كلاكيت تكييف تانى مره

**samirayad** · 13-06-2009 07:04 AM

ربنا يصلح لنا ولك الأحوال .................وكتاوت وفيوز كلاتش تعشيق الكمبروسور ...فى علبة الفيوزات الكبيره ( أكشف عليهم ....وبرضه أبقه حركهم فى مكانهم لو كانو سلام حتى .... ...لتأمين أتصالهم بقاعدة علبة الفيوزات ) لأن ممكن تكون فيه حاجه منهم عامله تلامس غير جيد bad contact وفى نفس الوقت سليم بس مش موصل كهرباء وطبعا عمر الكلاتش ماحيعشق مع طلبك للتكييف فى الحاله دى ...وممكن تبقى تنقل كتاوت الفوجات مكان كتاوت الكمبروسور على ماتجرب الأول وتشوف النظام .........( يعنى حاصر المنطقه كويس ) والتوفيق من عند الله بدون شك ................

**MMamdouh** · 14-06-2009 11:32 AM

المشاركة الأصلية كتبت بواسطة me_3freet

الف شكر يا عياد يا جامد قوى
لا مبسمعش تكه فى بدايه التشغيل بس لما كان فى تبريد كنت بسمعها بخبرتى اللى مش موجوده اساسا ان كده الفريون فضى بس مفيش تسريب على ما اعتقد ايه سبب انه فضى مش عارف

طالما مبتسمعش تكة يبقى كلاتش الكمبريسور مبيشتغلش... ممكن تكون مشكلة كهربائية فى الكلاتش (راجع الفيوز و الكاتوت بتوعة) او يكون الفريون اتسرب تماما من الدورة و دايرة الحماية بتمنع ان الكومبريسور يشتغل و الفريون فاضى

MMamdouh

**samirayad** · 15-06-2009 07:22 AM

[quote][باش مهندس سمير ازي حضرتك وحشتني واللة /quote] الله يخليك ....وربنا يديم المحبه

هو مش المفروض ان البلف الخانق دة يعمل خنق للضغط فبتالي طالما نزل الضغط ينزل معاة درجة الحرارة لذلك نلاقي ساقعة واصلنا في العربية

لا كده الكلام مش متظبط شويه .....ومفيش سقعه بتنزل ولا حاجه .........كل اللى بيحصل (هو تبادل حرارى بين هواء الغرفه اللى حول الثلاجه أو المبخر ...........والفريون اللى فى المبخر ....يعنى الفريون بيشيل حرارة الهواء اللى فى الغرفه وحول المبخر بالذات ) زى الفريون فى التلاجه المنزليه مابيشيل حرارة المأكولات والمشروبات وخلافه .............علشان كده بتحس أن الحاجه بردت فى التلاجه (نفس الفكره ) الفراخ واللحم والعصير دول زى الهواء اللى فى الغرفه والفريون هو الفريون ..............

بعدين الكمبرسور يسحب الهواء الساخن بعد ماعملheat exchanger مع هواء الكابينة ويغطة مرة اخري وهكذا يعني الكمبرسور يسحب الهواء الساخن بعدين يضغطة ويدخل الخزنة الخاصة بالفريون ثم يعدي علي بلف الخنق وهكذا دة اللي انا فهمتة من خلال شغلي في شركة بترول متخصصة في شحن الغاز للخارج معلش يمكن انا غلطان وحضرتك بخبرتك توضحلي اخوك الصغير جوليتاوي محمد

لا يا أبو حميد ....الكلام كده مش مظبوط شويه (لأن الكمبروسور مابيسحبش هواء سخن ولا حاجه .............الكمبروسور بيسحب الفريون اللى تحول الى غاز بضغط ضعيف ويضغطه برضه فى صورة غاز ضغطه عالى فى أتجاه المكثف اللى فوق الأكسدام ....لكى يتم التخلص من الحراره اللى شايلها معاه بتاعة الهواء اللى فى الغرفه ) بعد التبادل الحرارى اللى تم بين الهواء والفريون وهكذا.............ولو فيه حاجه مش واضحه معاك برضه .......قوللى وأنا أشرحها تانى فى صورة خطوات أكثر توضيحا ..................

**domty78** · 15-06-2009 12:11 PM

لا تمام يا هندسة بس برضة افتكر ان البلف دة خانق لانزال الضغط والحرارة انا سألت فيها مهندس زي حضرتك كدة متمكن وعموما انا هقبلة تاني في الشغل وهسألة عن البلف دة مش شك في كلام حضرتك انت خبرة هيلة وحضرتك عارف اني سأل حضرتك في كل شئ عن العربية بتاعتي لكن عشان لومعلوماتة غلط هشنقة من رجلية جوليتاوي محمد

**samirayad** · 15-06-2009 10:27 PM

لا تمام يا هندسة بس برضة افتكر ان البلف دة خانق لانزال الضغط والحرارة

ماهو فعلا بلف الأكسبنشن .....بلف خانق ....لأنزال الضغط ورفع السرعه (لأنهم عكس بعض ..............السرعه تزيد الضغط بيقل )........وسورى لو كان فيه حاجه مش واضحه شويه فى الشرح .........لأنى كنت واخد الشرح برضه على السريع للأمانه (بهدف أيضاح المعنى العام للدوره ).................ويمكن تلاحظ أنى شبهت بلف الخنق (زى أما بنكون ماسكين خرطوم ميه ) [quote][ انا سألت فيها مهندس زي حضرتك كدة متمكن وعموما انا هقبلة تاني في الشغل وهسألة عن البلف دة مش شك في كلام حضرتك /quote] هو كلام الراجل مظبوط عن بلف الخنق أو الأكسبنشن ...........ويظهر شرحى مكنش واضح شويه (بالنسبه لحتة الضغط والسرعه ) وأنا وضحتهولك تانى فى الرد الحالى .............

لكن عشان لومعلوماتة غلط هشنقة من رجلية

لا ياجوليتاوى باشا ( الراجل كلامه صح عن بلف التمدد أو الأكسبنشن ...............وبلاش تشنقه من رجليه علشان خاطرى هههههههههههههه

**domty78** · 16-06-2009 10:59 PM

تمام يا هندسة هسيبة المرة دي شكرا للتوضيح وسأل علي الماشي انا سمعت عن بتوع التكييف بيلحموا الكمبرسور مكان الجوانات يعني عشان ميسربش الكلام دة صحيح

**samirayad** · 16-06-2009 11:06 PM

حقولك على حاجه .......لو كان التسريب صعب علاجه بالجوانات وخلافه ..............ماذا يمنع من علاجه باللحام بمادتين من اللى بيتم خلطهم على بعض ....أو بأى وسيله ( وياصابت ياخابت ) ....ولو صابت يبقى خير وبركه .............بس طبعا الواحد مايعملش ده اللى أما يكون هناك تسريب أصلا من جسم الكمبروسور

**me_3freet** · 17-06-2009 04:41 AM

اسف على التاخير عليكم يا باشمهندسين
الكهرباء فى السليم كتاوت وفيوز تمام
بس ملقيتش فريون زى مهندس ممدوح ما اقترح لانى جيت عند مكان شحن الفريون وفتحت الغطاء واتكيت على الابره اللى موجوده مفيش ضغط فريون خارج
الاكيد انى لازم اشحن من جديد ولكن انا شحنته واشتغل لمده شهرين وبعد كده مشتغلش فى مدة الشتاء وركنته هل الركنه هى السبب فى تسريب الفريون

اللهم اصلح احوال جميع المسلمين واهدنا الى الصراط المستقيم