اسخف موقف عملته العربيه معاك

**Ashraf_Ashraf** · 13-06-2009 06:32 PM

اكيد مش دائما العربيه طيبه اكيد بتعمل مواقف تحرق الاعصاب
ايه رايكم كل واحد يكتب اسخف موقف عربيته عملته فيه واتصرف ازاى اكيد نفتكر المواقف دى ونضحك وبرضوا اتعلمنا منها
انا عن نفسى عندى كتير قوى بس هتنظر مشاركتكم

**tamertamer** · 13-06-2009 08:16 PM

انا عربيتى الحمد اللة عمرها معطلت والحوادث قليلة وخدوش وكسور بسيطة بس افتكر مرة كانت راجع البيت نزلت لقيت الفردة نامت رحت عشان اغيرها الراجل قلى دية الفردة دخلت فيها حديدة وراحت الفردة قلت خلاص هشترى جديد بس اروح مشوار وكنت واخد جماعة اجانب (بنات)ورحنا حفلة miu المهم دخلنا ونبسطنة وحنا طلعين الساعة 1:30 الناس كلها بتمشى وانت فى حتة مقطوعة على طريق السماعلية
الفردة نامت بابوص لقيت حديدة بوظت الكوتش شوية لقيت الناس كلها مشيت ما عدا كام عربية بعد ما كان الفات العربيات جنبى والمشكلة ان جنب الجمعة رملة والكريك بيغرز وانا عربيتى ثقيلة المهم جبنا طوب وحطنا وشلنا علية الكوريك المهم نزلت الكوتش وقفشت فى العربية قلى جنبى كان شب دكتور المهم ربنا يبركلة ودانى بنزينة والراجل بتاع الكوتش استغل جدا الموقف ما علينة كنت مبتر ورجعنى تانى لغايت الجمعة وغيرت الفردة وكان الحوار دة فى عز الشتاء القارص بصراحة رصرصو من كتر البرد وركبت الفردة ومشيت بصراحة موقف لا احسد علية حظ عاثر جدا جدا دة الموقف الوحيد قلى قلت معاية فية العربية

**megaman** · 13-06-2009 08:43 PM

اسخف موقف العربيه تقطع بنزين امام القصر الجمهو رى الساعه 5 صباحا ومفيش فى جيبى ولا مليم ولكم ان تتخيلوا الحراسه قالولى زق بعيد وبعدين تاكسى وصلنى البيت فى مدينة نصر جبت فلوس وحطيت بنزين

**Ashraf_Ashraf** · 13-06-2009 08:48 PM

ههههههههههههههههههههههههه هه
ااكيد الرعب من الحرس اكتر من الزهق من البنزين كويس انك ماتاخدتش رهينه

**elgabry1977** · 13-06-2009 08:53 PM

اسخف موقفين فاكرهم و حصلولي الاول كنت بعربيه 128 مع والدي مريض مبيتحركش و سلك الدبرياج قطع علي كوبري الدقي يوم حد و الميكانيكيه قفلين و الموقف التاني كنت بعربيه هيونداي ايكسل و كنت راجع مع اصحابي من الاسكندريه و الكاوتش او الاستبن الاتنين ناموا و اتقطعوا في الصحراوي و كنا في الفجر و كلنا مفلسين في الاخر كلمنا شركه بتاعت اوناش عربيات و رفعت العربيه لحد البيت و دفعتله لما روحت

**kliken** · 13-06-2009 08:55 PM

انا مره كنت بزور خطيبتى قبل الجواز و نزلت لقيت الاربع فرد على الارض عيال صغيره بتلعب و هويت الكاوتش و حمايا نزل معايا و فكينا فرده فرده ناخدها نزودها و نرجع نركبها و كان يوم شقا

**Ashraf_Ashraf** · 13-06-2009 08:57 PM

انا بقى حصلى موقف كنت لسه بتعمل السواقه ومعرفش انه فى حاجه اسمها تيل فرامل ولا الموضوعات دى كنت سهران عند صحابى فى الهرم وراجع الساعه 2 بالليل وكان اخر كوبرى اكتوبر منزل على ميدان رمسيس المهم طبعا فرحان والغرور واخدنى بقى
نزلت بسرعه المنزل وكان شارع رمسيس عند المستشفى القبطى واقف تقريبا المهم قلت اهدى علشان هقف وانا اصلا طاير فجاه سمعت طاخ ولقيت دواسه الفرامل فى الارض ورحت لابس فى عربيه بيجو كان فيها راجل ومراته واولاده عجنت عربيته طبعا الغرور راح وبقت الخضه والربكه ومش هقولكم ايه اللى حصل بعد كده اظنكم عارفين الراجل عمل ايه المهم خد كل اللى فى جيبى وسابنى فى الشارع اعيط مش عارف اعمل ايه ولا لاقى تليفون وفضلت لغايه 7 الصبح فى الشارع لغايه مااتصلت بالوالد ومش هقولكم انه منعنى منة السواقه لا منع حتى من انى اعدى جنب العربيه وده كله لانه اللى ركب التيل مركبش سلك يمسك البسكوته ولقت التيل وقعت

**Samah AbdAllah** · 13-06-2009 09:00 PM

جميل الموضوع قلبى معاك فى كل اللى حصلكوا ده

لما افتكر حاجة هرجعلكوا

**YaSSerwIN** · 13-06-2009 09:46 PM

أسخف موقف ليا كنت مسافر أسكندرية مع أصحابى وهناك الصليبة أتكسرت جوة الفتيس وطبعا ً مقولكمشى قد اية كان الأستغلال
من الميكانيكى ومن بتاع قطع الغيار وللأسف دفعت كل الفلوس الى كانت معايا فى الميكانيكى والصليبة والزيت وخلافه وطبعا ً الميكانيكى بما أنه كان اى كلام سابلى نص الصليبة جوة الفتيس وعمال ما رجعت القاهرة كان الفتيس ودع

الموضوع: اسخف موقف عملته العربيه معاك

LinkBack

أدوات الموضوع

عرض

-

-

-

-

المواضيع المتشابهه

امتى العربيه استندلت معاك و عملت فصل بايخ كل ماتفتكره تضحك و ازاى اتصرفت ؟؟

ايه اكتر موقف شيبك وانت سايق العربيه (يعنى) حد كسر عليك او كنت هتخبط فى عربيه او شخص

احكى اى موقف طريف حصل معاك وانت على الموتسكل فى المطر

اكتر موقف مضحك حصل معاك من ولادك

موقف سخيف جدا حصلي مع العربيه

الكلمات الدلالية لهذا الموضوع

المفضلات

المفضلات

ضوابط المشاركة