السلام عليكم
من فضلكم, عايز اقارن بين: رينو سيمبول , نيو اكسنت, بروتون بيرسونا
اللي يعرف عيوب في اي موديل منهم يقول بعد اذنكم.
شكرا مقدما..
عرض للطباعة
السلام عليكم
من فضلكم, عايز اقارن بين: رينو سيمبول , نيو اكسنت, بروتون بيرسونا
اللي يعرف عيوب في اي موديل منهم يقول بعد اذنكم.
شكرا مقدما..
راجع قسم رينو تقييم السيمبول وعايز اقول لحضرتك ان السيارة افضل من الاتنيين مشكلتهااا الوحيدة اعادة البيع
كل اللي اقدر اقولهولك عالبيرسونا ان زميلي في الشغل اشتراها زيرو و التكييف عطل بعد اسبوعين و راح و اضطروا يفكوا الضفيرة و التابلوه و بلاوي زرقة عشان يصلحوه و هي لسه بقالها اسبوعين
البيرسونا تقفيل ماليزي وفيها بعض العيوب لكن عربية ممتازة جدا والعيوب اللي فيها بسيطة مش جامدة ... 110 حصان
الاكسنت مش ثابتة قوي وضيقة من جوه وتوكيل مش قوي .....112 حصان
السيمبول تركية التقفيل و 1400 سي سي 98 حصان وانا عن نفسي مش عجباني.....
انا ارشح البيرسونا
ياريت لو مشكله صاحبك لسه ماتحلتش
يتفضل ويكتبها هنا ... والمشاكل اللى بتكتب فى التوبيك دا ... بيتابعها بصفه دوريه م/امر ... مدير الصيانه فى توكيل -عز العرب-
هنـــــا
وعلى فكره اى عربيه اى كان موديلها ... معرض انها يحصل فيها كده ... وخصوصا دى مشكله نادره لما تحصل فى سيارات بروتون.
بيرسونا.................
http://www1.picturepush.com/photo/a/...40/1872129.jpg
سيمبوووووووووووووووولhttp://img7.imageshack.us/img7/3871/56166083.th.jpg
يا جماعه السيمبول ده دققو في جنب العربيه كويس
هي كليو مغيريين الفوانيس والتابلوه
طيب مهى فعلا أسمها كليو سيمبول الجديدة وهى الجيل الجديد من كليو فا سموها سيمبول
انا راي نيو اكسنت اولا
بيرسونا بس علشان شكلها انما سمعتها وقطع غيار وما ذلك مش اوي
رينو لا لا هترمي فلوسك في الارض ومحدش هيشتريها منك غير قليل قوي الري سيل بتاعها وحش
غير ان الكليو اصلا مش حلوه وارتفاع اسعار قطع الغيار الفرنساوي والخدمه المتاخره في التوكيل
النيو اكسنت انسبهم وفرق الوسع مش كبير بس هي عربيه طلقه اقواهم موتور وسحب
يا جماعة طبعا سيمبول.....دايما كنا بنشتكى فى الفرنساوى إن بتطلع عليه إشاعات إن فى مشاكل بالرغم من عدم حقيقتا...ولما تيجى فرنساوى أوروبة بالإمتياز ده نقارب بكورى وماليزى وكلام فاضى كده؟
بصراحة انا شايف ان توكيل رينو من اكتر التوكيلات احتراما
بيرسونا أوتوماتيك فول أوبشنز ب 91000:
شكل رائع و إنسيابى جدا
موتور قوى 110 حصان
ثبات أكثر من رائع
كماليات كتير جدا على السعر ده:
1 2إير باج
2 كاسيت بلو بنكت mp3وأربع سماعات
3 طارة إسبور مع مالتى فانكشن
4 جنوط إسبور 15 205/60
5 فوانيس شابورة أمامى
6 فانوس فرامل خلفى
7 زجاج حرارى خلفى
8 4 زجاج كهربا
9 2 مرايا كهربا بلون العربية
10 سنتر لوك بيقفل أوتوماتيك أول ماتطلع بالعربية وتدوس فرامل
11 2 مفتاح ريموت و بيفتح الشنطة
12 كمبيوتر رحلات
13 باور بيفصل أوتوماتك بعد 90
14 إمكانية طى الكنبة الخلفية وتبقى جزء من الشنطة
15 فتح الشنطة والتانك من الداخل
16 إمكانية التحكم فى درجة إضاءة التابلوه
....*أهم حاجة
*علو العربية عن الأرض 16.5 سم
*وزن العربية 1200 كجم يعنى ثبات
*تابلو أكثر من رائع
*إستهلاك بنزين 6.8 لتر لكل 100كم بالنسبة للأوتوماتيك
*صاج العربية سمكه 0.8
وكده أكيد البرسونا تكسب
نسيت أقول فى الأوبشنز حاجة مهمة
17 الفرامل abs & ebd
يا باشا مالصينى فى كل دا وارخص المهم اعتمادية العربية وسمعتهاااا انا مثلآ كنت همووت على الجن 2 والبرسونا ولما جربت الجن ولاقييت ادائهااا مش وهمى وتقفيلهااا سيء جدآ قررت اجييب السيمبول علشان انا مجرب الكليو قبل كدا وهيا امتداد ليهااا والحمد لله طلعت افضل بكتيير
New Accent
كل كلامك مفيهوش مشكلة بالنسبالى.......ده رأيك و أنت حر فيه.....بس النقطة دى فلتت منك يا باشا.
التوكيل و عن تجربة 4 سنين و شوبة من أحسن توكيلات مصر ( إن مكنش أحسنهم على الأطلاق )
أرشح لصاحب الموضوع العربيات بالترتيب التالى
1- سيمبول
2- بيرسونا
3- أكسنت
لو مش ناوى تبيع غير بعد 5 سنين أو أكتر و عاوز تستمتع بعربية محترمة لا تتردد فى السيمبول....و ممكن تكلم 16202 و تحجز تست درايف لكى يطمئن قلبك.
التست درايف بتاع رينو معاك لحد 100 كم أو لحد لما تزهق.......أيهما أقرب.
كلام نظري .. حتختار البرسونا أدائها و أوبشناتها كويسة .. بس هي بطيخة و احتمال تطلع بدون مشاكل و احتمال تطلع قرعا
عمليا السيمبول أفضل سيارة و ثبات و أمان و أوبشنز و موتورها اضعف منهم شوية لكن مش ضعيف أبدا و بنزينه ممتاز ..
.. و أهم حاجة فيها أحسن توكيل في مصر و قطع غيارها معقولة جدا و فيه منها غير الفرنسي تركي أصلي و تونسي كمان
.. و سعر إعادة البيع مش كارثة قوي و لكن في أول كام سنة بس و بعد كده بتثبت و ماتفرقش دي عن دي 5 الاف بالكتير
.. و ده عموما راجع لبعض الوطاويط في دماغ بعض المصريين عن الرينو و الفورد و الفولفو و الأودي الغير صحيحة .. و هي للأسف وطاويط عتيقة جدا و لا ترقي للنقاش الجدي