أصحاب الشياكة السوداء

**Abo_Lina** · 13-03-2010 01:55 PM

مش من ألواني المفضلة و لو فكرت فيه يبقى على عربية كبيرة و فخمة ..
مرسيدس جاجوار ..
غير كده على العربيات الصغيرة بيطفيها و لا يبرز خطوط تصميمها

**SAiF3S** · 13-03-2010 02:35 PM

الموضوع ده قديم جدا من تقريبا سنه , بعد ما شاركت حبيت اشارك فى الاستفتاء ما عرفتش لانه خلص
الظاهر حد بيقلب مواضيع المنتدى

**N.a.j.d** · 13-03-2010 09:33 PM

الفضي اجمل لون

**powerofhelll** · 14-03-2010 01:31 AM

انا عارف مشاكل الاسود بس انا بحب اللون ده و اغلبيه نزولي بالعربيه بيبقي بليل

**D . a .\ AYMAN** · 15-03-2010 11:23 PM

المشاركة الأصلية كتبت بواسطة mosayed

انا عربيتى لونها اسود و كل يوم باندم على اختياره و اقول ياريتنى كنت جيبتها فضى او ذهبى

كل يوم بندم زيك كده بالضبط بس عزائي إن إختياري للون كان غصب عني ... اللى موجود تشيل ولا تستنى تاني كمان 3 شهور بعد أربع شهور إنتظار أصلا

المشاركة الأصلية كتبت بواسطة zalpany2000

بص يا فندم

انا ليه تجربة غريبة شوية مع الوان العربية
انا حجزت عربيتي بلون فضي او ازرق

و بعد 4 شهور -طبعا كان الحجز اتأخر عن معاده ب3 شهور علي الاقل- قالولي فيه اسود او اجمر تاخد انهين !!!!!
انا قلت الاسود طبعا لان الاحمر صعب قوي بالنسبالي-- ده بس اشارة لان لون العربية مش ديما خيار في بلدنا الجميلة دي

هو شيييك بصراحة ... بس مصيبة في الخدوش و النظافة

ناهيك عن ان عربيتي باللون ده علي رأي احمد حلمي.. حسنة سودة في الطريق... طبعا باهزر
بس فعلا انا شايف ان الفضي عملي جداجدا
انما الاسود يبقي ملك الالوان
صوتي للفضي

تحياتي

القصة اللى بتحكيها دي ياباشا هية اللى حصلت معايا بالضبط كأنك بتكلم عني

المشاركة الأصلية كتبت بواسطة karim_monir

الاسود في بلدنا لازم تشيل البواب في شنطة العربية
يمسحالك كل ما تقف في اشارة
الاسود يعني استهلاك بنزين اكتر للتكيف
يعني سخونية اكثر للعربية
يعني مصاريف اكثر للنضافة
يعني منظر سيء لليارة في شوارع مصر ان كنت ممن لا يملكون جراجا خاصا

بصراحة اللى يجيب عربية سودا لازم يكون معاه فلوس يشتري معاها عبد حبشي من بتوع زمان كل مهمته هى تنظيف السيارة فقط كل نصف ساعة ... لأن جمل اللون الأسود ينتهى بعد نصف ساعة فقط من تنظيفه