الموضوع: أصحاب الشياكة السوداء

http://www.news.com.au/dailytelegrap...001021,00.html



WHITE is the safest car colour in all driving conditions while black is the least safe, a study to be released today has found.

The Vehicle Colour Study shows there's a 12 per cent higher risk of being involved in a crash in a black car than a white one.

Grey and silver are next in line, with an 11 and 10 per cent higher crash risk.

The study also found that crashes were 7 per cent more likely to occur with blue, red and maroon cars than lighter colours such as cream, yellow and beige.

The study, conducted by the Monash University Accident Research Centre, examined crashes which involved death, injury or the towing of a vehicle between 1987 and 2004.

Centre senior researcher Stuart Newstead said yesterday: "Popular dark colours, greens, blues, blacks, blend in with the road.

"They are quite popular, people should think carefully about them."

كاليفورنيا تتجة لمنع السيارات الداكنة لتقليل الإنبعاث الكربوني 2012

http://www.washingtonpost.com/wp-dyn/......./article/2009/03/26/AR2009032603316.html[/url]
لأن السيارات الداكنة تستهلك طاقة ووقود أكثر لتبريدها بالمكيف
ده غير مشكلة النظافة على رأى آحد الأعضاء لازم تشيل البواب في الشنطة ينضفها في كل إشارة

للأسف مع الأقتناع بكل ما قلتم، ألا أن النفس و ما تعشق. فيه عربيات الأسود يبقى عليها تحفة و يديها شياكة و وقار لا خلاف عليه (لون ملوكى كما يقال----اليس هو اللون المعتمد فى جميع العربيات الرسمية فى مختلف أنحاء العالم).
علشان كده جبت عربيتى سوداء---بس بصراحة بتلم التراب ببشاعة، بس بعد النظافة---تحفة.

انا عربيتى لونها اسود و ماعنديش اى مشكله لا حراره و لا تراب
فى موضوع هـــــــنا عن اللون الاسود للباسات وانا اخدت اقتباسات مطوله منه لوضعها هنا وممكن مراجعه الموضوع بالكامل
طبعا زى كريم ماقال انا عندى جراج مغلق خاص بنا فممكن اللى ينفع معايا ما ينفعش مع غيرى

المشاركة الأصلية كتبت بواسطة SAiF3S

كل ما كان اللون غامق ,ظهر جمال الباسات
تفاصيل التصميم بيبان اكتر
الكم الهائل من الكروم فى المقدمه و حول النوافذ بينطق و يحدد العربيه بشكل رائع
الوقار والفخامه و الشبابيه مع الالوان الغامقه
انا عربيتى سوداء ولما بقارنها بالوان اخرى لا تعجبنى
دى ميول شخصيه ووجه نظر وبترجع لراحه المشترى

المشاركة الأصلية كتبت بواسطة ghazy12

طبعا مع كامل احترامي لجميع الاراء...
انا من عشاق اللون الأسود, و لكن, اللون الأسود بيأثر على اداء التكييف و الموتور نظرا لأنه بيمتص الحراره بيحتفظ بيها فتره طويله, و في دراسه اتعملت في امريكا بتأكد ان اللون الأسود بيأثر سلبيا على السيارات و تحديدا على اداء التكييف و الموتور, و تنصح الناس بالألوان الفاتحه... و طبعا مصر من الدول الحاره...

والدي لما كان بيشتري عربيته (مرسيدس c200) و ما ادراك ما هو اللون الأسود على العربيه دي, اقترحت عليه يجيبها بليديوم سيلفر (ده غير البريت سيلفر العادي) و السبب كان انه لون فاتح و شيك (مش زي الأسود ابدااااا في الشياكه) بس لنفس السبب اللي قلته لحضراتكم عن الأسود...

طبعا التأثير على الأداء سواء التكييف او الموتور مش التأثير اللي يبوظ حاجه مثلا طبعا, بس بيكون اجهاد...

انا شايف انه لو فيه درجة سيلفر غير السيلفر العادي (برايت سيلفر) في الباسات, هتكون أفضل, و ممكن جدا الأبيض, و العربيه ما شاء الله عليها شييك و بتتكلم لوحدها في أي لون...

ربنا يوفقك يا باشا...

المشاركة الأصلية كتبت بواسطة SAiF3S

فعلا هو ده لو عربيتى وهو لون اكثر من رائع Deep black with pearl effect


فعلا اللون الاسود فى السيارات عاديه العزل انا معاك انها بتأثر على اداء التكيف و بالتبعيه موتور العربيه
لكن أعتقد فى سياره والدك المرسيدس العزل عالى (حسب ما فهمت ان لونها اسود) والتاثير الخارجى للحراره مش زى السيراتو مثلا
انا عن نفسى عدى على الصيف اللى فات كامل و لم احس ان العزل الحرارى للعربيه سىء فيما عدا زجاج فتحه السقف لو انا تركت الجزء الداخلى مفتوح , لكن لما بحط ايدى على فرش السقف مافيش حراره تقريبا
و للعلم انا ركبت للعربيه فيلم شفاف مانع لحراره واشعه الشمس الحاره ماركه 3M أمريكى زى الفى كولVcool , على زجاج السياره الامامى و الخلفى وعلى الاربعه الجانبين وكمان فتحه السقف وده كان اول الصيف خوفا من الحراره وكمان خوفا على الفرش الجلد طبيعى اللى معروف انه بيشقق ويغيرلونه من اشعه الشمس ال UV
وطول فتره الصيف بشغل التكيف على 20 درجه فقط مع انى أعرف ناس كتير معاها فولكس جيتا و باسات بتشغله على 17او16 درجه فى الصيف

ونصيحه اضافيه للاخ صاحب الموضوع لو اخترت لون غامق اسود او خلافه هات الفرش الداخلى الجلد بيج فهو فى الشكل اروع و أحلى بكتير من الاسود وبيدى وسع و كونتراست مع الابانوس اللى فى التابلوه

المشاركة الأصلية كتبت بواسطة ghazy12

والله يا أستاذ سيف كلام منطقي, ممكن يكون على حسب جودة العزل

بس والدي كان هيجيبها أسود و أنا قلتله بلاش و جابها (بليديوم سيلفر) لون اغمق من البرايت سيلفر و أفتح من الفيراني... و شييك جدا (بس مش زي الأسود برده)

و للأسف من مشاكل الأسود برده التراب بتاع بلدنا اللي بيخلي العربيه رمادي من التراب, فيستسهل و يجيبها بترابها من التوكيل و يجيب اللون الرمادي و هي هي, اسود مع تراب (BUILT IN)... هههههههههههه

بس فعلا الأسود محتاج عنايه فائقه بجد, و مش كل الناس بتقدر تعتني بيه, خصوصا مع ظروف بلدنا, و لو ليها حل دلني عليه و أنا اعمله فورااااا...

و حلوه قوي فكرة مانع الحراره دي, و هل هي فعاله فعلا, يعني حسيت بالفرق؟؟ و هل بيقشر من على الزجاج و الكلام ده بعد فتره؟؟؟

عشان لو كده نغير الفكره, و ننصح الناس بالأسود بعد كده, و اجيبه انا كمان و اريح نفسي...

المشاركة الأصلية كتبت بواسطة SAiF3S

شوف يا بشمهندس اول شىء للعنايه باللون الاسود ان ما حدش ينضفها لك بفوطه"زفره" زى ما بيقولوا
انا بغسل العربيه بالصابون كل شهر ونصف وبعد كده بتتلمع بواكس وبولش اسود
وبعد كده كل اسبوع مره او مرتين غسيل بالماء فقط بماكينه ضغط ماء عالى والتجفيف (5 دقائق فقط) لكن محتاجه جراج خاص بك
صوره الماكينه فى الموضوع ده هنـــــــــا ولا أعانى اطلاقا اى مشاكل مع اللون الاسود

بالنسبه للفيلم ده بقى موضوع كبير يطول شرحه هنــــــــــــا تقيمى للفيلم بعد التركيب وهتلاقى كام صوره للعربيه باللون الاسود . وهنـــــــــــــــــــــا تقييمى له بعد 5 شهور من التركيب كان واحد فى قسم الاوبل سألنى عليه

وياريت كده تبقى غيرت فكرتك عن اللون الاسود

بما انى ايضا من عشاق اللون الاسود فى السيارات والتى وصلت درجه العشق فيه انى انتظرت سيارتى اللانسر مده 3 شهور لان ساعتها لم يكن هناك سيارات سوداء 1300 مانيوال فى مصر نهائيا كان فيه كل الالوان الا الاسود فاضطررت للانتظار 3 شهور كامله لكى تصل السياره الى مصر ... وبصرف النظر عن العيبين الرئيسيين للون الاسود وهما الحراره والتراب فهو لون شيك جدا وبيدى فخامه غير عاديه .. اضافه الى ارتباط هذا اللون نفسيا لدى المصريين بأهميه السياره وصاحبها .. يعنى غالبا بيعتقدوا ان اللى يركب عربيه سوداء بيكون صاحب مركز مهم علشان كده قليل لما تلاقى عربيه سوداء واقفه فى لجنه :)