ملخص رحلة إسكندرية 5/10/2007

1- تم التجمع عند بنزينه موبل على الصحراوي
2- الحضور كريم منير وإسلام المصري وإسلام شاهين
3- التحرك تمام الثالثة في سيارة كريم منير
4- الوصول كان حوالي الساعة الخامسة إلى داون تاون
5- حفاوة الاستقبال حدث ولا حرج من هاني آدم
6- حضور المحترم ميدو 777
7- الطحن قصدي الإفطار في قرية بلبع ( صحون من المندي )
8- الخروج لعمل تقرير عن الانسر 2008 بالصور
9- الذهاب لكوفي شوب تحفة على البحر
10- حرق العديد من أحجار الشيشة
11- الذهاب لحلقة السمك بالأنفوشي
12- التحليه بالرز بلبن والكسكسي
13- العودة للقاهرة

مش عارف أقولكم اليوم ده كان عامل إزاي ولا في الأحلام

انتظروووووووووووووووووووو ووووا الصور

1000 حمدا لله علي السلامه يا اسلام
عايزين الصور عايزين الصور عايزين الصور

بما اننا بدانا نذيع انباء المعركه قصدي الرحله
لازم نشيد بزهره المنتدي
و اللي نورت علينا الدنيا كلها
الانسه كنزي كريم منير

عايزين الصور عايزين الصور عايزين الصور

فعلا الأكل كان معركة مش طبيعى يعنى , الطبق كان حجمه مهول و طعمه فوق الوصف. أنا بس اللى أكلت كسكسى محدش شجعنى :) ماحدش فيكم رضى ياكل معايا بعد الرز باللبن :( حتى أنت يا اسلام :) هنضطر ننتظر كريم علشان الصور الجميلة اللى عملناها و صور اللانسر الجديدية و أطباق الأكل قبل و بعد و بالذات طبقك يا هانى :lol:
بس كريم بجد رجله طارشه على دواسة البنزين شوماخر :lol: نشفت دمى يا جدع السرعة المتوسطة 150 160!! و قد منع الركاب من التدخين داخل السيارة :lol: و أحترم الركاب هذا الطلب خصوصا لوجود بنته الجميلة كنزى ربنا يحفظهالك و يخليهالك يا كريم.
بجد أنا مبسوط جدا من الطلعة ديه و لازم ان شاء الله ننكرر عمار يا مصر برجالتك المحترمين جدا.

حمد للة على السلامة - بس فكرة الأسكندرية اللى طلعت فى يوم وليلة كانت جامدة قوى

حمدا لله على السلامة يا رجالتنا :) و ألف ألف شكر لرجالة إسكندرية و إعتذار مرة أخرى عن عدم الحضور لظروف عزومات عائلية

إسلام المصرى أنا لو كنت موجود كنت هاضرب معاك الكسكسى أنا راجل أحب الحلو كله و الكسكسى ده من أحد الحاجات إللى بحبها أوى :)

كلكم كده بالصلاة على النبى محدش ليه دعوة بالآنسة كنزى أنا قارئ فاتحتها و إللى يفكر يتقدم لها عضويته تتوقف فورا :mrgreen: و أقطع عنه مايه و نور أنا عمال بحوش فى المهر و الشبكة من دلوقت عشان يا دوب بعد 18 سنة ولا حاجة أكون كومت نفسى :D

طيب كنتوا قولوا
انا معرفتش اى حاجة مع انى متابع كل يوم اخبار المنتدى
المهم الحمد لله على السلامة
وكل سنة وانتوا طيبين

اقتباس:

---

عايزين الصور عايزين الصور عايزين الصور

---

+10000
مع إني مش حكون فيها لاني جيت متأخر :cry:

اقتباس:

---

لازم نشيد بزهره المنتدي
و اللي نورت علينا الدنيا كلها
الانسه كنزي كريم منير

---

شكلك كدة يا هاني بتبصبص وحتتلغي عضويتك يا حلو :twisted:

اقتباس:

---

المشاركة الأصلية كتبت بواسطة إسلام شاهين

11- الذهاب لحلقة السمك بالأنفوشي

---

كنتوا تحت بيتي بضبط :D

اقتباس:

---

إسلام المصرى أنا لو كنت موجود كنت هاضرب معاك الكسكسى أنا راجل أحب الحلو كله و الكسكسى ده من أحد الحاجات إللى بحبها أوى

---

الله عليك :D أيوه كده انا احب الناس الاكيلة و بالذات فى الحاجات الحلوة ديه لينا جولة مع بعض ان شاء الله يا أخ محمود :)

علي فكره انا مش عارف اقول لكم ايه بالضبط....
من غير زعل انتوا ادتولنا احلي تنفيضاااااااااااااااااااا اااااااااااااااااااااااا
لأني انا قايل انا و خالد عادل اننا هانيجي ...سألت كذا مره في الموضوع علي المعاد بالضبط و محدش رد غير اني كمان مأكد اني هاجي ذي ما قلتوا ....بس قشطه بقي

و حمدلله علي السلامه

حمدلله على السلامه و مستنيين الصور يا رجاله

اقتباس:

---

كلكم كده بالصلاة على النبى محدش ليه دعوة بالآنسة كنزى أنا قارئ فاتحتها و إللى يفكر يتقدم لها عضويته تتوقف فورا و أقطع عنه مايه و نور أنا عمال بحوش فى المهر و الشبكة من دلوقت عشان يا دوب بعد 18 سنة ولا حاجة أكون كومت نفسى

---

:mrgreen: :mrgreen:

روحتوا انهي كوفي شوب ؟ و الحلو كان منين ؟ الشيخ وفيق ولا مين ؟

اقتباس:

---

المشاركة الأصلية كتبت بواسطة Casio2000

روحتوا انهي كوفي شوب ؟ و الحلو كان منين ؟ الشيخ وفيق ولا مين ؟

---

رحنا اللي جنب القاعده العسكريه في السلسله قدام مكتبه الاسكندريه
الحلو كان الشيخ وفيق بس الاحلي كانت الصحبه
علي فكره انا نازل العاشر بكره بليل ان شاء الله و قاعد لحد الثلاثاء
نفسي اتشرف بمعرفه حضرتك

معلش يا جماعة انا لسه فايق دلوقتي بعد الطلعة الجوية بتاعت امبارح
يا الجمال ده يا هاني ادم - يا جماعة الراجل ده جامد جدا جدا ومافيش كلام يوفيه حقة
ومحمد ميدو 777 ما يتخيرش عنه
وزود جمال المقابلة حضور احمد جنيدي الى الغواصة (الكافية المزعوم ) واحمد بسيوني حصلنا عند الحلقة بتاعت السمك

يا جماعة الناس دي جامدة جدا وانا طول عمري اعرف ان الاسكندرانية اصحاب واجب جامد جدا جدا لكن اللي حصل امبارح كان حاجة جامدة فوق الوصف

انا موبيالي ماكنش بيستقبل مكالمات عشان كنت مشغل الجي بي اس وكان عامل كونفلكت فخلي الموبيال اوفلاين نتورك
فبعتذر لكل اللي كلمني ولقي موبيالي مقفول

الرحلة من بنزينة موبيل اللي في اول طريق مصر اسماعيلية مرورا بالدائري والمحور والتقاط العملاقين الاسلامين مصري وشاهين في سيارتي المتواضعة التي احتوتنا بالكاد وحشروني انا وبنتي في الكرسيين الامامين واستوليا على الكنبة الخلفية يتعاملا فيها بطولها الذي يقارب ال 2 متر :wink: :wink: :wink: :wink:
الرحلة استغرفت ساعتين بالتمام حتى بوابة الكس وربع ساعة للوصول قرية بلبع

يوم جامد سرفيس اكل يكفي 4 ماحدش قدر يخلصه خالص خاصة شاهين والمصري :wink: :wink: :wink:

خلصنا اكل وطلعنا الغواصة وبعدين على حلقة السمك فالميدان لشراء بعض الفسفور وروحنا وكان يوم لا عالبا ولا عالخاطر

واحنا في الداون تاون اسلام شاهين وفرقة نايل موتورز عملت فحص لللانسر الجديدة بس الصور لما اشوف اسلام المصري اديلة كاميرتة اللي نسيها في عربيتي وفشلت كل محاولاتي بالكابلات او اريدر اني انزل الصور منها وكنت هابوظ الريد بتاع الاب توب بتاعي واضطريت افك ال 36 مسمار بتوع الاب توب عشان اطلع كارت الميموري اللي اتحشر فيه :oops: :oops:

دي الصور بتاعت موبيالي على ما قسم كدة لحد ما نشوف الصور التانية الجامدة
------------------------
باشمهندس محمود حفناوي كنزي في انتظارك بس يا ريت تكون قدرت تكون نفسك بعد ال 18 سنة :lol: :lol: :lol: ---------------------
واحنا راجعين كان نفسي انام وحد يسوق بس اسلام شاهين الرز بلبن مع الماندي كان كابس على نفسة وخفت ينام عالدركسيون
واسلام المصري مش بيسوق اكتر من 100
وطبعا العبد لله اللي كان فصل هو وبنته كانو متوسط السرعة 160 10 فوق و10 تحت عشان نوصل وعشان اسلام شاهين كان هايموتني من قلة التدخين ربنا يعافية منه :oops: :oops: :oops:
--------------------------
رفعتلكم كمان فايل KML اي حد عندة جوجل ايرث هايشوف بيانت الرحلة بتاعتي اللي سجلة الستالايت بتاع الجي بي اس ويعرف منها بيانات الرحلة بالكامل بس السرعة بتكون اعلى من المتسجلة بافريج حوالي 20 كيلو في الساعة
دي صوري المتواضعة
http://www2.0zz0.com/2007/10/06/17/85546094.jpg

http://www4.0zz0.com/2007/10/06/17/39812887.jpg

http://www4.0zz0.com/2007/10/06/17/33131032.jpg

http://www4.0zz0.com/2007/10/06/17/64598032.jpg

http://www2.0zz0.com/2007/10/06/17/25736727.jpg

ودي الفريسة اقصد الفطار
http://www4.0zz0.com/2007/10/06/17/83161746.jpg
http://www.phroon.com/up/download-2.asp?file=Alx trip 5-10-07990.kml

اقتباس:

---

المشاركة الأصلية كتبت بواسطة AlmAhAtmA

اقتباس:

---

المشاركة الأصلية كتبت بواسطة Casio2000

روحتوا انهي كوفي شوب ؟ و الحلو كان منين ؟ الشيخ وفيق ولا مين ؟

---

رحنا اللي جنب القاعده العسكريه في السلسله قدام مكتبه الاسكندريه
الحلو كان الشيخ وفيق بس الاحلي كانت الصحبه
علي فكره انا نازل العاشر بكره بليل ان شاء الله و قاعد لحد الثلاثاء
نفسي اتشرف بمعرفه حضرتك

---

ام علي هناك خطييييييييررررررةةةة :lol:

يشرفني يا بلديات - نرتب على الخاص 8)

اقتباس:

---

وفشلت كل محاولاتي بالكابلات او اريدر اني انزل الصور منها وكنت هابوظ الريد بتاع الاب توب بتاعي واضطريت افك ال 36 مسمار بتوع الاب توب عشان اطلع كارت الميموري اللي اتحشر فيه

---

معلش يا كريم :( بوظتلك الدنيا بس ان شاء الله أقابلك و أخد منك الكاميرا أو اسلام و نحاول ننزل الصور قريبا. الصور اللى أنت عملتها جامدة موووت :D خصوصا طبق الأكل بتاع هانى :D أنا الحمد لله خلصت الطبق بتاعى :D

أستاذ كريم أولا" حمدلة على السلامة
د أنا كنت مستغرب أنك بطلت تكتب من يوم الخميس الصبع (أصل أنا بحب أسلوبك وبحب أستفيد من خبرتك ومتابع لى كتبتك)
ممكن تشرحلنا موضوع الKML دة والGPS بيشتغل فى مصر عادى وبيشتغل زى برة عادى بكل فويدة ولا أة بالظبط

وشكرا"

اقتباس:

---

المشاركة الأصلية كتبت بواسطة اسلام المصرى

اقتباس:

---

وفشلت كل محاولاتي بالكابلات او اريدر اني انزل الصور منها وكنت هابوظ الريد بتاع الاب توب بتاعي واضطريت افك ال 36 مسمار بتوع الاب توب عشان اطلع كارت الميموري اللي اتحشر فيه

---

معلش يا كريم :( بوظتلك الدنيا بس ان شاء الله أقابلك و أخد منك الكاميرا أو اسلام و نحاول ننزل الصور قريبا. الصور اللى أنت عملتها جامدة موووت :D خصوصا طبق الأكل بتاع هانى :D أنا الحمد لله خلصت الطبق بتاعى :D

---

اسلام حبيب قلبي ولا يهمك
بس اصل غلبني من ساعت ما كلمتني لحد قبل الفطار بربع ساعة بحاول قمت فكيت الاب حتة حتة وهو لسه ماكملش شهر وولاد اللذين بتوع الضمان مشمعين المسامير بس على مين فكيتها برضه :wink: :wink: :wink: :wink: :wink: :wink: :wink:
وطلعت الميموري وحطيتة في كاميرتك وقلتلة خليك هنا معزز مكرم لحد ما صاحبك ياخد :oops: :oops: :oops: :oops: :oops: :oops: :oops:
----------------------------
استاذ ابراهيم انا فعلا اختفيت لاني كنت معزوم برة وبعد كدة سافرت ربنا يكرمك والله احرجتني بذوقك وعشان كلمة حد زي حضرتك بخاف اني اكتب كلمة ماكونش مسئول عنها ومتاكد منها عشان مااتسالش يوم الدين اني ضريت حد
بالنسبة لموضوع فايل ال KML و GPS ده بتاع الموبيال ال ان 95 وشغال زي الفل
وقريب قوي هاعمل موضوع كامل عنه عشان افيد الناس كلها وما تضيعش المشاركة في وسط الموضوع واثبتة في القسم التعليمي ان شاء الرحمن

أولا الحمد لله على رجوعكم بالسلامه

ثانيا أنا متهيألي إني ماشوفتش أي مواضيع بتتكلم على إن فيه مقابله في الأسكندريه ( رايح جاي ) لأني أعتقد أن فيه ناس كتير كان نفسها تروح مقابله زي ده وبدل ما كانت عربيه واحده يكون هناك أربع خمس عربيات طالعه

على العموم ملحوقه والجيات أكتر من الريحات بس الواحد كان بجد نفسه في طلعه زي ده :( بس للأسف مافيش نصيب

حمدالله على السلامة يا أحلى شباب,,
أيه أخبار المقابلة الجاية ( أكتوبر ) ,, ايه هتكون في سيناء و للا على شط القناه :mrgreen:

ممكن نعرف الناس الحلوة اللى فى الصور؟؟ :oops:
يعنى فين السيد كريم منير والسيد إسلام والسيد هانى آدم..
إنما باقى الأخوة عارفهم عارفهم!!

اقتباس:

---

ممكن نعرف الناس الحلوة اللى فى الصور؟؟
يعنى فين السيد كريم منير والسيد إسلام والسيد هانى آدم..
إنما باقى الأخوة عارفهم عارفهم!!

---

و هو حضرتك خليت حد ما تعرفوش يا دكتور برضه غير كنزي :D
عموما انا حقولهم لحضرتك
اللي لابس نضاره دا السيد كريم منير
و اللي لابس قميص دا السيد هاني
و اللي عنده سكسوكه دا السيد اسلام المصري
و اللي عنده سكسوكه تانيه دا السيد اسلام شاهين
:D :D :D :D :D :D :D ايه رايك في الوصف المفصل دا

حمدالله عالسلامة يا جماعة ودايما كده متجمعين في الخير إن شاء الله

بس يا باشمهندس كريم؛ الأمورة كنزي ربنا يخليهالك كده يا رب ويباركلك فيها؛ فبلاش موضوع تركبها في الكرسي الأمامي ده وخصوصا مع السرعات اللي بتسوق عليها

وربنا يحفظكم جميعا

اقتباس:

---

المشاركة الأصلية كتبت بواسطة hazem_khidr

اقتباس:

---

ممكن نعرف الناس الحلوة اللى فى الصور؟؟
يعنى فين السيد كريم منير والسيد إسلام والسيد هانى آدم..
إنما باقى الأخوة عارفهم عارفهم!!

---

و هو حضرتك خليت حد ما تعرفوش يا دكتور برضه غير كنزي :D
عموما انا حقولهم لحضرتك
اللي لابس نضاره دا السيد كريم منير
و اللي لابس قميص دا السيد هاني
و اللي عنده سكسوكه دا السيد اسلام المصري
و اللي عنده سكسوكه تانيه دا السيد اسلام شاهين
:D :D :D :D :D :D :D ايه رايك في الوصف المفصل دا

---

الله ينور يا حازم :D
التيشيرت الخضرا: أخونا المهاتما (هانى أدم)
الصورة رقم تلاته أخونا كريم منير و بنته كنزى (حفظها الله)
الصورة رقم خمسه الأخ اللى لابس نضاره أخونا اسلام شاهين
اللى قصاده على شمال الصورة ميدو777 من أخوتنا فى الأسكندرية
و العبد لله اللى لابس قميص أبيض :)

اقتباس:

---

علي فكره انا مش عارف اقول لكم ايه بالضبط....
من غير زعل انتوا ادتولنا احلي تنفيضاااااااااااااااااااا اااااااااااااااااااااااا
لأني انا قايل انا و خالد عادل اننا هانيجي ...سألت كذا مره في الموضوع علي المعاد بالضبط و محدش رد غير اني كمان مأكد اني هاجي ذي ما قلتوا ....بس قشطه بقي

و حمدلله علي السلامه

---

+1000000000000000000000000000000000000000000000000 000000000000000

استاذ هشام شكرا على النصيحة بس ببقي رابط الحزام وهيا مالهاش مكان
لان ما شاء الله اسلام المصري 2 متر بدون مبالغة واسلام شاهين زيه تقريبا
يعني لوماكنتش قعدت قدام كنت احطها في الشنطة او على الرف الخلفى :lol: :lol: :lol: :lol:
-------------
محمد يا علاء انت اللي مش متابع المنتدي عشان كدة ماخدتش بالك

عمرو يا فراج لو كانت تنفيضة ماكناش قولنا هنا لكن احنا قولنا هانتجمع عالبوابات ويمكن كان مظم الاتفقات موبيلات وانا كنت اخر يومين مش متابع كويس
بس انا كنت قولت انا هاجي بعربيتي واللي عايز يجي ينورني زي ما كان نادر قال وقولتلة تنورني

بس لما محدش جه طلعنا كلنا في عربيتي

يا باشا حصل خير ....و معلش اني قلت كلمه تنفيضا :oops: ...
بس اصلي كنت عمال اسأل هو يوم ايه اصلا و حدش بيرد.....بس ولا يهمك تتعوض ان شاء الله مره تانيه

اقتباس:

---

المشاركة الأصلية كتبت بواسطة karim_monir

محمد يا علاء انت اللي مش متابع المنتدي عشان كدة ماخدتش بالك

---

أنا ممكن أكون مش متابع بقالي فتره بس أكيد حاجه زي كده كانت هتبان قوي زي كل المقابلات الشهريه الي بتتعمل وبتعلنوا عنها وبتثبتوها

معليشي ياكيمو. قولي بقى الكلام ده إنتم إتفقتوا عليه إمتى وفين وإتكتب فين هنا

على العموم أنا كان نفسي أجي طبعا بس الجيات أكتر من الريحــــــــــــــــــــ ــــــــــــــــــات

طب أية أخبار المقابة الجاية

تكملة لهذه الطلعة الجوية الرائعة أسمحوا لى أرفع باقى صور الرحلة و أسف جدا على التأخير:

http://www4.0zz0.com/2007/11/25/18/55074139.jpg
http://www4.0zz0.com/2007/11/25/18/43090282.jpg
http://www4.0zz0.com/2007/11/25/18/31867581.jpg
http://www4.0zz0.com/2007/11/25/18/88734593.jpg
http://www4.0zz0.com/2007/11/25/18/89303134.jpg
http://www4.0zz0.com/2007/11/25/18/58542201.jpg
http://www4.0zz0.com/2007/11/25/18/98393907.jpg
http://www4.0zz0.com/2007/11/25/18/17789886.jpg
http://www4.0zz0.com/2007/11/25/18/54444248.jpg
http://www4.0zz0.com/2007/11/25/18/45447910.jpg
http://www4.0zz0.com/2007/11/25/18/92390607.jpg
http://www4.0zz0.com/2007/11/25/18/91137005.jpg
http://www4.0zz0.com/2007/11/25/18/59934877.jpg
http://www4.0zz0.com/2007/11/25/18/57260817.jpg
http://www4.0zz0.com/2007/11/25/18/43957050.jpg
http://www4.0zz0.com/2007/11/25/18/76283431.jpg
http://www4.0zz0.com/2007/11/25/18/82483668.jpg

الله ينور عليك يا سمسوم فكرتني بيوم حلو ما تيجي نكرره إسكندرية في الشتاء تحففففففففففففففففففففففف فففففففه ;) ;)

لاء يا عم اسلام كفاية لحد دينا
وانا هاعملك واجب فطير جامد انت وسمسم المصري
عسل وجبنة وفطير مشلتت بس على الله تعرف ترجع
شوفوا السمك الملون مش طلع مصبوغ فين احمد جوود ويف يحكيلنا
واطباق الحلو دي ما كانش ليا نصيب فيها :P

الله ينور يا سمسم يا مصري على الصور
فعر فكرتنا بيوم تحفة في صحبة اجمل ناس 2 اسلام و3 اسكندرانية عسل

اقتباس:

---

ما تيجي نكرره إسكندرية في الشتاء

---

بص يا حبيبى أنا معاك اروح أى مكان , أنا شغال أى يوم جمعه أو سبت مفيش مشكله , أعرف قبلها بيومين و أظبط نفسى , أنا مستعد أطلع بعربيتى مفيش مشكله بس تستحمل السرعة القانونية 100 و تمنع التدخين و "حبيبة" تحت أمرك :oops: :oops: :oops: :oops:

لأ 100 وتمنع تدخين يبقى هتطلع بيا على أي مصحة بعد كده :P :P :P :P

نروح بعربيتي أحسن

اقتباس:

---

شوفوا السمك الملون مش طلع مصبوغ فين احمد جوود ويف يحكيلنا

---

:| :| :| :| :|

اقتباس:

---

واطباق الحلو دي ما كانش ليا نصيب فيها

---

حضرتك كنت ساعتها بتصطاد سمك :mrgreen: و فى عالم الأكيلة ذى حالاتى و اسلام بيسود قانون الغابة: الغايب ملوش نايب :mrgreen: :mrgreen: :mrgreen: فاتت علينا يا حبيبى كان المفروض نجيبلك بس من كتر حلاوته نسينا الدنيا :oops: :oops: :oops: هاعوضهالك ان شاء الله.

اقتباس:

---

الله ينور يا سمسم يا مصري على الصور
فعر فكرتنا بيوم تحفة في صحبة اجمل ناس 2 اسلام و3 اسكندرانية عسل

---

:oops: :oops: :oops: ربنا يخليك.

اقتباس:

---

لأ 100 وتمنع تدخين يبقى هتطلع بيا على أي مصحة بعد كده
نروح بعربيتي أحسن

---

:mrgreen: :mrgreen: :mrgreen: ممكن نخليها 105 و سيجارة كل 50 كم أو أيهما أقرب :D

ها ها
في مثل كدة يا اسلام شاهين اكيد عارفة
اللي يشوف زوج خالتة يعرف قيمة خالتة والمعني في بطن الشاعر :D :D :D :D
حتى الشاعر ضميتوه ليكم