نعم توجد في مصر عند معرض ابوالعزم في مدينة نصر كان بيبعها ب127 فيها ABS و airbags وطبعا اوتو، الكلام ده كان من 10 ايام كده وماكنش فاضل عنده غير 2.
عرض للطباعة
يا هندسة حرام عليك اللى انت باعته دا كده انا اضايقة جدا جدا جدا عشان لسها مجبتهاش وان شاء الله ان شاء الله اتخلص من ال اكسنت واروح على طول اجبها بس كنت عاوز اعرف ايه نظام الحجز فى التوكيل او الموزعين ويا ترى موجود كل الالوان فى الوقت الحالى عشان نفسى نفسى اجيب الون الاحمر عشان بنتى هتتجبن على عربية حمره وتبحب اللون دا جدا
شكرا على الصور العربيه حلوة اوى من الخلف بس من الامام شبه الميكروباص
بس طبعا هى بعين الماتريكس
ليه بس كدة يا دكتور ميكروباص ايه بس دى كلمة بصراحة انا سمعت تعلقيات كتير على الكارينز واول مرة حد يقول انها شبه الميكروباص
بس برضة حتى لو ميكروباص انا خت القرار وخلاص وربنا يسهل و اول ما هقدم على الحجز هبلغ الجميع بس ادعولى خلاص قريب اوى هتخلص من ال اكسنت مع انها حمالت اسية واول عربية بس كفاية انها من غبور وتوكيل غبور وصيانة غبور بعد الكلام اللى سمعته عن توكيل وصيانة الكياء فى فرق كبير اوى
ياجماعه حرام عليكوا والله خلاص انا اقتنعت ب السيراتو تيجوا تجيبوا الكارينز انا شفت منها الاحمر بس تحفة خليتني وقفت عن الشراء وبدات افكر تاني بجد مش عارف اعمل اية بس بين السيراتو والكارينز ربنا يعني واخد قرار
انا اشتريت الكارينز بتاعت الوكيل المميزة بالفامية الفابريكة سوداء وبصراحة رائعة انا طول عمرى اركب يابانى والمانى واول مرة اركب كورى وفوجئت بصوت الموتور الرائع ذى الألمانى والسحب ممتاز والصالون واسع جدا والشنطة بحر و الثبات رائع وفيها انذار سرعة بعد ال 120 كم ذى الكورولا الخليجى اللى كانت معايا وبسراحة ناس كتيير من اصحابى قرروا يشتروها، وناس كتيير عرضوا عليا يشتروها بأوفر 5000 جنية وانا رفضت لأنى ضيعت وقت عليها فى تركيب اضافات كثير ذى الريموت ووحدات رفع زجاج و بارك سنسور خلفى و شبكة فوق وركبت دى فى دى اصلى فيه gps وبلوتوث و تليفيزيون وركبت 2 شاشة lcd بمخادع اسود نفس لون الفرش وبصراحة بالرغم ان عندى جيتا 2008 إلا انى بأفضل دلوقتى ركوب الكارينز علشان علية وانت بتشوف كل اللى حواليك وبتبقى اامن للسائق والركاب وده السبب انى اشتريتها للمدام لآن الأولاد بيركبوا معاها فانا شايف انها اامن من العربيات السيدان ولا ايه رأيكم يا جماعة؟
هو حضرتك ركبت الريموت من فين و نوعه ايه؟
السلام عليكم ورحمة الله وبركاته
يا جماعة أنا حزين من موضوع الكارينز ده والله
ليه بقى
لأني شوفت عربية في الإمارات بس إيه تحفة
سبعة راكب والركاب اللي في الكنبة الأخيره يقدروا يطلعوا وينزلوا بسهوووووووولة جد
ولكل واحد فيهم مخدع جميل فيه مكان مخصص لكوب كبير
ولا الراكب الأمامي والسواق ، مكانه تحفة والله وموضوع إن عصاية الغيار في الأمام يعني المكان بين السواق والراكب اللي على اليمين فاضي
تحس بالرحابة الشديدة والروعة والبساطة العجيبة
ولو رجعت الكرسي الأمامي للخلف تلاقيه عامل كنبة مريحة وواسعة جدا تصلح للنوم الهادئ
وأوسع سيارة سبعة راكب شفتها رغم إن الرينو لوجان السبعة راكب شوفت صورها وأعتقد إنها واسعة جدا والركاب اللي في الخلف ممكن يكونوا طوال ويرتاحوا بس تحس إنها ميكروباص صغير
لكن الكارينز من بره وجوه تحس إنها سيارة سيدان وعائلية وشخصية وواسعة من جوه وملمومة من بره وراسية
يمكن للصراحة مش رشيقة زي السيراتو لكن اللي بيشتري كارينز عارف إنها مش للغرز والتكسيح والمسابقات
عارفين بقى أنا حزنت ليه
لأنها في الامارات مش نازل منها غير ألفين سي سي لأن هناك الجو الحر رهييييييييييب ولازم التكييف يشتغل بكفائة وبيحمل على الموتور
حاولت مع التوكيل أشتريمنه نفس الشكل بس موتور ألف وستمائة سي سي قاللي ما تنفعش
المشكلة فين بقى
إنها في مصر ولسبب لا أفهمه منزلين منها الالف وستمائة سي سي خمسة راكب فقط للأسف للأسف للأسف الشديد
طيب ما هو الركاب السادس والسابع يا جماعة هيكونوا بنفس وزن او أقل من وزن الأشياء اللى ممكن تتحط مكانهم في الشنطة لما توسع
ربنا يسهل والتوكيل يرحم الشعب الغلبان وينزل منها سبعة راكب ألف وستمائةسي سي بس المهم ما يزودش سعرها
والسلام ختام
بسم الله الرحمن الرحيم
السلام عليكم ورحمة الله وبركاته
هذا اول موضوع ليا فى المنتدى وحبيت اشارك بعد ماشتريت عربيتى كيا كارينز
انا من البحر الاحمروصاحبى من الاسماعلية
كان نفسى فيها بجد عربية جميلة تحس انك راكب سيارة والسيارات الى جبك تحسها صغيرة
ودة عربيتى ملاكى البحر الاحمر وعربيت صاحبى من الاسماعلية
وباذن الله سوف اشرح كل حاجة عنها.......وللعلم سيارة صاحبى اوتومايتك اما انا مانوا ل ومافيش اى فرق غير الفتيس والكاست
ودى بعض الصور للعربيتين من امام المنزل فى البحر الاحمر
http://www.moq3.com/up/upfiles/3Yt61148.jpg
http://www.moq3.com/up/upfiles/APi61148.jpg
http://www.moq3.com/up/upfiles/a9S61148.jpg