العربيه بتلف مع كبس الفرامل ....ربنا يستر

**ahmedmok** · 12-06-2009 08:38 PM

الموضوع باختصار ..كنت اعانى من ضعف الفرامل روحت لورشه فرامل حصل الاتى

1/ فك الماستر العمومى و تغيير بلفات (مش عارف ليه) وتوسيع فتحات فى الماستر(برضه معرفش ليه) ولما سألت عن السبب قالولى عشان العجل الخلفى يمسك بقوه...و النتيجه الزيت بينزل اسهال من المساتر الخلفيه عند اخذ الهوا

2/طقم تيل خلفى جديد +مستر خلفى للعجلتين+ تيل امامى

3/ خرط الطنابير الخلفيه+ خرط الرحايات الاماميه

4/ رجلاش على العجل الخلفى و اخذ الهوا و تفريغه من دوره الفرامل بالكامل ابتداءا من الماستر نهايه بالاربع عجلات

النتيجه: فرامل ضعيفه جدا وواطيه جدا.....قالولى حتعلى لوحدها

: عند الفرامل المفاجئه العربيه بتلف جامد جدا لدرجه انها بتقف بعرض الطريق دى مصيبه لوحدها

رد فعلى : رجعت تانى للورشه قالولى دى سهله تلاقى عجله بتمسك قبل التانيه مجرد رجلاش

: عمل كل حاجه فى العجل و برضه مفيش فايده العربيه بتلف مع الفرامل المفاجئه د

النهايه: قالى انا كده شغلى مظبوط العيب عندك فى العافشه ..و على طول عرفت انه بيخلع و بيقفل فى وشى السكه .

مع العلم ان العربيه مكانش فيها اللفه دى خالص مجرد فرامل ضعيفه شويه ...

انا شاكك ان العيب ده ماستر عمومى بسبب اللى عمله فيه .. ياريت تقولولى اعمل ايه و العيب منين بالظبط ..

معلش طولت عليكم ..

نسيت اقول ان العربيه لانوس 99
__________________

**goofy_in_love** · 13-06-2009 02:30 PM

ربنا معاك بجد انا مش عارف السبب ممكن يكون ايه بس كل اللي اقدر اقولهولك انك مش تمشي بسرعه و مش تمسك فرامل مفاجئه الا في الضروره القصوي

**mood_8210** · 13-06-2009 06:03 PM

الموضوع دة عندى لما بدوس فرامل جامد العربية بتلف و دة بسبب ان الفرامل ورا اقوى من قدام و دة لية كذا سبب انا عندى الطنابير قدام وحشة و التيل كمان وحش فا دا السبب بس عندك ممكن يكون هو ملجلش على الفرامل ورا جامد قوى و الله اعلم

**aYaBooY** · 14-06-2009 01:16 PM

كدة العربية بتحدف جامد يبقي فيه عدم توازن في قوة الفرامل الي بتروح لكل عجلة و ديه المفروض تكون واضحة
عربية حشرتك تعتبر حديثة شوية و واضح انك وقعت في صنايعي مش كويس موضوع توسيع فتحات المساتر ديه اول مرة اسمعها عن نفسي
و من الواضح انك كدة عندك مشكلة في الماستر العمومي و هوا كمل عليها يبقي انت كدة محتاج صنايعي فرامل كويس و بيفهم و محتاج غالبا تغير الماستر العمومي
علشان ده لو عيب عافشة يبقي المفروض تحس بيه و انت ماشي مش و انت بتفرمل

**ahmedmok** · 16-06-2009 02:27 AM

تم تغيير الماستر و المشكله اتحلت الحمد لله

**Ashraf_Ashraf** · 16-06-2009 12:05 PM

مبروك واعتقد ان كل واحد بيفتى ( توسيع مجارى ) يبقى ربنا يستر علينا
يعنى المصنع غبى مش عارف يوسع المجارى علشان العربيه تقف مطرحها
ربنا يرحمنا من دار الافتاء واعضاها اللى انتشروا فى البلد