زرار الاوفر درايف

**MEDO1986** · 13-06-2009 05:57 PM

يا جماعه انا ماشى بالعربيه عادى ولمبة الاوفر درايف طافيه والعربيه ماشيه زى الفل وصوتها واطى وبتسحب وبتنقل غيارات تمام دوست على الزرار اشتغلت لمبة الاوفر درايف لقيت العربيه اتشدت لورا وبقى صوتها عالى جدا وعزمها شديد ومش هاديه ومش عاوز تنقل لللغيار الرابع ايه دا بقى قبل كدا قولتو ان لمبة الاوفر درايف لما بتكون مولعه معناها ان الاوفر درايف مش شغال وولما بتكون طافيه يبقى كدا شغال فهمونى لو سمحتو بسرعه وانهو الاحسن المبه شغاله ولا طافيه ولا اللمبه عند ى مش مظبوطه مع الزرار ...........انا شايف ان العربيه وهوا الاوفر درايف لمبته طافيه العربيه بتكون حلوه قوى بليييييييييييييييييز ساعدونى....اطفيه ولا اشغلها انا اصلا مش عارف ان كانت طافيه او لا

**kemo0o** · 13-06-2009 06:04 PM

لا العكس تمااام

لو اللمبة منورة يبقى الاوفر درايف شغال

الاوفر درايف ده بيستخدم عشان يزود سحب العربية ووظيفته انه بيخليك تجيب اخر الغيار اللي قبل الاخير

**amir** · 13-06-2009 07:32 PM

المشاركة الأصلية كتبت بواسطة kemo0o

لا العكس تمااام

لو اللمبة منورة يبقى الاوفر درايف شغال

الاوفر درايف ده بيستخدم عشان يزود سحب العربية ووظيفته انه بيخليك تجيب اخر الغيار اللي قبل الاخير

بالظبط كده و بكلام مبسط اكتر
الاوفر درايف ده وظيفته انه يقفل النقلات الاماميه عند النقله التالته و ميطلعش للرابعه
لما يكون شغال لمبته بتكون منوره في التابلوه (overdrive off )
و لما يكون مطفي لمبته بتكون مطفيه في التابلوه
و هدفه انه يديك عزم و سحب قوي يماثل العربيات المانيوال لكنه مش بيجيب اكتر من 100 كم في الساعه لأن بعد كده الار بي ام بيفصل عند المنطقه الحمرا فالعربيه عمرها ما تجيب سرعات اعلي لأنها بتكون محتاجه النقله الرابعه
و طبعا العربيه سحبها و جريها بيزيد قوي عن الطبيعي بس علي حساب استهلاك البنزين و الصوت اكيد

**sab3aawy** · 14-06-2009 10:23 AM

مجرد توضيح للمصطلحات: كلمة اوفر درايف معناها اعلى نقلة فى السيارة، يعنى فى اى عربية مانيوال كلمة اوفردرايف تعنى النقلة الخامسة، وفى الصنى الأوتوماتيك كلمة اوفر درايف معناها النقلة الرابعة،

فيما معناها ان كلمة اوفر درايف مش معناها السواقة بسرعة ولا الشد ولا العزم العالى ولا اى حاجة من دول، اوفردرايف=النقلة الرابعه ،

وبالتالى الزرار الللى موجود على عصاية الجيربوكس وله لمبة فى التابلوه واسمه اوفردرايف، شغلته ببساطة انه يسمع للعربية تروح للاوفردرايف(يعنى يسمح للعربية تروح للرابع )او يمنعها من ذلك، واؤكد للمرة المليون ان اللمبة بتكون منورة لما يكون الزرار مطفى ، يعنى لما يكون غير مسموح للسيارة انها تروح للرابع يعنى بتشتغل اول وتانى وتالت بس
واللى حصل معاك انك لما طفيت الاوفر درايف(يعنى الزرار بقى فى الوضع الذى لا يسمح للسيارة انها تروح للرابع اللى هو الأوفردرايف) واللمبة بقت منورة الجير بوكس غصب العربية انها تنزل للتالت وده سبب الشدة اللى انت حسيت بيها وبقى عزم العربية عالى علشان انت مشغلها فى اخر النقلة التالتة وبقت مبتروحش للرابع لأن ببساطة الأوفردرايف مطفى يعنى الرابع مطفى يعنى مش مسموح لها تروح للرابع

وبالتالى الكلام اللى احنا قلناه من الاول صح، اللمبة بتنور لما يكون زرار الأوفردرايف مطفى، يعنى لما العربية آخرها التالت ومتقدرش تروح للرابع ، ولذلك فان صانع السيارة كتب على اللمبة O/D off يعنى اللمبة بتنور علشان تقول لنا ان الأوفر درايف على الوضع off يعنى العربية مش مسموح لها تروح للافوردرايف يعنى مش مسموح لها تروح للرابع

اتمنى ان كدة الصورة تكون وضحت ونحل هذة المشكلة اللفظية اللى كل شوية تطلع لنا زى عفريت العلبة على ساحة نيسان

**MEDO1986** · 14-06-2009 12:03 PM

بجد الله يسامحكم انا مشيت 650ك علة اللمبه شغاله ومفيش رابع فيه واحد يلين عربيه ويمشى بالغيار التالت بس والله انا فاكر انتو قولتلو ان اللمبه وهيا شغاله الاوفر درايف شغال ومن ساعة ما جبت العربيه وانا سايبها شغاله دا انا مش لينتها دا انا حرقتها وعلى فكره يا جماعه المنتدى معمول عشان الاسئله واللى ليه مزاج يجاوب واللى مش عاوز بلاش بس اجابه مع تعقيب بكلام وتحسسونا انكم مش عاوزين حد يسال خالص هوا دا اللى انا لاحظته بتجاوبو وتقولو لصاحب السوءال متسالش تانى او مش عاوز ين نجاوبك ........وشكرا لردكم ..اه وقولتو لمبة الاوفر درايف منوره ومكتوب جمبها اف يبقى كدا هوا طافى دا انا امبارح جبت 110 العربيه كانت هتتكلم

**amir** · 14-06-2009 02:32 PM

المشاركة الأصلية كتبت بواسطة MEDO1986

بجد الله يسامحكم
دي اخرتها يا ميدو؟
يعني الاعضاء ساعدوك و انا ساعدتك و كمان سبعاوي نفسه للمره الالف كتب عن الاوفر درايف مخصوص اهوه و ليك كمان
جزاتنا كده؟

وعلى فكره يا جماعه المنتدى معمول عشان الاسئله واللى ليه مزاج يجاوب واللى مش عاوز بلاش بس اجابه مع تعقيب بكلام وتحسسونا انكم مش عاوزين حد يسال خالص هوا دا اللى انا لاحظته بتجاوبو وتقولو لصاحب السوءال متسالش تانى او مش عاوز ين نجاوبك

راجع صفحات قسم النيسان يا ميدو و انت تعرف ان الناس بتجاوب و بتجاوب كتير قوي كمان
بس لما اسئلتك تكون عن حاجات مكرره(بمعني انك مبتحاولش قراءه المواضيع القديمه كلها) فطبيعي ان الناس تكسل ترد علي حاجات بقت بديهيه في قسم النيسان
مابالك بقي لما كل حاجه تعمل ليها موضوع و كل ساعه شكوي او سؤال؟!!
ميدو انت بتقول اللي عايز يجاوبك يتفضل و اللي مش عايز ميردش
بس انت عمرك ما صبرت ابدا علي سؤال ليك محدش رد عليك فيه
ميدو لو لسه فاكر ردي عليك لما قلت اني مش هجاوب الا لما تكون مشكله او حاجه عويصه بجد؟
ده اللي خلاني اجاوبك هنا
هل حسيت اني مخنوق منك في الرد ده؟!!!
اكيد لأ بس عارف ليه؟
لأن فعلا هو الموضوع ممكن يلخبط شويه

........وشكرا لردكم ..اه وقولتو لمبة الاوفر درايف منوره ومكتوب جمبها اف يبقى كدا هوا طافى دا انا امبارح جبت 110 العربيه كانت هتتكلم

الغلط عندك انت يا ميدو
عربيتك زيرو و جي معاها كتالوج
اقراه يا سيدي و فليه كمان
عارف انت لو راجعت قسم النيسان كله و لقيتني كنت بسئل زيك كده في الاول يبقي ليك عندي قزازه حاجه ساقعه
انما انا حتي مش عندي الكتالوج و شاريها مستعمل كمان بس الفرق اني مسيبتش صفحه في موضوع الا و قريته
و الحمد لله مواضيع سبعاوي مميزه و مستفيضه جدا
تيجي بقي تغلط في الراجل اللي المنتدي كله بيتمني انه يبقي معاهم في اقسامهم و ليه علشان بيساعدك؟!!!!!
ساعد نفسك شويه يا ميدو و لغايه ما تعتذر عن الاسلوب المستفز ده متستناش حد اساسا يرد عليك
و شكرا ليك يا ميدو

**amir** · 15-06-2009 04:20 PM

المشاركة الأصلية كتبت بواسطة MEDO1986

يا دكتور انا مغلطش فى حد كلكم فوق راسى وعمرى ما بغلط بس فعلا قريتها فى المنتدى ان الاوفر درايف لو لمبته منوره يبقى كدا هوا طافى لو شايف يا دكتور ان كلامى غلط او بكذب وضحلى وقولى العكس انما انا عمرى ما اغلط وقريت زى ما حضرتك قولت انا قبل ما استلم العربيه قرات كل صفحه فى المنتدى تخص النيسان وفعلا كان مكتوب فيها معلومه غلط اما بالنسبه للمهندس سبعاوى حضرتك انا عمرى ما غلط فيه حضرتك بتحسسنى انى فعلا غلط انا عمرى ما اغلط فى حد ساعدنى وحاول يفهمنى كل الموضوع ان فيه معلومه غلط ولو شايف يا دكتور انى غلط فانت اكبر منى وتفهم احسن منى انا اســـــــــــــــــــــــ ـــــــــــــــــــــــــ ــف ليكو كلكم
بس اتمنى انى اشوف فعلا ان معلومتى كانت مش صحيحه وتقبلو اسفى

ok nevermind no harm is done
i hope you understood whats posted here about the whole issue
the trick is that iits named
'overdrive off" thats all
best regards