استفسار مهم : بروتون واجا

**Eng. Rafy Samy** · 13-06-2009 12:39 PM

عاوز اعرف هل ده طبيعي ولا لاُ
العربية بروتون واجا كومبرو مانوال بحس بخشونة في الموتور على الار بي ام من 18 إلى 28 على كل النقلات 1-2-3-4-5
يعني بحس ان الموتور خشن وفي رعشة زياده شوية في دواسة البنزين
لما سألت المهندسي محمد صلاح قالي ده طبيعي ومرداش يفسري اكتر من كده ..؟
فكنت عاوز اعرف هل ده طبيعي ولا لأ ..؟؟

**viper911s** · 13-06-2009 01:31 PM

انت حضرتك تقصد صوت عالى علشان لو كان كدة فا الكام برو دة صوتة فعلا لكن الرعشة دى غريبة بجد

**Eng. Rafy Samy** · 13-06-2009 01:50 PM

لا مش صوت...
خشونة... مش عارف اشرحها ازاي
بص زي ما يتكون راكب عربية لادا وبتقرص عليها شوية فبتحس ان الدواسة البنزين فيها رجة زي مايكون متوصلة بخلاط...

بص الارب بي ام من 10 إلى 18 بحس ان الموتور ناعم جداً ومش حاسس بيه خالص
من 18 إلى 28 بحس ان الموتور خشن بحس بيها في الفيتيس ودواسة البنزين ,,,, بعد ال 28 بيرجع الموتور ناعم تاني والخشونة دي بتروح خالص...

**Ayman_52** · 13-06-2009 02:17 PM

ايه دا هو حضرتك استلمت ولا ايه؟؟؟؟

طب مش تقولنا يا راجل عشان نباركلك ....

بس سؤال بعد اذنك ....

هى الواجا الــ2009 اللى مع حضرتك ... فيها فلتر الـiafm ولا كامبرو بس؟؟؟؟

والف الف مبروك عالواجا وربنا يباركلك فيها....

وكبار الواجا هيفيدوك اكيد

تحيـــــــــــاتـــى

**Eng. Rafy Samy** · 13-06-2009 02:28 PM

ايمن باشا تحياتي ليك
والف شكر على اهتمامك
الواجا 2008 مش 2009 طبعاً انا زعلت جداً اني معرفتش استفيد بالعرض الجميل اللي انت عملته وكمان لاني استملت العربية يوم واحد قبل ما انت تنزل العرض.. حظي وحش
بس الحمدلله على كل شئ واحب ااكد للكل العربية تحفة فنية فيها كل حاجة اي واحد يتمناها تقييمي ليها لحد دلوقتي 95% والخمسة الباقية دي مجرد حاجات عاوز استفسر عنها (زي اللي في الموضوع ده)

انا عملت صيانة الـ1000 من كام يوم التوكيل كان قمة في كل حاجة والمهندس محمد صلاح انسان محترم

طبعاً العربية مسلمتش اول ما استلمتها اخددت مسمار من اولها لاخرها وكمان حكة كويسة في الاكصدام اللي قدام ( وهي واقفة )

ده غير اني تاني يوم الصبح اتمسكت وانا رايح اعلق النمر وكانت حتخش حضانة وانا حتحبس وغرامة 4500 جنية وبلاوي سوده منيله بنيلا

بس برضة كل ده مأثرش على فرحتي بالعربية وكمان اعجابي الشديد بيها..

بالنسبة لسؤالك عرف ازاي نوع الفلتر اللي متركب .. معلش انا لسة جديد ومحتاج مساعدة

**M.almaghraby** · 13-06-2009 03:37 PM

IAFM filter

**Ayman_52** · 13-06-2009 06:18 PM

الف الف مبروووووووووووووووووك .... وربنا يباركلك فيها يارب ويحفظهالك

ومادام مو 2008 يبقى مافيهاش الفلتر الجديد ... ودا كانت ميزته معالجه ضعف العزم عند نقطه معينه فى الــrpm.

الف الف مبروووووووووووووك.

**m.3abdel3al** · 13-06-2009 06:26 PM

و انت ممكن تحل مشكلة السحب دي بتركيب فلتر سبور سواء
k&n = 450
simota = 150

ودا مجرد انك بتشيل الفلتر الي متركب في العربية و نحطه مكانه

**Eng. Rafy Samy** · 14-06-2009 10:17 AM

شكراً يا شباب على ردودكم
بس انا معنديش مشكلة في السحب نهائي بالعكس انا من كام يوم شديد مع واحد صحبي معاه جين 2 2009 وكنا مشيين جمب بعض بالظبط
المشكلة الوحيدة في الخشونى اللي بحس بيها على الار بي ام من 18 إلى 28
على العموم انا حروح التوكيل تاني واشوف معاهم..

في سؤال تاني لو سمحتولي :
هي الواجا مفهاش لمبة في الطابلوه للنور الواطي ..؟
انا بتور عندي لمبة واحدة مع النور العالي بس..!!

**MohabSaeed** · 15-06-2009 01:30 AM

المشاركة الأصلية كتبت بواسطة rafysamy

شكراً يا شباب على ردودكم
بس انا معنديش مشكلة في السحب نهائي بالعكس انا من كام يوم شديد مع واحد صحبي معاه جين 2 2009 وكنا مشيين جمب بعض بالظبط
المشكلة الوحيدة في الخشونى اللي بحس بيها على الار بي ام من 18 إلى 28
على العموم انا حروح التوكيل تاني واشوف معاهم..

في سؤال تاني لو سمحتولي :
هي الواجا مفهاش لمبة في الطابلوه للنور الواطي ..؟
انا بتور عندي لمبة واحدة مع النور العالي بس..!!

الف مبروك على الواجا , ربنا يباركلك فيها و يكفيك شرها

للاسف انا مش عارف الصوت او الخشونه الى بتتكلم عنها لان موديل عربيتى مختلف عن عربيتك , بس الى اقدر اكدهولك ان الصوت ده مش طبيعى ,ازاى العربيه بتكون خشنه من 18 : 28 rpm و ترجع تبقى ناعمه بعد كده .... اكيد فى حاجه مش مظبوطه .

خلى حد يركب العربيه و افتح الكبوت و خليه يزود بنزين و حاول تسمع الصوت مصدره منين بالظبط .

* الواجا مفهاش لمبه فى التابلوه للنور الواطى .... فى لمبه للفوج لايتس و النور العالى , بس تخيل ان اول مره اخد بالى من الموضوع ده !!

الموضوع: استفسار مهم : بروتون واجا

LinkBack

أدوات الموضوع

عرض

استفسار مهم : بروتون واجا - انشر الموضوع فى :

-

-

-

-

-

-

-

المواضيع المتشابهه

مشكلة فى بروتون واجا

بروتون واجا

بروتون واجا

مطلوب بروتون واجا

كل شيئ عن : بروتون واجا

الكلمات الدلالية لهذا الموضوع

المفضلات

المفضلات

ضوابط المشاركة