مطلوب ظبط النفس في القياده

**Mostafa_ENG911** · 12-06-2009 08:21 PM

انا نفسي نتكلم شويه عن المعاناه اللي الواحد بيقابلها من القياده المتهوره و الغير مسئوله في شوارع مصر...لان الموضوع صار فوضي...و لو استمر بهذه الطريقه حايكون خارج عن السيطره....نفسي نغير مبدأ "لكي تتجنب اخطأ الغير إفعل أخطأ الغير"....و كمان نحطم قاعده البوز المعروفه بالBooz Base وهي اللي يخش ببوزه الأول يكسب الطريق...الناس لو استمرت اكتر من كده حيبقي دايما التعديل المطلوب للعربيه هو شاشه علي الزجاج الامامي تقوم بقياس اعلي معدلات القياده المتخلفه و كل واحد مطلوب يحقق اعلي رقم في التهور و عند عمل حادث مدمر تعطي الشاشه GameOver....
يا سلام لو تكون القياده اقل حدة مما عليها اليوم و يكون الواحد شاعر بالمسئولية في الطريق علي نفسه و علي الأخرين...تفتكروا ده ممكن يتحقق

**Samah AbdAllah** · 12-06-2009 08:23 PM

أؤيد حضرتك فى الرأى وياريت كل واحد منا يكون البداية

**aymansaad** · 13-06-2009 01:01 AM

اويدك فى هذا الموضوع

**tamertamer** · 13-06-2009 02:41 AM

للاسف المصرين لا يعرفون اساليب القيادة الحديثة الراقية بسبب جهل معظم السائقين باداب المرور انا سقت برة مصر حولت قلى اتعلمتة اطبقة كان مستحيل لدرجت انى بسوق زيهم بظبط شىء مؤسف حقا

**Bob2009** · 13-06-2009 05:56 AM

السلام عليكم

انا اول ما تعلمت القياده كنت كويس جدا بس غصب عنى لازم اسوق كده لعده اسباب:

1- لو مشيت مش هقول براحه لا بسرعه الطريق الى هى معروف ان داخل المدن السرعه 60 اول حاجه اتشتمت تمام لما قولت كده كفايه.
2-لو فكرت وانت فى تقاطع تصبور على الناس اولا لا الناس هتستنا ان انت تتحرك وتتخطى التقاطع ده ثانيا الى وراك مش هيسيبك فى حالك وبرده اتشتمت كتير من الموضوع ده.
3-القياده المصريه اصبحت نوع من انواع السيرك واقرب طريق تشوف فيه السيرك ده فى طريق النصر بعد جامعه الازهر على طول هتخاف تمشى فى وسطهم وخصوصا لو لسه جديد فى القياده.

واخيرا قررت اكون واحد منهم رغم انى عارف ان كل الى بعمله غلط بس غصب عنى لازم اعمل كده على شان اعرف اتحرك فى وسط الناس دى
ولا حياه ولا عمر المصرى هيتصلح لئن هو بيحب يخاف لو شاف ظابط بيمشى زى النمله غير كده طايح فى غيره عادى
شكرا

**omarhelalyehia** · 13-06-2009 10:03 AM

أوافقك الرأى تماما بس الموضوع متشابك شوية يعنى أضف الى سوء قيادة الغير سوء حالة الطرق بجد العربية بتصعب عليه أوى كمان الازدحام الغير طبيعى من مختلف انواع المركبات ميكروباص على كارو على تكتك مع مستوى متدنى من الاخلاق و الادب لكن فعلا ابدأ بنفسك

**Samir Elshahawy** · 13-06-2009 10:25 AM

انا عن نفسي بأمشي عدل علشان يحتار بتوع المرور و الميكروباصات فيا
و بأحاول أسيطر علي أعصابي و ما اتنرفزش لتصرفات بعض المتهورين أو الجهلة بقانون أو أداب المرور و بأعمل جاهدا علي أن أكون مثالا و قدوة للاخرين

هو ده اللي ممكن نعمله يمكن غيرنا يتعظ و يقلدنا و يصبح مثلنا

**Mostafa_ENG911** · 13-06-2009 01:15 PM

المشاركة الأصلية كتبت بواسطة bob2009

السلام عليكم

انا اول ما تعلمت القياده كنت كويس جدا بس غصب عنى لازم اسوق كده لعده اسباب:

1- لو مشيت مش هقول براحه لا بسرعه الطريق الى هى معروف ان داخل المدن السرعه 60 اول حاجه اتشتمت تمام لما قولت كده كفايه.
2-لو فكرت وانت فى تقاطع تصبور على الناس اولا لا الناس هتستنا ان انت تتحرك وتتخطى التقاطع ده ثانيا الى وراك مش هيسيبك فى حالك وبرده اتشتمت كتير من الموضوع ده.
3-القياده المصريه اصبحت نوع من انواع السيرك واقرب طريق تشوف فيه السيرك ده فى طريق النصر بعد جامعه الازهر على طول هتخاف تمشى فى وسطهم وخصوصا لو لسه جديد فى القياده.

واخيرا قررت اكون واحد منهم رغم انى عارف ان كل الى بعمله غلط بس غصب عنى لازم اعمل كده على شان اعرف اتحرك فى وسط الناس دى
ولا حياه ولا عمر المصرى هيتصلح لئن هو بيحب يخاف لو شاف ظابط بيمشى زى النمله غير كده طايح فى غيره عادى
شكرا

و الله كلامك جاه علي الجرح بس المشكله إن ده مبدأ لكي تتجنب أخطأ الغير إفعل أخطأ الغير....الوضوع تحول من سلوك شخصي إلي قاعده عامه للناس....لازم نفكر في حل جزري