هيه شهادة المخالفات من مرور فيصل نفسه و لا من نيابة المرور و هل هى بتبعد عنه ولا فى نفس المكان و ياريت لو حد طلعها من هناك يعرفنى طلعها ازاى لأنى من المنصورة و مش ناقص بهدلة .
عرض للطباعة
هيه شهادة المخالفات من مرور فيصل نفسه و لا من نيابة المرور و هل هى بتبعد عنه ولا فى نفس المكان و ياريت لو حد طلعها من هناك يعرفنى طلعها ازاى لأنى من المنصورة و مش ناقص بهدلة .
طلعها من عالنت
https://www.masr.gov.eg/arabic/servi...ction=Citizens
و تيجي لك لباب البيت
و الزيادة بسيطة تقريبا 10 جنيه رسوم توصيل
و لا وجع القلب و الطوابير و القرف
و الخدمة دى ممكن تيجى للمنصورة و لا مقتصرة على القاهرة و الجيزة فقط
القاهرة و الجيزة بس هما اللى موجودين فى الموقع
اعتقد ممكن لانهم اصلا بيبعتوها بالبريد المصري بس مش بريد عادي هي خدمة توصيل من الباب للباب زي شركات الشحن
و اسوا الظروف ابعتها على واحد قريبك او صاحبك في مصر يبعتهالك
فيه شركة شحن اسمها ميدل ايست بابعت بيها الحاجات جوة مصر برخص التراب
يعني بعتت دعوة فرحي لصاحبي في اسكندرية ب 7 جنيه و وصلته لباب بيته تاني يوم ....
و الله جرب و مش هتخسر و القائمين على الخدمة سواء ضباط او وكلاء نيابة او عاملين مدنيين بالداخلية / النيابة كلهم محترمين جدا
صباح الخير يا سعادة الباشا
الموضوع بسيط جدا شهادة المخالفات بتطلع وانت واقف فى عشر دقائق من نيابة مرور فيصل و هى بجانب المرور على طول تحت كوبرى فيصل و ياريت تكون هناك بدرى يعنى الساعة 9 صباحا و ان شاء الله قبل 9.3 تكون خالصة و بتدفع 5 جنيه
بس خلي بالك
لو العربية نمر مؤقته جيزة
شهادة المخالفات بتطلع من مرور بين السرايات
اقتباس:
أرسل أصلا بواسطة lion_heart http://www.nilemotors.net/nile/image...s/viewpost.gif
فعلا ,, و لكن سؤالى العربية ترخيص الجيزة هل ممكن براءة الذمة تيجى للمنصورة ولا لازم القاهرة و الجيزة فقط ايضا ؟؟
وانا معاك في نفس التجربة والسؤال.
الحمد لله ربنا وفقنى و جبتها :
اولا : بعت على الرابط الموجود بأعلى الاسم و التليفون و الميل و العنوان و ذلك منذ مساء الجمعة و لكن لم تبدو اى بوادر للظهور و بمعنى اصح منتظرتش التجربة .
ثانيا : قلت مابدهاش بيدى لا بيد عمرو و عزمت انى انزل مصر و اجيبها
و طبعا لأن مصر تتوه على الاقل بالنسبة لى نويت انى اخدها مواصلات اسهل بدل التوهه
نزلت من البيت حوالى 6 صباحا و صلت عبود الساعة 8 تقريبا
ركبت من عبود لرمسيس تلت ساعة تقريبا
دورت على موقف الهرم اللى بيودى لمنطقة اسمها مشعل بعد الدائرى و الرماية و لاقيته على الجهه الاخرى من موقف احمد حلمى جهة قسم الازبكية
الحمد لله ركبت ميكروباص للهرم تقريبا نص ساعة و عدينا على الدائرى ونزلت بمشعل ب شارع الهرم و اول فيصل
من اول فيصل ركبت تقريبا تلت ساعة من الزحام لأخر فيصل من اليمين تحت الكوبرى حيث يوجد المرور فى يسار الكبرى و نيابة المرور بعدها ب30 م على يسار المرور
هتوصل هناك هتلاقى موظف بينده على اللى عاوز شهادة المخالفات اللى هيه براءة الزمة و هياخد منك الرخصة و يدخل بيها للمكاتب لييحث بالكومبيوتر
و بعدين لو فى مخالفات هينده عليك من البوابه اللى على يمين الشبابك عشان تدفع المخالفة تاخد براءة الذمة و الرخصة
لو مفيش هينده عليك من الشباك و تدفع 5 جنيه رسوم اجتماعية باين ..و تستلم الرخصة بالبراءة ان شاء الله
ومن استلام الرخصة منك تستنى حوالى نص ساعة لغاية لما ينهوا عليك .
خللى بالك خد معاك رخصة العربية و التوكيل الى اسم مالك العربية فيه او كل التوكيلات و بطاقتك عشان ساعات بيقولك ورينى التوكيل ويبص على الاسامى و بطاقتك (معرفش ليه ) و الاأمن خد كل الاوراق معاك الاصل فى ظرف بلاستيك عشان ميدوبوش من العرق .
و الاهم انك تحفظ اسم مالك السيارة اللى الرخصة باسمه عشان هيندهوا بيه و ماتتلخبطش و تفتكر انهم هيندهوا عليك باسمك .
و الله الموفق ,
اقتباس:
الحمد لله ربنا وفقنى و جبتها :
اولا : بعت على الرابط الموجود بأعلى الاسم و التليفون و الميل و العنوان و ذلك منذ مساء الجمعة و لكن لم تبدو اى بوادر للظهور و بمعنى اصح منتظرتش التجربة .
ثانيا : قلت مابدهاش بيدى لا بيد عمرو و عزمت انى انزل مصر و اجيبها
و طبعا لأن مصر تتوه على الاقل بالنسبة لى نويت انى اخدها مواصلات اسهل بدل التوهه
نزلت من البيت حوالى 6 صباحا و صلت عبود الساعة 8 تقريبا
ركبت من عبود لرمسيس تلت ساعة تقريبا
دورت على موقف الهرم اللى بيودى لمنطقة اسمها مشعل بعد الدائرى و الرماية و لاقيته على الجهه الاخرى من موقف احمد حلمى جهة قسم الازبكية
الحمد لله ركبت ميكروباص للهرم تقريبا نص ساعة و عدينا على الدائرى ونزلت بمشعل ب شارع الهرم و اول فيصل
من اول فيصل ركبت تقريبا تلت ساعة من الزحام لأخر فيصل من اليمين تحت الكوبرى حيث يوجد المرور فى يسار الكبرى و نيابة المرور بعدها ب30 م على يسار المرور
هتوصل هناك هتلاقى موظف بينده على اللى عاوز شهادة المخالفات اللى هيه براءة الزمة و هياخد منك الرخصة و يدخل بيها للمكاتب لييحث بالكومبيوتر
و بعدين لو فى مخالفات هينده عليك من البوابه اللى على يمين الشبابك عشان تدفع المخالفة تاخد براءة الذمة و الرخصة
لو مفيش هينده عليك من الشباك و تدفع 5 جنيه رسوم اجتماعية باين ..و تستلم الرخصة بالبراءة ان شاء الله
ومن استلام الرخصة منك تستنى حوالى نص ساعة لغاية لما ينهوا عليك .
خللى بالك خد معاك رخصة العربية و التوكيل الى اسم مالك العربية فيه او كل التوكيلات و بطاقتك عشان ساعات بيقولك ورينى التوكيل ويبص على الاسامى و بطاقتك (معرفش ليه ) و الاأمن خد كل الاوراق معاك الاصل فى ظرف بلاستيك عشان ميدوبوش من العرق .
و الاهم انك تحفظ اسم مالك السيارة اللى الرخصة باسمه عشان هيندهوا بيه و ماتتلخبطش و تفتكر انهم هيندهوا عليك باسمك .
و الله الموفق ,
طبعآ خالص الشكر لسرد التجربة.
بس كمان استفسار.
طيب هل نيابة المرور دي لمرور الجيزه عمومآ ولا لفيصل بس...
بمعني انا عربيتي مرور الدقي - جيزة.
حاروح لنفس نيابة المرور ولا في نيابة مرور خاصة بمرور الدقي
الشكر لله
بصراحة ما أعرفش
ممكن تعرف عن طريق براءة ذمة سابقة للعربية اللى معاك يكون البائع اللى قبلك ادهالك بيكون مكتوب فيها التفاصيل يعنى مثلا عندى
نيابة مرور - نيابة مرور الهرم
وحدة مرور- وحدة مرور فيصل / الهرم
او الحل التانى انك تسأل مالكها اللى قبلك عن مكان نيابة المرور الخاص بالعربية .
و الحل الثالث ان احد الاخوة بالمنتدى ترخيصه الدقى يقولك على النيابة الخاصة بالدقى هل هى فيصل ام نيابة اخرى
و الله الموفق ,
انا كل ما ادخل علي الموقع دة تتطلعلي رسالة " لا يمكن العثور علي بيانات المركبة " او "عفوا حدث خطا اثناء الاتصال بقاعدة بيانات المرور " ومش عارف اعمل اية كدة هطر اني اروح المرور