[justify]
السلام عليكم اخوانى الاحباء
انا عاوز عربية فيات 126 بالتقسيط نظرا لانى معى 2000 ممكن يكونو مقدم والباقى تقسيط
ارجوكم الى يعرف حاجة فى الموضوع دة يساعدنى لاتنظر وتمشى
[/justify]
عرض للطباعة
[justify]
السلام عليكم اخوانى الاحباء
انا عاوز عربية فيات 126 بالتقسيط نظرا لانى معى 2000 ممكن يكونو مقدم والباقى تقسيط
ارجوكم الى يعرف حاجة فى الموضوع دة يساعدنى لاتنظر وتمشى
[/justify]
محدش رد يعنى يا جماعة هو انا طلبت اجة حرام
هو مش حرام هو صعب شويتين
وبعدين انت ممكن تعمل حاجة بدل ما تقسط الفلوس ادخل بالفوس اللى انت كنت هتقسط بيهم جمعية و خد مبلغ على بعضه و اشترى احسن لاني اعتقد انها مش هتكون غالية اوي
وربنا يسهلك ان شاء الله
لا طبعا مبتستحملش السفر زى مقلك الاخ الكريم ادخل جمعيه او اصبر لحد متجيب 127
من وجهه نظرى حتى لو العربيه حالتها كانت كويسه فصعب تسافر ... اعتقد اخرها تمشى فى طريق زى طريق القاهره العين السخنه .. ك مسافه و ك نظافه طريق ..
اعتقد ان 127 توب تقوم بالواجب احسن منها ..
وربنا يكرمك يارب
ربنا يوفقك أن شاء الله وتجيبها بس افضل شئ أنك تدخل جمعية وتصبر شوية بس موضوع السفر دا صعب شوية لأنها 600 سى سى
هو طبعا فى حل أنا سمعت أن فى ناس هنا فى مصر مسقطة فيها موتور فيورا وشوفت والله فى اعلان قبل كدة واحد كان عارض 126 فيها موتور 1500 طبعا أنا تنحت قولت دى أية دى بس دا حوار كبير وهتدخل فى بحر من التعديلات وتكلفة عالية جداا ومش هى دى ألى تستاهل يعنى وربنا يوفقك للخير أن شاء الله
كانت على كام بالتعديل
مش فاكر والله بالظبط علشان مفتيش يعنى بس كان بيعبط فى الرقم طبعاا
بس ايه رايك اجيبها واظبطها
منا قولتلك مش هى دى ألى ينفع تتعدل متستهلش الفلوس الى هتتدفع فيها ولو جيت تبيعها مش هتجبلك ألى دفعتوا فا بلاش أحسن
اصلى والله بعشقها جدا جدا جدا
شوف الينكات دى كدة
http://www.youtube.com/watch?v=7PY3Y2OVZBk
http://www.youtube.com/watch?v=ql2ni...eature=related
http://www.youtube.com/watch?v=wb7vt...eature=related
شوفها ورد عليا ارجووووووووووووك
كل دا كلام جميل تعرف بقا أن التعديلات دى ممكن تخشلك فى أكتر من 10 ألاف جنية لو غاوى براحتك بس أنا بقولك بلاش الكلام دا مش بينفع عندنا وعلى أى حال من الأحول أستنى رأى باقى الأعضاء
تحياتى
منتظر باقى الاعضاء عشان شكلى حغير ل 128 واظبطها وشكرا اخى الكريم على الافادة وربنا يكرمك لانك بجد انسان محترم بس بقولك ايه ايه راى المرور فى التعديلات دى ؟؟؟؟؟؟؟؟؟؟؟؟؟؟؟؟
شكرا يا باشا ومنتظر راى باقى الاعضاء
انا كمان عايزه العربية ديه ضروري لاسباب مهمه بالنسبه ليا
اولا الفلوس قليله معايا
ومحتاجه عربية بسرعه جدا
وكمان مشاويري قليله وبسيطه وانا وابني الصغير فقط
الاقي فين في اسكندرية
يارب حد يساعدني بحاجه كويسه كده
ده غير الركنه في الشارع عندي صعبه لاقصى درجة
اهلا بك فى موضوعى هذا المتواضع
انا كمان محتاج هذة العربية وكنت عامل الموضوع ده عشان كدة
واتمنى من انى انا وانت نلاقيها بسعر مناسب وبالتقسيط
ممنوع الكتابه باللون الاحمر
مشرف عام 3
لرفع الموضوع
شوف يا استاذى الكريم العربيه حلوه وموضوع السفر ده صعب لكن موش مستحيل وخصوصا اذا كنت حاتمشى على مهلك ومتحملهاش كتير فحاتسافر مفهاش مشاكل لكن لازم تظبطها ميكانيكيا قبل السفر
بس اعتقد 128 افضل منها بمراحل وربنا يوفقك
طيب مفيش حد يقولنا نلاقيها فين بحاله ممتازه سعر كويس؟
خصوصا في اسكندرية لو تكرمتم وبسرعه
يا عم 126 ايه و قرف ايه و عشق ايه
من غلو العربيات اوى
روح هاتلك 128 فى حدود 10000 ج و عدل فيها براحتك على الاقل هيبان فيها
وبعدين انت مش هتعرف قرف العربيه الا لما تتعك فى تصليحها
بس عموما لو متمسك بالعربيه اوى هى معروضه للبيع ع اللينك دا بس دى سيات لكن ماتور فيات 127
للبيع سيات 133معدله بالاسكندريه (يوجد صور) - موقع الدي في دي العربي - DVD4ARAB.MAKTOOB.COM
النهارده روحت فيات
وقالولي من الآخر كده 127 كلها كويسه لو حالتها نضيفه طبعا وقطعها رخيصه ونصحني الراجل ادور على 127 افضل
السلام عليكم
يا جماعة انا محتاج السيارة دى عشان
حجمها
ال 127 احسن بكتير والحجم مش فارق كتير بينهم
السلام عليكم
اولا انا اختلف مع بعض الاخوة فى الردود لانى كان عندى زمان عربيه نصر 126 كانت موديل 1991
اشتريتها وقتها ب7500 جنيه وبعد سنه تقريبا بعتها بنفس السعر اللى اشتريتها بيه
كل اللى عملته فيها خلال السنه اول مااشتريتها كانت محتاجه بطاريه جبتلها بطاريه جافه
وغيرت المارش بتاعها
وخلاص على كده
العربيه ممتازة جدا لو كنت لوحدك او عائلتك صغيره
انا كنت بلف بيها كثير جدا لانى كنت وقتها بشتغل فى المبيعات فى شركه
وكنت ساعات بقابل ناس راكبينها اكدو ليا انهم بيروحو بيها اسكندريه بدون اى مشاكل
فيها ميزة ممتازة انها بدون مياه تبريد
واقتصاديه جدا فى البنزين
كل الحكاية ان يكون موتورها مظبوط علشان مايسخنش
مشاكها بقى عن تجربه
اولا مافيش غير واحد بس بيبيع قطع غيارها اسمه تقريبا على شاهين
هو بيبيع الجديد والاستيراد من قطع غيارها وجنبه الميكانيكى بتاع العربيه والكهربائى
المشكله بقى انهم استغلاليين جدا جدا فوق الوصف
وطبعا الواحد بيبقى مطر لانه مافيش غيره
ثانيا اغلب الميكانيكيه مش بيفهمو فيها
وطبعا على شاهين واللى بيشتغلو فيها دول موجودين فى السيدة زينب
يعنى لازم تسحب العربيه للسيده زينب لو حصل عطل لاقدر الله وتسلم نفسك للاستغلال
خلاف كده العربيه ممتازه وانا كنت بعمل بيها مشاوير كثير جدا بدون مشاكل
المشكله الثانيه ان اغلب العربيات النقل اثناء القيادة بتحب ترخم عليك وانت سايق العربيه 126 وده كان بيقلقنى جدا
هما فاكرين انهم بيهزرو يعنى بس انا كنت بخاف جدا لما الاقى عربيه نقل بتقرب منى
وموضوع ان مش اى ميكانيكى بيشتغل فيها
اما عن سبب البيع فوقتها كنت مسافر ولازم ابيعها
انا برده بحب العربيه دى جدا بالاخص انها اول عربيه اشتريتها
وربنا يوفق لما فيه الخير