيرها عشان محدش ياخد كلامى بزعل
العربية وسيلة مطلوب منها تدينى على الاقل قد اللى ها ادفعه فيها .يبقى لما اختارها لازم احط قدام عينى انا محتاج ايه و العربية ها تحقق قد ايه من احتياجاتى دى
شوف يا عزيزي من وحي تجربتي وخبرتي المحدودة
أقدر أقولك إن أسباب أعطال الفولكس هي:
1. ميكانيكي عبقري عامل نفسه فاهم في كل حاجة والعكس هو الصحيح.
2. استخدام قطع غيار رخيصة بديلة ومضروبة.
3. كهربائي بيفتي وبيعمل توصيلات خارجية غلط.
4. تشخيص خاطئ للعيوب على الرغم من وجود نظام داخلي للإشارة إلى الأعطال بدقة.
5. استخدام قطعة غيار من محرك مشابة للمحرك الأساسي. على سبيل المثال، في قطع غيار مشتركة بين الجولف 4 والبورا والباسات والأوكتافيا والبيتلز والتوليدو، فعلاً في حاجات ينفع تركب من أي عربية من دول على التانية بس فيه حاجات متنفعش، بس تلاقي إخوانا العباقرة بيطبقوا المثل طالما حاجة نفعت يبقى الباقي كله ينفع والألمان دول ولاد ستين في سبعين وبيضحكوا علينا وفي الأخر الأجزاء كلها واحدة. ولمثل هذه العينة من البشر مينفعش التفاهم معاها لأنه بمنتهى البساطة لو قولتله طب ليه الألمان يعملوا كده يرد يقولك نصب مع إنه لو كان ألماني كان عرف إن متطلبات التشغيل والتصميم تختلف من سيارة لأخرى. وأصلاً اشتراك قطع الغيار في عربيات مختلفة يقلل التكلفة على الشركة المصنعة. يعني أكيد فولكس عايزة تكسب وإلي عايز يكسب مش ممكن يعمل نفس قطعة الغيار من مادتين مختلفتين أو يتعاقد مع 2 موردين لتوريدها. بس تعمل إيه بقى العقل زينة.
العربيات الفولكسس باستثناء البرازيلي عربيات اعتمادية 100%.
أنا معنديش حاجة في نفسي ضد العربيات الآسيوي بس هي مسألة أذواق وراحة نفسية وتعود
أنا أبويا معاه تويوتا كرولا 99 والعربية شغالة زي الفل الفل الفل وعمرها مقالت معاه بم. بس مبحبهاش. عربية ورق ومن أقل خبطة بتدمر وعلى السرعات العالية تحس الموتور حيتكسر والشاسية طاير من على الأرض. بس على السرعات العادية عربية معقولة جداً
معلم يا أسامة و الله بس ياريت نرجع للموضوع الأصلي و تقول رأيك الصريح في السيفيك من الناحية الفنية لأن طبعا الفولكس كفنيات و اعتمادية مش محتاجة نقاش
محمد
مليش دعوة يا عم خلي حد تاني يرد على الموضوع ده.. أنا بالنسبة لي العربيات يعني أوروبي وبس غير كده لأ
أعتقد الجيتا أفضل
انا شايف ان السيفك أحلى وشكلها أحلي من الجيتا وكمان شبابيه أكتر من الجيتا مع كل احترامي للجيتا
jetta of curse...that`s volkswagen
جيتــا...........والله اعلم
Please post the same question in the Honda section and read the other opinions if you really want to have a fair comparison
please post the same question in the Honda section to listen to the other point of view and have a fair comparison
Jetta ....
انا رأي انك تركب الاتنين وتشوف انهي اللي هترتحلها
لأن العربيتين قريبين من بعض في حاجات كتير
فالموضوع هيرجع في النهاية انت هترتاح لأنهي
الاتنين كويسين بس واحدة واخدة الطابع الرياضى و التانية الطابع الكلاسيك
شوف احتياجاتك ايه?