اسخف موقف عملته العربيه معاك

**نور العمر** · 13-06-2009 11:35 PM

أنا من ارخم المواقف واغلسها
غيرتلها زيت وفلتر
وعد 1000 ك قولت اغبر زيت واحط عادة احسن وزيت شنبر
ضمانة طالما الموتور خفيف
غيرته وكله تمام
وروحت واتركنت وكان صابح جمعة
لاقيت على المغرب كدة عجلة نامت ... خاليت الكير سيرفس غيرهالي
تني يوم السبت نفس الحكاية العجلة نفسها نامت ... مفيش استبن سليم
قلت اروح للكاوتشجي إللي على بعد شارع جانبي
المهم .... أدور دارت وبقت ترزع ولمبة الزيت ما بتطفيش
قولت آاااااااااااااااااااااااا ااااه باظ الموتور
قطرت الهانم بفلوسات
وجبتلها ميكانيكي لحد البيت
والعجلة غللي كانت مهوية اتفتفتت واشتريت غيرها
وغرمت ودفعت .... في النهاية
الهانم كانت عاوزة تغير فلتر زيت
واضح انه مزاج مع كل تغيير زيت
وعشان الفلتر ب 15 ج دفعت 170 ج والحمد لله
عربية بركة

**Ashraf_Ashraf** · 14-06-2009 12:37 AM

المشاركة الأصلية كتبت بواسطة نور القمر

اسخف موقف
المرحوم بابا كان بيرفض يركب معايا مهما حصل
واثناء مرضه حطيته مرة قدام الامر الواقع وركب معايا علشان ياخد جلسة اشعاع
وتيجي العربية تقف مني في نفق شارع مراد واحنا مروحين ولاول مرة تعمل الحركة دي
وياعيني بابا زق معايا علشان نركنها يمين وفتحها معرفش مشكلتها
روحت جبت كهربائي كانت اشتغلت من غير ما يعمل حاجة
طلعت وصلة البطارية بتلمس واشتغلت لوحدها
ماغير بس تسببت في تعب المرحوم بابا زيادة
لا حول ولا قوة الا بالله وحكمتك يا رب

ربنا يرحمه ويرحم امواتنا جميعا بس فصل بايخ بجد

**josephedward** · 14-06-2009 02:04 AM

١.سلك الدبرياج قطع مني في وسط الإشارة قدام جامعة القاهرة الساعة ١٢ ظهرا... وحفيت على ما رحت جبتلها سلك وطلع مضروب مقاسه بين البينين ... رجعته وجبت غيره أصلي وأرخص (سويفت ٩٤) وركبته ومشيت من الإشارة بعد ٣ساعات...

٢. ال١٢٧ بتاعة أختي، كنا خارجين وقالتلي سوق وانا أصلا باكره العربية دي وكان بقالي كتير ماسقتهاش، فما كان منها إلا ان إستنت لغايت ما بقينا داخلين على إشارة ولجنة و طبق الأصل العلقة اللي فاتت... سلك الدبرياج اتفرتك و قعدت أسب وألعن اليوم اللي حطيت رجلي عليها تاني فيه...

٣. فرح واحد صاحبي على قريبة زوجتي... مش محتاج أقول طبعا... مفهوم. صح؟ سلك الدبرياااااااااااااج

**mcml_13** · 14-06-2009 02:18 AM

انا بقى معايا لادا 2017
حركاتها وحشة قوى
ان البيض يملص و انا ماشى و الدبرياج حجر مرة قبل كده بس ده عادى يعنى
اللى مش عادى بقى
مرة و انا مسافر اسكندرية على الزراعى العربية حصل فيها ماس و مع الحرارة ولعت ناااااااااااااااااااااار تحت عند الدواسات
و كنا طبعا على الطريق ماشى على 100 تقريبا
و الواحد ماكنش عارف يركن بسرعة عشان العربيات بتجرى و فى نفس الوقت النار كانت والعة تحت رجلى

الموقف التانى بقى فى مرة تانية بس و انا راجع من اسكندرية ( الظاهر العيب فى اسكندرية باين ) ... المساحات باظت منى و انا لسه طالع على الطريق
و قلت ربنا يسهل و ماتمطرش
دى مش مطرت بس .... ده كان يوم سيول
بقيت كل شوية انزل امسح الزجاج بتاع العربية و اخر اما زهقت خلعت مساحة و كنت بمسح و انا راكب من جو بايدى
امد ايدى و امسح الازاز ( و الناس اللى ماشية جنبى بالعربيات تضحك )
الحمدلله ربنا كتبلى انى اوصل بالسلامة
كان يوم ادغال فعلا

**angel_man100** · 14-06-2009 02:30 AM

انا الموقف الوحيد اللى حصلى كنت انا والأسره الكريمه فى مشوار المهم كنت فى الجيزه والأبلاتين لدع منى مره واحده وماكنش فى مكان اقف فيه على جنب . الشارع كله وقف ورايا وكلاكسات وزعيق وأنتو عارفين الجيزه وقعدت مش عارف اعمل ايه لغايه مالقيت ميكانيكى عملها بس الحمد لله العربيه ماكسفتنيش تانى .

**firestorme** · 14-06-2009 03:47 AM

انا بقا قبلت كتير من المواقف هي العربيه بتعتي اصلا موقف لوحدها افتكرلكم كام موقف كده
الموقف الاول
مسافر بنها يوم حد والطريق زاحمه اخر شئ واذ ربما السلك الدبرياش يتقطع واذ ربما تاني اول ما السلك اتقطع الطريق بقا فله وكله بيجري وانا في في نص الطريق قعد نص ساعه علشان اركنها علي جنب ادور عله ميكانيكي مفيش ادور علي محل قطع غيار مفيش ببص في الشنطه لقيت السلك القديم كنت هرميه قبلها بيومين حمدت ربنا وركبتها انا ودي كانت فايده الفرجه علي الميكانيكي هو شغال
الموقف التاني
مرة كنت ماشي بالعربيه والحياه زي الفل وفجائه العربيه بطلت عملت كل حاجه في العربيه مفيش كلمت واحد صحبي علشان يقطرني جه قلت اجرب واحنا بنركب الحبل لقيتها دارت قلتله خلص امشي انت مفيش مشيت شويه واقامت بطلت تاني المهم فضلت كده لحد لما رجعت البيت قعدت شهرين ودتها لاربع ميكانيكيه كل واحد اروحله يقولي هات طقم كهربه كامل جديد امشي من عاندهم دايره مفيش اخر الشارع وتقف المهم مفيش جديد لحد لما روحت لواحد لقي شعرة سلك نحاس في الإسبراتير بتوصل تعمل قفله فميطلعش كهربه بسبب شعره سلك نحاس صرفت ازيد من 700 جنيه الحمد لله علي كل شي
الموقف الثالث
راجع من بنها كان يوم وافاة خالتي راجع بالليل تعبان جدا ومره واحده الجو قلب بمطره وسيول اشغل المساحات يدوبك خرجت علي الطريق الزراعي السن بتاع المساحه نعم فبقه الماتور يلف علي الفاضي بقيت امسح الزجاج من جوه العربيه وانا ماشي كل عربيه تعدي تتطرش عليا فقلت مبديهاش قمت قفلت القزاز وقلت زي متكون دخلت في بركة ميه الميه دخلت السبراتير قعدت في الطريق 3 ساعات في الطريق الحمد لله علي كل شي
خد بقا من المواقف دي كتير بس برده بحبها والله الفتره بتاعة الشهرين الي كانت عطلانه فيهم كنت بانزل اقعد فيا شويه الحج الله يرحمه اشترها في الإسبوع الي اتولد فيه مش عارف بعتبرها زي اخويا معلش بقا طولت عليكوا

**horas3000** · 14-06-2009 09:28 AM

انا ليا مواقف كتيرة مع البيجو ال 505
العربية ده كانت اوتوماتيك و ابويا نزلها من الكويت سنة 86 و فضلت مركونة لغاية ما استلمتها سنة 2003 و طبعا ده كان اس البلاوي اللي فيها كلها

اول موقف ان و انا ماشي في التحرير قدام وزارة الداخلية كدة فجاة و انا دايس بنزين لقيت العربية مبتمشيش علما انها كانت دايرة ادوس بنزين اكتر و لا حياة لمن تنادي اطفي و ادور تاني نفس القصة طبعا العساكر جولي و قالولي امشي و افهم فيهم ان العربية عطلت و انها اوتوماتيك و مبتزقش و لا هما هنا و لما اتفكرت انها يتدور عادي دورتها و جبتها علي ال n و زقتها لوحدي لغاية ميدان لاظوغلي و ده كان الساعة 2 الظهر في شهر 8 و طلع ان الجير بوكس اداكم عمره و جبت واحد استيراد ب 2000 جنية

تاني موقف ان العربية وقفت مني تماما في نص شارع جامعة الدول و برضة كان في الصيف و انت عارفين الشارع ده عامل ازاي في الصيف و طبعا العربية مبتزقش و ناس كتير يعرضوا الفكرة واضطر افهم فيهم واحد واحد ان العربية اوتوماتيك و فضلت واقف بتاع ساعة لغاية ما الميكانيكي جه و خلال فترة انتظاري اتعملت اسامي الحيوانات من اول و جديد

دول كانو اكبر موقفين مع تعدد المواقف الفرعية من كوتش و كهربا و اللذي منه

**Ashraf_Ashraf** · 14-06-2009 11:26 AM

المشاركة الأصلية كتبت بواسطة josephedward

١.سلك الدبرياج قطع مني في وسط الإشارة قدام جامعة القاهرة الساعة ١٢ ظهرا... وحفيت على ما رحت جبتلها سلك وطلع مضروب مقاسه بين البينين ... رجعته وجبت غيره أصلي وأرخص (سويفت ٩٤) وركبته ومشيت من الإشارة بعد ٣ساعات...

٢. ال١٢٧ بتاعة أختي، كنا خارجين وقالتلي سوق وانا أصلا باكره العربية دي وكان بقالي كتير ماسقتهاش، فما كان منها إلا ان إستنت لغايت ما بقينا داخلين على إشارة ولجنة و طبق الأصل العلقة اللي فاتت... سلك الدبرياج اتفرتك و قعدت أسب وألعن اليوم اللي حطيت رجلي عليها تاني فيه...

٣. فرح واحد صاحبي على قريبة زوجتي... مش محتاج أقول طبعا... مفهوم. صح؟ سلك الدبرياااااااااااااج

انت موعود يامان احمد ربنا ان الدبرياج مش زيت اظنك كنت هتمشى بعد 24 ساعه

**Ashraf_Ashraf** · 14-06-2009 11:30 AM

المشاركة الأصلية كتبت بواسطة mcml_13

انا بقى معايا لادا 2017
حركاتها وحشة قوى
ان البيض يملص و انا ماشى و الدبرياج حجر مرة قبل كده بس ده عادى يعنى
اللى مش عادى بقى
مرة و انا مسافر اسكندرية على الزراعى العربية حصل فيها ماس و مع الحرارة ولعت ناااااااااااااااااااااار تحت عند الدواسات
و كنا طبعا على الطريق ماشى على 100 تقريبا
و الواحد ماكنش عارف يركن بسرعة عشان العربيات بتجرى و فى نفس الوقت النار كانت والعة تحت رجلى

الموقف التانى بقى فى مرة تانية بس و انا راجع من اسكندرية ( الظاهر العيب فى اسكندرية باين ) ... المساحات باظت منى و انا لسه طالع على الطريق
و قلت ربنا يسهل و ماتمطرش
دى مش مطرت بس .... ده كان يوم سيول
بقيت كل شوية انزل امسح الزجاج بتاع العربية و اخر اما زهقت خلعت مساحة و كنت بمسح و انا راكب من جو بايدى
امد ايدى و امسح الازاز ( و الناس اللى ماشية جنبى بالعربيات تضحك )
الحمدلله ربنا كتبلى انى اوصل بالسلامة
كان يوم ادغال فعلا

لا يامان دى مش سخافه عربيه دا رزاله بجد مواقف منتخى الصعوبه والحمد الله انك خير

-

الموضوع: اسخف موقف عملته العربيه معاك

LinkBack

أدوات الموضوع

عرض

-

-

-

المواضيع المتشابهه

امتى العربيه استندلت معاك و عملت فصل بايخ كل ماتفتكره تضحك و ازاى اتصرفت ؟؟

ايه اكتر موقف شيبك وانت سايق العربيه (يعنى) حد كسر عليك او كنت هتخبط فى عربيه او شخص

احكى اى موقف طريف حصل معاك وانت على الموتسكل فى المطر

اكتر موقف مضحك حصل معاك من ولادك

موقف سخيف جدا حصلي مع العربيه

الكلمات الدلالية لهذا الموضوع

المفضلات

المفضلات

ضوابط المشاركة