انا رايح امتحن عربى بكرة الصبح ياريت تدعولى دعوة من قلبكم ليا
عرض للطباعة
انا رايح امتحن عربى بكرة الصبح ياريت تدعولى دعوة من قلبكم ليا
نداء لجميع اعضاء المنتدي
فيه دعوتين محدش يدعيهم لطالب
1: ربنا يديلك علي قد مجهودك
2: ربنا يديلك علي قد نيتك
روح يا فادي يا ابني ربنا يعمي عنين المراقبين عنك
ويكبر خط اللي جنبك علشان تعرف تبص في ورقته وتراجع منها معلوماتك
العربي ده مالوش الا دعوة واحدة .
ربنا يصبرك
روح يابنى ربنا بكرمك و يوقف فى طريقك ولاد الحلال ( دعوه ام ) و متدديش ادواتك لحد
ربنا معاك و مع إبني و مع الكل
حاسس كإني اللي داخل إمتحان
بصراحة ربنا يقويكم على أيامكم
:_Alshmokh22[1]:
ربنا معاااك و مع كل اللي زيك
ياااااارب
ربنا يوفقك يا رب
ربنا معاك
ربنا معاك يا فادى
العربى ده كانت ايام
اتوقع يجيلكم فى التعبير عن مصر و انها مش عارف ايه وقلب العربه النابض وزياره اوباما ههه
بالتوفيق و ابقى طمننا عليك
ربنا معاك يا فادي ان شاء الله .... بس يا ريت تطمنا اول لما تخلص
ربنا يوفقك وابقى طمنا
الامتحان جالهم حلو . خارجين فرحانين و قريبي بيقولى الامتحان جه حلو جدا ..
ربنا معاكم .
حكاية الإمتحان حلو دي بيبقى فيها ظلم كبير ساعات
لأن معني ان الإمتحان حلو غالبا انه سهل جدا وطبعا ده بيدي فرصة للناس اللي مستواها 75% بوجه عام في المذاكرة انهم يجيبوا 100 في الإمتحان السهل ده وطبعا بيتساوى اللي حارق نفسه طول السنة مع اللي مذاكر بس مش قوي
اتمنى ان موضوع التعبير مايكونش عن زيارة أوباما :rfds:
على العموم ربنا معاهم كلهم ويدي كل واحد على قد مابيجتهد
على فكرة الامتحان مش سهل ولا حاجة هو سهل ممتنع
بمعنى ان السوال لية طريقيتين طريقة تفهمة بيها وهتكون سهلة جدا والطريقة التانية وهى للاسف صعبة جدا
وكان عمالى يحور فى الاسئلة
بس المهم فى الآخر انى حليت كويس الحمد لله
انا ليا اتنين قرايبى كان عندهم امتحان النهارده بس واحده مستواه مش قوى ووواحد ممكن يطلع الاول على الجمهوريه
الى مستواه مش قوى قال امتحان سهل جداا و بسيط جداا
و الراجل التانى قال زى ما فادى باشا قال بالظبط
طمنتنا عليك يا فادى باشا كده وربنا يوفقك ان شاء الله
مفيش حاجه اسمها امتحان سهل ياجماعه
ربنا معاك يا فادي ...
و شد حيلك في اللي جاي...
مواد الثانوية العامة دي فعلا عايزة صبر بدون حدود
الاول اشكر كل الى دعولى والى مش دعولى
وفعلا الامتحان الى يوقل علية سهل يبقى مش عارف هو كان بيتكلم عن اية
لان زى ما قلت قبل كدة لية معنيين
طب الحمد لله
يا راجل قلقتنا عليك
عقبال باقى الامتحانات ما تكون سهلة كده
فعلا الامتحان غريب الناس طلعه مفيش أتفاق على أجابه واحده
عقبال الباقي يا فادي
فعلا كان فيه شكوة من النحو والبلاغة
ربنا يعديها على خير
وربنا يوفقك ويوفق الجميع
غير قريبى اللى طمنى ده كان فى شباب قاعدين جمبي فى الكافيه بيراجعوا و كان عددهم 6 او 7 و كانوا مبسوطين جدا مش عارف دول طلاب و لا دعاية للوزارة !! ..
على العموم لو فى اى حاجة جت صعبة هتشوفوها على العاشرة مساء و هتشوفوا احتجاجات الاهالى , وزير التربية و التعليم امبارح على المحور قال مفيش امتحانات هتيجى من بره المنهج ولا الكلام الفاضي ده و مفيش امتحانات هتكون فى مستوى الطالب المتميز .
عموما ربنا يوفق الكل .
سؤال يافادى
انت معاك رخصة سواقة؟؟؟؟
و لا يهمك اللى جاى احسن ان شاء الله
لا دا لازم تكونو سمعتوا عنها بس هيا البلاغه تقيله فى السمع شويه ياراجل بص لقدام وقول يارب