سيارة Nile Motors للأعضاء ....PAYOO

**Sharky** · 06-10-2007 06:36 PM

بيتهئلي اسبوع كتير شوية عشان فيه اعضاء ملهاش في السكك الطوالي وممكن تفيص بدري بدري فممكن نخليها يومين تلاتة وتتمد بناء علي طلب الجماهير معرفش شوف انت بقي بس هيا الفكره جامده موووووووووووووت

+1

**ayman_elkholy** · 06-10-2007 06:37 PM

فكره جامده نبدأ بكريم منير او سبعاوى

**Heshaam** · 06-10-2007 06:53 PM

[b]أكيد فترة الأسبوع طويلة بس ممكن نحلها من خلال تحديد عدد الأسئلة التي سيقوم قائد السيارة بالإجابة عليها يوميا (بحد أقصى أربعة مثلا) والأسئلة الزائدة ترحل لليوم التالي أو أن يعطى قائد السيارة الحق في الإجابة عن عدد معين من الأسئلة يوميا يختارها من بين كل الأسئلة الموجهة إليه.

أنا باتفق مع فكرة الترشيح للعضو التالي؛ بس المشكلة كيفية تحديد أول قائد. وهل العضو المعتذر عن قيادة السيارة سيتم إعلام باقي الأعضاء باسمه أم سيظل في طي الكتمان.

وكمان لو ممكن يبقى فيه توزيع للمشاركة على حسب فئات العضوية؛ يعني مثلا نبتدي بأحد مديري الموقع ويليه مشرف تليهم باقى مراتب العضوية بصورة تنازلية أو العكس ممكن نبتدي من عضو جديد وصولا إلى مدير موقع (أنا عارف إنه اقتراح صعب بس مناقشته قد تكون مجدية)

وتحياتي مرة أخرى على هذه الفكرة الجيدة[b]

**Ahmed Hassan** · 06-10-2007 07:42 PM

very nice idea

**Chicco** · 06-10-2007 08:06 PM

لإختيار أول واحد

الختيار ب الاقتراع المباشر
يتعمل استفتاء على 5 أشخاص يختارهم صاحب الفكرة وهو يكون منهم

المدة حسب الأسئلة يعني لو واحد ما جالوش أي أسئلة لمدة 24 ساعة يبقي يسيب الدركسيون

**casperinoo** · 06-10-2007 08:54 PM

ياريت يبقيdr ahmad
علشان عايز اعرف هو بيخش لاسنان السنه ديه ولا لأ

**mado_1977** · 06-10-2007 10:38 PM

بصراحه فكره جميله جدا
كل يوم بحترمكم وبقدركم عن اليوم اللي قبله
ربنا يدوم المعروف ويرزقكم المحبه دائما ويبعد عن شياطين الانس والجن اللهم امين

**الريس** · 07-10-2007 01:51 AM

شوف يا هاني باشا الفكرة جامده اوي
و انا رأيي نبتدي بيك يا معلم
و الاسئلة هتكون ضرب نار
في حد معترض؟

**Ahmed Samy** · 07-10-2007 04:07 AM

اسحب الأجزاء و توكل على الله

**PAYOO** · 07-10-2007 09:06 PM

شوفوا يا رجاله أنا قولت أسبوع عشان في ناس مش بتدخل كل يوم على النت
لكن لو انتم شايفين أن أسبوع كتير خلاص نخليها أربعة أيام
أيه رايكم؟

وبالنسبة للعضو الأول انا هاخليه مفاجأه لان في كام اسم كده في دماغي وبحضرلهم أسئله من النوع إللي يخليه لا يعرف يسوق ولا يعرف يجاوب حاجه كده تتوه

المهم أنتم موافقين على أربعة أيام ؟