مش عارف أركب النمر على الجميلة ؟

**DR_EMAD** · 13-06-2009 02:08 PM

السلام عليكم

الحمد لله خلصت ترخيص العربية .. وأستلمت النمر .. وأخدتها فى يدى:10D5C8~1107:

لما روحت البيت .. حاولت أركبها .. معرفتش:K_crying[1]:

النمر فيها أربع فتحات فى كل زاوية .. ومكان النمر فى العربية .. فيه6 فتحات

أول فتحة .. صغيرة ومستطيلة رأسية .. تانى فاتحة .. دائرية صغيرة .. التالتة .. مربعة وكبيرة .. ونفس الموضوع من الناحية التانية

المهم أن الست فتحات دول على خط أفقى واحد فى النص

ازاى أركب اللوحات المعدنية وهى أربع فتحات فى كل زاوية .. والفتحات اللى فى العربية ستة وينفعش يدخل أى مسمار
؟؟؟؟؟؟؟؟؟؟!!!!!!!!!!!!!!!!

أنا علقتهم بسلك لحد ما أشوف حل

سؤال تانى يا جماعة

أنا استلمت العربية من فرع الصحراوى بالقاهرة

وأخدت كتاب الضمان لكن مش مختوم

وانا دلوقتى مقرب أخلص الألف كيلو .. وهعمل الصيانة فى فرع اسكندرية

اللى عايز أعرفه .. هو لازم أروح القاهرة .. المكان اللى استلمت منه العربية علشان الختم ده ؟

ولا عادى .. أروح أعمل الصيانة من غيره ؟.. وشكرا

تحياتى للجميع

**A.Saad** · 13-06-2009 04:04 PM

الف مبروك العربية اولا
انا جبت كيا
جنب المرور فيع عيال يتعلق وتدهن الننمر بعشرة وممكن تفاصل
انا عندى
جاب مسمار معدن
المسامير نوعين
خشابى يعنى للخشب
ومعدن
بعنى تركب المعادن فى بعض
بتبقى قلاوظ
هوة جابهم
وحطة على النمر وداس بالمفك ولف المفك
المسمار خرم النمر وخرم صاج العربية وركب
الاحسن تركز على الاخرام الى فى صاج العربية والاخرام الزيادة شوف لها طبة
وعلى فكرة فيه فى التوفيقية لوحة بتبقى استانلس او فيبر
ممكن تجيبها
بتبقى بين النمر والصاج بتاع العربية
بس اعرف المقاس الاول

النمر دى ملاكى
لكن لو نمر جديدة
احسن هما يركبوها

**khpopo** · 13-06-2009 05:31 PM

مبروووك الاستلام ربنا يديك خيرها
النمر القديمة بتركب ورا عادى لو مستلم العربية معاها مسامير موجودة فى مكان اللو حة ولو اللوحة مش مضبوطة بتخرمها على مكان التركيب فى العربية لكن قدام لازم تخرم فى الاكصذام وده عادى عملت كدة بس ظبطها مع الشكل على قد ماتقدر روح لسمكرى يظبطهالك يااما كنت عملتها فى المرور محترفين هناك
ربنا يوفق