انا عاوز عربية فيات 126 بالتقسيط

**coco511** · 13-10-2009 08:26 PM

النهارده روحت فيات
وقالولي من الآخر كده 127 كلها كويسه لو حالتها نضيفه طبعا وقطعها رخيصه ونصحني الراجل ادور على 127 افضل

**alaavirus** · 14-10-2009 10:43 AM

السلام عليكم
يا جماعة انا محتاج السيارة دى عشان
حجمها

**kasten** · 16-10-2009 08:59 PM

ال 127 احسن بكتير والحجم مش فارق كتير بينهم

**أحمد سالم** · 18-10-2009 11:59 PM

السلام عليكم
اولا انا اختلف مع بعض الاخوة فى الردود لانى كان عندى زمان عربيه نصر 126 كانت موديل 1991
اشتريتها وقتها ب7500 جنيه وبعد سنه تقريبا بعتها بنفس السعر اللى اشتريتها بيه
كل اللى عملته فيها خلال السنه اول مااشتريتها كانت محتاجه بطاريه جبتلها بطاريه جافه
وغيرت المارش بتاعها
وخلاص على كده

العربيه ممتازة جدا لو كنت لوحدك او عائلتك صغيره
انا كنت بلف بيها كثير جدا لانى كنت وقتها بشتغل فى المبيعات فى شركه
وكنت ساعات بقابل ناس راكبينها اكدو ليا انهم بيروحو بيها اسكندريه بدون اى مشاكل
فيها ميزة ممتازة انها بدون مياه تبريد
واقتصاديه جدا فى البنزين
كل الحكاية ان يكون موتورها مظبوط علشان مايسخنش

مشاكها بقى عن تجربه
اولا مافيش غير واحد بس بيبيع قطع غيارها اسمه تقريبا على شاهين
هو بيبيع الجديد والاستيراد من قطع غيارها وجنبه الميكانيكى بتاع العربيه والكهربائى
المشكله بقى انهم استغلاليين جدا جدا فوق الوصف
وطبعا الواحد بيبقى مطر لانه مافيش غيره

ثانيا اغلب الميكانيكيه مش بيفهمو فيها
وطبعا على شاهين واللى بيشتغلو فيها دول موجودين فى السيدة زينب
يعنى لازم تسحب العربيه للسيده زينب لو حصل عطل لاقدر الله وتسلم نفسك للاستغلال

خلاف كده العربيه ممتازه وانا كنت بعمل بيها مشاوير كثير جدا بدون مشاكل
المشكله الثانيه ان اغلب العربيات النقل اثناء القيادة بتحب ترخم عليك وانت سايق العربيه 126 وده كان بيقلقنى جدا
هما فاكرين انهم بيهزرو يعنى بس انا كنت بخاف جدا لما الاقى عربيه نقل بتقرب منى

وموضوع ان مش اى ميكانيكى بيشتغل فيها
اما عن سبب البيع فوقتها كنت مسافر ولازم ابيعها
انا برده بحب العربيه دى جدا بالاخص انها اول عربيه اشتريتها
وربنا يوفق لما فيه الخير

**mido320i** · 03-11-2009 10:47 AM

المشاركة الأصلية كتبت بواسطة أحمد سالم

السلام عليكم
اولا انا اختلف مع بعض الاخوة فى الردود لانى كان عندى زمان عربيه نصر 126 كانت موديل 1991
اشتريتها وقتها ب7500 جنيه وبعد سنه تقريبا بعتها بنفس السعر اللى اشتريتها بيه

احمد باشا بص انا بدور على واحده, مشواري من مصر الجديده للتحرير كل يوم. تستحمل ولا ايه الظروف؟؟؟ وكمان اعطلها كتير انا اكره حاجه عندي ان العربيه تعطل وانت ماشي