-
أصحاب الشياكة السوداء
جرت العادة أن يتجه المستهلكون إلى الألوان الأفتح فى البلاد الحارة وعلى عكس ذلك فى مصر أصبح اللون الأسود هو سيد الألوان حتى إننى فوجئت بردود أفعال غريبة عند محاولتى إيجاد سيارة أوكتاڤيا A5 بيضاء
لن أنسى مشوار عملته مع صديق من المهندسين إلى التحرير بسيارة ذات فرش أسود كانت ركنة فى الشمس ومع تشغيل التكيف لم أستطع لمس المسند بظهرى حتى وصلنا إلى التحرير، هذا غير صعوبة الحفاظ على نظافة السيارة السوداء
وللعلم فإن 25٪ من الإنتاج العالمي للسيارات ينتج باللون الفضى وأنا لست كارهاً للون الأسرد ولكنه ببساطة غير عملى في بلادنا الحارة
غريبة إنتِ يا مصر
الرابط لشركة ديبون للكيماويات توضح النسب العالمية لألوان السيارات
http://www2.dupont.com/Automotive/en...lorpop2005.pdf
-
-
الفواتح عموما ما عدا الابيض
-
انا عربيتى لونها اسود و كل يوم باندم على اختياره و اقول ياريتنى كنت جيبتها فضى او ذهبى
-
بص يا فندم
انا ليه تجربة غريبة شوية مع الوان العربية
انا حجزت عربيتي بلون فضي او ازرق
و بعد 4 شهور -طبعا كان الحجز اتأخر عن معاده ب3 شهور علي الاقل- قالولي فيه اسود او اجمر تاخد انهين !!!!!
انا قلت الاسود طبعا لان الاحمر صعب قوي بالنسبالي-- ده بس اشارة لان لون العربية مش ديما خيار في بلدنا الجميلة دي
هو شيييك بصراحة ... بس مصيبة في الخدوش و النظافة
ناهيك عن ان عربيتي باللون ده علي رأي احمد حلمي.. حسنة سودة في الطريق... طبعا باهزر
بس فعلا انا شايف ان الفضي عملي جداجدا
انما الاسود يبقي ملك الالوان
صوتي للفضي
تحياتي
-
و الله انا شايف اللون الاسود صعب قوى فى بلدنا عاوز دايما واحد يهش الناس من على العربيه وواحد قاعد على الكبوت بيمسح طول النهار الفضى وان كان لون شيك بس لما بيترش جزء من العربيه استحاله حد بيعرف يخليه مياه واحده
انا بفضل اللون االازرق ( السماوى - الكحلى )
-
بالرغم من أني بأحب اللون الفضي في السيارات ألا أن سيارتي الاولي (اللانوس) رمادي/سماوي و الثانية (الياريس) رمادي/فيراني (أقرب الي الاسود) و بصراحة الاثنين مطلعين عيني في النظافة كل يوم لازم العربيتين يتغسلوا
-
الاسود في بلدنا لازم تشيل البواب في شنطة العربية
يمسحالك كل ما تقف في اشارة
الاسود يعني استهلاك بنزين اكتر للتكيف
يعني سخونية اكثر للعربية
يعني مصاريف اكثر للنضافة
يعني منظر سيء لليارة في شوارع مصر ان كنت ممن لا يملكون جراجا خاصا
لما جيت اشتري عربيتي كان نفسي في الاسود وقلبي مش مطاوعني
وبعدين قولت سماوي لقيتة درجته مش حلوة في الكرولا
جبت الفضي
اسوء عيوب اللون الفضي
اي نقرة خفيفة بتبان في العربية
لكن لو العربية متربة مش بتبان خالص
-
الابيض الكريستال لون تحفة في اي عربية ولو العربية متربة خالص فوطة في خمس دقايق بتخليها تحفة
-
النبيتى أجمل لون عجبنى و على عربيات كتير بس مش كل درجاته و مش كل العربيات و يليه النيفى بلو و بعدين السكاى جراى
Content Relevant URLs by
vBSEO 3.6.0 PL2