ملي ( حشو ) علبة البيئه ...ايه رايكوا ؟؟

**ahmedhilmy** · 14-06-2009 04:04 PM

المشاركة الأصلية كتبت بواسطة marawanshahin

على فكرة هو حيملاها شعر علشان يكتم الصوت مش حيملاها فحم زى ما انتوا بتقولوا. أحسن غيرها بعلبة تانية زى ما زميلنا مركبها و دى بتعمل حوالى 70 جنيه أنا لسة مركبها عند بهاء فى المدبح من شهر تقريبا حتظبط الصوت و السحب معاك.لأن الحشو ده حيقعد معاك شهرين و بعد كدة حترجع تانى و لو ركبت ماسورة حتعلى صوت العربية زى الفيات القديمة كل ده انا جربته.

مروان باشا شكلها ايه العلبة اللي الراجل ركبهالك دي ام 70 جنيه ينفع تصورهلنا و بعدين لو في امكانية تقولي بهاء ده عنوانه ايه بالضبط اعدي اخد رايه بعد كلام ا. محمد ممدوح

**marawanshahin** · 14-06-2009 05:49 PM

زى بتاعة مايكل بس أكبر شوية بيتهيألى.بهاء ده فى المدبح خلف مستشفى الأطفال للسرطان روح هناك واسأل عليه و ألف واحد حيدلك لأنه مشهور أوى.

**ahmedhilmy** · 14-06-2009 06:21 PM

مروان العلبة اللي الراجل ركبهالي غير بتاعة مايكل تماما العبة اولا قللي انها الاصلية بتاعة ابو اليزيد ثانيا شكلها كان شكل العلبة بتاعتي اللي فكها بالظبط

**zocor742** · 14-06-2009 06:34 PM

انا لحد دلوقتى معملتش حاجة فى علبة البيئة وراضى انى امشى بالشخللة وصوت نعرة على 3000 ار بى ام عالى عن الطبيعى
لأنى لحد دلوقتى مش عارف اخد القرار السليم
الله الموفق بجد علبة البيئة دى حاجة رخمة اوى خلتنى اكرة صوت العربية

**moudy88** · 14-06-2009 07:38 PM

ياجماعه انا كده احترت ومش عارف اعمل ايه ....دلوقت الراجل بيقول ان العلبه اتفضت قبل كده من الفحم وانها فاضيه ..وانه هيحشيها خلطه من عنده ...اعمل ايه؟

**samirayad** · 14-06-2009 08:24 PM

المشاركة الأصلية كتبت بواسطة moudy88

ياجماعه انا كده احترت ومش عارف اعمل ايه ....دلوقت الراجل بيقول ان العلبه اتفضت قبل كده من الفحم وانها فاضيه ..وانه هيحشيها خلطه من عنده ...اعمل ايه؟

- يامحمود باشا ....ماتسمعش كلام الراجل بتاع المحشى ده ..............هو فيه حاجه أسمها بنحشى علبة بيئه .....

_ ياريت تروحله وتقوله ........مفيش حاجه أسمها حشو لعلب بيئه ......ده تصميم وحسابات لضمان سريان العادم فى منظومة الشكمان بسلاسه ....لعدم حدوث رد فعل عكسى على المكنه ........والسحب حيبوظ ....والمكنه حتسخن ....وأستهلاك البنزين حيزيد معاك كمان عن ما أنت بتعانى منه ............دا لو سمعت كلام بتاع المحشى

_ وياريت تقوله ....ليا زميل فى المنتدى بيقولك أن اللى بينحشى هما حاجتين أو أكثر .....محشى ورق العنب ومحشى الكرنب وفيه محشى بدنجان كمان ...............

_ وأنا جبتلك صوره من كتالوج دايو ........علشان تشوف الحالتين ( تركيب منظومة الشكمان ) أما مع علبة بيئه أو بدون علبة البيئه ..........يعنى التصميمين ماشيين ....

_ قوللى بقه أنت رأيك نسمع كلام الكتالوج ......ولا كلام بتاع المحشى..............

**moudy88** · 14-06-2009 08:36 PM

طيب ياكبير ...كلامك صح وعلى العين والراس ...دلوقت انا قدام حلين اما اني اركب ماسوره او اجيب علبة جديده..... هل لو ركبت الماسوره هتعلى اكتر ماهي عاليه اصلا ؟ ولا ايه رايك في علبه استيراد ؟ او جديده كحل اخير ؟ ...لاني بصراحه ودني حساسه و مابطيقش صوت العربيه العالي وده كان احد اسباب اني بعت الشاهين وللاسف الحال كما هو عليه..

**samirayad** · 14-06-2009 08:47 PM

من رأيى ركب ماسوره أفضل ......وبلاش موضوع العلب الأستيراد ....لأنك ماتضمنش حالتها أولا ..............ومش حتعرف حتعيش معاك قد أيه ..................

_ والجديده حتكون غاليه أوى على ما أعتقد ........وبرضه حالتها وآدائها مش حيكون مضمون ....لأن أى علبه بلاشك ....حتعمل معاك مقاومه لسريان العادم وده يعنى سحب غير جيد وزيادة أستهلاك ............وعلشان كده أنا شايف الماسوره أفضل ليك ..........

_ وعن نفسى لما يحصل معايا مشكله فى علبة البيئه .........حديها ماسوره وخلاص.....

_ وأهم شىء وأنت بتغير الماسوره تراجع على كل الشكمان كويس جدا .......رباطات وجوانات ..........ولو أمنت منظومة الشكمان كويس ...بحيث ميكونش فيه أى تسريب ...........مش حتحس بفرق أوى فى الصوت ( لأنك ببساطه كاتم حركة العادم جوه وصلات الشكمان كويس )

**moudy88** · 14-06-2009 09:05 PM

طب معلش استحملني ...لو خدنا على كلام الراجل ان العلبه اتفضت قبل كده وانها فاضيه ....هل تعتقد ان الصوت بالماسوره هيبقى اعلى من الوضع الحالي

**samirayad** · 14-06-2009 09:20 PM

طب معلش استحملني

ياباشا متقولش الكلام ده ...........دا أنا قبل كده قايلك أعتبرنى أخوك الأكبر

...لو خدنا على كلام الراجل ان العلبه اتفضت قبل كده وانها فاضيه

حنعتبر العلبه فاضيه ....ولو أننى أشك فى كلامه برضه ...........طالما عاوز يحشى

هل تعتقد ان الصوت بالماسوره هيبقى اعلى من الوضع الحالي

أنا أعتقد .......أنا الصوت حيبقى أحسن ....وأن العلبه فيها الخلطه برضه ولكن بايظه والفحم مبهدل جواها مثلا ....وهو اللى حاجز العادم عندك وعامل رد عكسى على المكنه ....وبكده الصوت عالى عندك حاليا .........وأكيد ده ليه دخل فى زيادة الأستهلاك الحاليه عندك ............وده أنت ممكن تكتشفه برضه ..........لو قارنت خروج العادم عندك بخروج العادم لعربيه تانيه ( لو عندك العادم قليل ...........يبقى العلبه مكنومه وجواها الفحم مبهدل مثلا ) ولو العادم كويس وكتير يبقى كلامه مظبوط والعلبه متفضيه قبل كده .............ده مجرد توقع والله أعلم طبعا ...........وبرضه ممكن تختبر الصوت لما تخبط على العلبه بمفتاح مثلا ( لو لقيت الصوت الصادر عنها لماتخبط عليها .........مشابه لعلبة النصف ) تبقى فاضيه فعلا .....أما لو الصوت مكتوم ............تبقى محشيه ....يعنى عاوز أقولك عاين حالة التقفيل برضه وأنت تعرف الحاله ( أتلعب فى العلبه قبل كده ولا لا )