انا قدامى عربية كورولا 93 كامله عامله 150000 كم وصاحبها طالب 48000
انا عايز اعرف ايه مميزات وعيوب العربية دى وهل سعرها كده مناسب ولا لا
شكرا
عرض للطباعة
انا قدامى عربية كورولا 93 كامله عامله 150000 كم وصاحبها طالب 48000
انا عايز اعرف ايه مميزات وعيوب العربية دى وهل سعرها كده مناسب ولا لا
شكرا
شوف يا باشا العربية من احسن موديلات تويوتا
اقتصادية فى البنزين
تكييف ممتاز
قطع الغيار مش غالية ومتوفرة
الارتفاع عالية (مبتحكش و شايلة 4)
السحب كويس
الاداء ممتاز
مصفحة بالكامل اسفل الموتور
العيوب
انا مش شايف ان فيها عيوب
اما بالنسبه للسعر على حسب الكماليات والحالة فابريكة ولا لا؟
اى استفسار او اى حاجة وقعت منى قولى عليها
وربنا يوفقك للخير انشاء الله
متشكى جدا يا باشا على المعلومات دى العربية فابريكة جوه ورشة برة
انا عايز اعرف ايه اخبار قطع الغيار بتاعتها وهل هى عشان موديلها قديم شوية 93 تقيله فى البيع بعد كده
شكرا جدا
موضوع الرش مش مشكلة اكيد لازم تترش
قطع الغيار متوفرة عند اى محل قطع غيار يابانى
اما اعادة البيع فده شى وارد فى ظل عروض التقسيط الوهمى اللى بيضحكو على الناس بيه
وربنا يسهلك الامر ويوفقك للخير انشاء الله
يا باشا العربيه رائعه فووق ما تتخيل و بالنسبه لاعادة البيع متقلقش العربيه ده سوقها جامد و عليها طلب رهيب بدليل احتفاظها بقيمه بيعيه و سعر اعادة بيع عالي
عيبعا الوحيد بالنسبالي انها واطيه شويه و بتحك في المطبات
بس هو مش سعرها عالى شويه بالنسبه لاخوتها اليابانين لانسر كريستاله 98 و99 بنفس التمن والهواند سيفك 95 و 96 برصوا فى نفس الرينج
يعنى فى الحاله دى الواحد يجيب موديل عالى ولا يجيب التويوتا 93 علشان المميزات اللى انتوا قولتها ؟
انا شايف ان العربيه ده محترمه جدا و تستاهل كل مليم يدفع فيها بدليل اللي انت قولتو ده
1-عربيه سهله في الصيانه
2- لا تحتاج لصيانه اصلا
3- قطع غيار متوفره و متعدده و معتدلة السعر و معمره للغايه
4- اداء رهيب و عزم و ثبات
ببالنسبه لموضوع الهوندا و الانسر فده شيئ يرجعلك و يعود عليك و علي ميولك بس طبعا كل لما الاستهلاك يقل بيبقه احسن و الموديل الاجدد احسن و حالته احسن برضو
أنا مع كل احترامى للردود السابقه
فأنا رأييى إن كل سنه وانت طيب ( السن له حكم )
العربية ممتازةسحب معقول ثبات كويس اعطال قليلة قطع غيار متوافرة ومعمرة
عيبها انها واطية التكييف بياثر عالسحب جامد
السعر عالي شوية انت ممكن تشتري بنفس السعر و اقل كمان تويوتا العيون 98او99 صحيح مش مطلوبة اوي زي دية لكن على الاقل موديل اعلى
العربيه ممتازه
لو انتا شايف العربيه الى معروضه عليك حالتها كويسه اتوكل على الله وهاتها وما تشغلش بالك بحاجه تانيه
اهم حاجه الراحه النفسيه تجاه السيارة
معلش ليه استفسار الموديل ده بنزين 80 ولا 90 شكرا
العربية ممتازة و السعر معقول و العربية معايا و ما فيهاش مشاكل الحمد لله و احلى من حاجات تانية كتير و المهم تكون فبريكة و مظبوطة و قطع الغيار موجودة فى دمشق و الحرفيين جديد و استيراد و يابانى و على كل شكل و لون و حاجتها ماشية من اول 93 لحد 2000 مع الرموش حمالة اسية و موفرة فى البنزين و ثابتة و هادية و تكييف ممتاز و مساحة تحميل كويسة جدا يعنى كل اللى نفسك فيه فى اى عربية لو غاوى تويوتا ما تسيبش العربية ديه و اى استفسار فى الموديل ده افيدك فيه باللى اعرفه و اتعلمته فيها
السيفيك ممتازة بس التوجه الرياضى لمحركاتها خلاها خدت شهرة و انتشار مع الشباب و بالتالى صعب تلاقى عربية استعمال عائلى زى الكورولا و حالتها معقولة يعنى اللعب بالكورولا اصعب على الشباب من السيفيك
اما اللانسر الكريستالة فهى لا تختلف عنهم بردك عربية ممتازة جدا و لا غبار عليها و هيا و الكورولا الملكة متساووين قدام بعض فى السوق فى كل حاجة تقريبا
ما فيه عربيات اقدم منها و اصحابها محافظين عليها ولسه بتسد لحد النهارده و الشوارع مليانه امثله كتييييييير و بالامانة ركبت عربيات موديلات التمانينات و التسعينات و ما شاء الله عليها احسن من حاجات بتنزل النهارده و بيتقال عليها عربيات و بعدين الراجل لما بيتكلم فى 48
يبقا قدامه 3 حلول
1- يروح يحطهم مقدم و يتدبس فى قسط ما يقلش عن 800 جنيه شهريا لمدة 3 او 5 سنين و يدنه تحت ضرس البنك
2-يجيب ماروتى او لادا 2107 و ما حدش راكب العربيات ديه يزعل منى
3- يجيب موديل يابانى تسعينات و حالته كويسة و يحافظ عليه و يرعاه
و صاحب الموضوع يختار بقا
ياسلام عليكي ياكورولا
عربية محترمة جدا عيبها الوحيد من تجربتي معاها انها واطية شوية خصوصا لو مليانة
ومن العربيات القليلة اللي كان سحبها حلو في الأوتوماتيك رغم كونها 1300 فقط
بس زيها زي أي مستعمل بشرط الحالة علشان متقرفكش في عيشتك
+111
وانا معايا 98 وتقريبا هى نفس المصاريف بتاعة 93 بس معظم الناس مش عاجباها شكلهامع ان شكلها حلو والله وبعدين دول 5 سنين فرق يعنى بص عل شكل التابلوه من جوه هتلاقيه شكله احدث واحسن بشرط العربية حالتها كويسة ده غير فيه 99 و 2000 الرموش
وواخدة 3 نجوم وقربت على الرابعة جدا فى اختبارات ncap ده طبعا بالايرباج
وده فرق بينها وبين الانسر نفس السنه98
http://www.euroncap.com/tests/mitsubishi_lancer_1998/38.aspx
http://www.euroncap.com/tests/toyota_corolla_1998/43.aspx
عربيه ممتازه واحسن من لانسر والسيفيك و كامن العربيه ديه بيوصل سعرها ل 58 الف وبصراحه انا مشوفتش لانسر تزيد عن 52 الف والسيفيك عشان مش منتشره وقطع غيارها قليله وغاليه فاسعرها واقع التيوتا جميله جدا ومعايه بصراحه ماشوفتش منها عيب ومبتروحش المكينكى يا دوب تغيير زيت عشان جايبها وارد يابان لسه