تجربه فعليه ومقارنه بين صني 2008 و سيراتو 2008
بسم الله الرحمن الرحيم
انا الحمد لله قمت بتجربه سياره كي سيراتو موديل 2008 فول اوبشن اتوماتيك وفي نفس الوقت امتلك صني 2008 فول اوبشن اتوماتيك برده
وهقول رأي بكل صراحه في العربيتين
السيراتو من بره الصراحه انا مش بحب شكلها من الامام لكن من الخلف جميله بحس ان شكلها مش متناسق من الخلف مع االامام وده طبعا ازوارق:3mla:
السيراتو 2008 فول اوبشن ماشيه 14000 كماليات :
1- باور بس للاسف مش كهربه
2-تكييف اتوماتيك
3-زجاج كهربه وسنتر لوك
4-فتحه سقف ومفيش جنوط
5- التحكم في شده اضاءه التابلوه
6- كاسيت CD كينوود
تمام كده طبعا مفيش ولا ABS or airbags طبعا دي كلها كماليات فاضيه ملهاش لازم زي ما كلنا عارفين في مصر:mahf(5):
نيجي بقه ندخل العربيه من جوه بسم الله ماشاء الله العربيه مريحه جداااا من جوه
التابلوه شكله فخم جدا و حديث والشاه بتاعت التكييف تعطيك طابع ان راكب عربيه محتره مش البكر والكلا م القديم ده
التكييف طبعا اداءه جيد جداا جداا
العدادات شكلها حلو ولكن تقليدي في لو الاضاءاه مش زي الالنترا مثلا ودي برده ازواق
من الحاجات اللي معجبتنيش شكل وخامه طاره الدركسيون شكلها قديم كده وخامتها تحس انها بلاستيك
يوج بعض الخامات البلاتيك الضعيف اوي تحس انها هتتكسر في ايدك زي زرار التحكم في الزجاج الكهربائي وزرار الانتظار وزرار التريب اللي معرش ايه اللي جابه جنب الانتظار غريبه !!
تقفيل الاصالون بصراحه ممتاز جدا والصالون واسه ومريح
نيجي بقه للموتور والاداء ودي بصراحه معجبنيش خالص !!!!!!!!!!!!!!!!!!!!!!!:mahf(5):
طبعا العزل بتاع العربيه تحفه فعلا ولما تقفل الزجاج متسمعش اي اصوات خارجيه وصوت الموتور غير مسموع نهائي لكن فيه حاجه وحشه قوي وهو انك بتحس بحراره الموتور او بتحس ن فيه صهد او حر جاي علي رجلك وعلي صدرك مش عارف ليه
لكن الصراحه العربيه سحبتها تقيله موووووت ولازم تقرص جامد عي العربيه علي متجمع مش عارف ليه لكن فعلا سحبتها مش حلوه انا شديت مع صحبي بل كده بالسيريون بتاعتي و هي 1300اتوماتيك وطلعت منه لحد 120 وبعدين عداني مش عارف ليه جايز عشان فتيس بتاعها استيبترونيك الله اعلم
العربيه بعد ال120 في لمبه في التابلوه مكتوب عليها 120 بتنور اول متوصل للسرعه دي ودي كتحذير بديل للرنه اللي في بعض العربيات ودي احسن بكتييييييير وحاجه مميزه فعلا ويقال ا الباور بيفصل عند ال120 ثباها معقول لحد 140 بس برده لو فيه هواء جامد تحس انها بتهز بس مش قي لكن تحس انك متحكم كويس في العربيه
اه طبعا نسيت اقول ان الباور بتاعها تقيل نوعا ما بس انا متعود علي الEPS الي في السيريونوعشانكده اي باور عادي بيكون تقيل اوي بالنسبه ليه لكن هو اخف من الصني الصراحه
حاجه كمان نسيت اقولها العفشه محترمه جدا ناشف بس المعقول مش زي الصني برده
نجي بقه للنيسن صني ديل 2008 صالون اتوماتيك ماشيه 12000 كماليتها:
نفس كماليات المعتاده في اي عربيه اللي هي اصل عديتش كماليات (باور عادي ش كهربه سنتر واج كهربه تكييف) بس يزيد ن فيها اير باج وحده للسائق وبيبقي فيه وحده كمان بس في السوبر صالون
وبصراحه بجد مش متخيل ازاي عربيه بكل كماليات السيراو ومفيش ايرباج وحده للسائق حتي :rfds: !!!!!!!
نيجي للشكل صراحه انا بحب شكل الصني اوي بحس انه متناسق مع بعضه وشكله بيد طابع بالفخامه لكن خارجيه فقط !!
اول ما تركب العربيه من جوه تحسب انك ركبت عربيه تانيه غير اللي بره !!
الكراسي واطيه اوي وناشفه جداا مهو فرش مصري (تاكي بتاعت المراتب)
التابلوه قديييييييييييييم جدااااااااا ومفيش فيه اي حاجه توحي لك باك راكب عربيه فوق موديل سنه 2000 مش هقول حتي 2008 فعلا التابلوه عامل زي تاوه لانسر كريستاله اللي هوه الشكل التقليدي اوي
خامات العربيه كويسه جداااااا بس للاسف التقفيل متوسط اوي يوجد بعض الفروقات في التابلوه العداات عندي جواها تراب !!!!!!!!
لك الله الامات ممتازه الدركسيون شكله ممتاز وخامته محترمه اوي الزراير خامتها نضيف وضغطتها تقيله مش زي السيراتو
الكنبه الخلفيه مظلومه اوي من الشنطه الضخمه عموما الصني كبوت وشنطه ومفيش صالون !!!
اضاءه التابلوه والعدادات تعبانه قوي وضعيفه جداااااااا ولونها برتقالي ضعيف
نيجي بقه للاداء بتاع العربيه اولا التكيف متوسط الاداء مش عارف ليه ولما تزود المروح عن السرعه التانيه تحس انه بيجيب هواء عادي مش مبرد
العزل بتاع العربيه كيس للاصوات الخارجيه لكن صوت الموتور مسموع بس مس صوت وحش لاء صوت الصني اصلا قوي وان عن نفسي بستتع به جداا وبحس بقوه الموتور لانه مش صت خشن لاء هو ناعم وقوي في نفس الوقت يعني مش صوت 504 ولا 128 مثلا اللي هو كله تخبيط ووجع دماغ طبعا قامني
الباور تقيل علي السرعات البظيئه وفي الركن وخفيف ومتهور علي السرعات العاليه تحس انك لازم تمسكه بادك الاتنين احسن يفلت منك بس برده كل الباور العادي كده ومش عارف مين مقتنع ان الباور الزيت افضل من الكهربه لان العكس صحيح بنسبه 1000%
اداء الموتور ممتااااز فعلا رغم انه تكنووجيا قديمه وعاديه لكن اداؤه ممتاز جداا
فعلا اداؤه افضل من اسيراتو دواسه البنزين خفيفه جدا وفعلا او ما لمسها بتطير وبيجمع بسرعه والكيك داون بتاع جامد جداا بجد انا كنت مستغرب لاني كنت متوقع حاجه تانيه من السيراتو وكنت متوقع اني هسوق طياره
الصني عامله زي الجين 2 دواسه البنزين ما بتصدق تدوس عليها عشان تطير
طبع العفشه ناشف بالمقارنه مع السيراتو بس مش مزعجه هو اللي بيزود الاحساس انها ناشفه هو الصالون والفرش التعبان الناشف (تااااااااااااكي)
الصني فعلا مظلومه في المقارنه دي لان السيراتو ربيه حديثه كليا كموتور وشكل وتكنولوجيا الصني تكنولوجيا وتصميم من 2003 تقريبا فما ينفعش تتقارن مع سيراتو او النترا
يعني النتيجه النهائيه
السيراتو تتفوق في الرفاهيه والتصميم من الدخل وفي الراحه
الصني تتفوق فء اداء وقوه الموتور والله اعلم وده رأئئ وانطباع ويقبل الخطأ والمناقشه
وعايز اقولكم ان التيست ردرايف للسيراتو بتاعت صحبي انتها باني خبطت العربيه والكصدام الامامي اتكسسر بس خير الحمد لله
ومستني الاراء والمناقشان العاقله وبلاش هجو ربنا يعلم اني قلت رأيئ بصراحه و كلكم شايفين اني مطلع القطط الفاطسانه في الصني اللي هي عربيتي والمفروض اكون معاها ومتجيز ليها
اخوكم شريف:3mla: