عرض للطباعة
نفسى يا جماعة اشترى عربية بها Cruise control او مثبت سرعة
خصوصا بعد سحب رخصتى ردار
بس نفسى اعرف بيشتغل ازاى
يعنى هو زى ماتكون دايس بنزين بطريقة ثابتة
طب لو حبيت تدوس فرامل كده يبقى دوست فرامل و بنزين مع بعض ؟؟؟؟؟؟!!!!
برجاء الأفادة
______________________
نقل للمنتدى التعليمي
مشرف العـــــــــام
خاصية ال Cruise Control تعنى تثبيت السرعة
عادة السيارات المزوده بهذه الخاصية بيكون داخل الموتور جهاز بيتحكم في نسبة الوقود المتدفقة الى الموتور و بيتم التحكم في اجهاز ده من عند السائق ...يعنى لو فرضنا حضرتك وصلت للسرعة 90 و عايز تثبت ...بتقوم بالضغط على زرار ال Cruise Control فيتم تثبيت نسبة الوقود المتدفقة الى الموتور و بعدين حضرتك بتتحكم في السرعة سواء بالزيادة او النقص من الطارة (+/-) و على حسب نوع السيارة ممكن الخواص بتزيد او تقل يعنى في سيارات اول ما تدوس فرامل التثبيت يتلغي و في سيارات لازم تضغط زرار Cancel Cruise...و هكذا
أتمنى إنى أكون وضحت قصدي
وممكن الأعضاء اللي عندهم الخاصية في سياراتهم يفيدونا بخبراتهم
اقتباس:
المشاركة الأصلية كتبت بواسطة mshamy
اضافه لكلام الكنج الكبير اوي ان لا يمكن استخدامه تحت 40 وكمان ممكن ترجع لنفس السرعة اللي انت ثبت عليها قبل مادوس فرامل بزرار تاني واهم حاجة انها بتوفر جدا في البنزين لانها بتمنع rpm يعلى عن 2.5 :36_1_1[1]:
كفيتم و وفيتم
مشكورين جدا
بص يا باشا
عادة بيبقى فيه اربع زراير
Start, + , - , Resume
Start بيثبت السرعة عالوضع الحالي
لو لمست الدبرياج او الفرامل بيفصل على فكرة ...... يعني مش كانك دايس فرامل و بنزين ماتخافش
+ و - عشان تظبط السرعة بالظبط يعني لو دست ستارت و انت على 103 و عايز تظبط على 100 تدوس - 3 مرات
Resume عشان لو لمست فرامل او دبرياج و عايز ترجع لاخر سرعة كنت مثبت عليها يرجعك ليها
خلي بالك لو الفرق كبير بين السرعتين العربية هتتجنن :)
يعني لو كنت مثبت على 100 و انت دلوقتي على 20 و دسته هتلاقيها بتحرق و تجري
اطلع لى 80 او 90 و بعدها دوس عليه احسن
و اضافة كمان
العربية بتحافظ على سرعتها في المطالع و المنازل
في المطالع بتزود بنزين علشان تحافظ على السرعة
و المنازل بتعمل انجين بريك و بتهدي لنفسها برضه
__________________________________
لو حضرتك عندك عربية بدون مثبت سرعة ولكنها بتحكم كمبيوتر او في منها موديلات بتنزل بكروز كنترول ..يبقى ممكن تركبه
ما عرفش بيبقى دقيق زي بتاع بلادها ولا لأ بس ممكن تركبه و تمنه 1800 جنيه تقريبا
اقتباس:
المشاركة الأصلية كتبت بواسطة ak1981
اقتباس:
المشاركة الأصلية كتبت بواسطة ahmed samy
الله عليكم
كأنى راكب عربية بها تحكم سرعة بجد
شكرا على شرحكم
المنتدى ده رائع بأهلة