السلام عليكم ازيكم يا شباب الفيات

انا الحمد لله رحت معرض اوتوماك و شفت كل العربيات والموديلات هناك و شفت هناك فيات و اللى عملاه
مش ممكن يا جماعة عربيات كتير جدا منزله موتور الـ 1400 سي سي 120 حصان زي اودي و فولكس فاجن

و كان موجود هناك في قسم الفيات الفيات برافو T-Jet 120 حصان تشوفها متعرفش هي كام حصان بس طبعا قعدتها من جوه وهم و فعلا عربية مش ممكن تكون في Range ال 150000 جنيه
فيه ايه اكتر من اني قعدت في البرافو 120 حصان من جوه و بعدها قعدت في الاودي A3 1400 سي سي 125 حصان فعلا و بامانة حسيتهم نفس المستوى بالضبط و كان معايا واحد صاحبي موهوم بالهوندا لما شاف البرافو تردد جامد و قال انه ممكن يجيبها و علق نفس التعليق على المقارنه بين ال A3 و البرافو لما قعد في الاتنين
بالرغم من ان سعر البرافو الـ 120 حصان بـ 135000 جنيه و جميع الكماليات بـ 160000 جنيه
انما الاودي بـ 243000 جنيه و كمان تكنولوجيا الموتور بتاعتها فيات
انا بجد انبهرت و رغم ان شفت عربيات رهيبة بس البرافو علقت في دماغي جدا و فعلا هي نيتي للعربية اللى بعد عربيتي ان شاء الله ان ربنا كتبلنا عمر ان شاء الله
و غير الاودي كمان الجولف الـ 1400 سي سي اللى بتتراوح من 208000 الى 220000 جنيه
فعلا فيات هي الاصل و هي التكنولوجيا اللى بدأت فعلا تكتسح السوق بشكل ملفت جدا و اكتر من كده دليل ايه ان من اكبر الشركات الألمانيه حطاها في عربياتها.