الاوتوبيس الجديد (المفروض) عطل يا جدعان

**Michael_Lanos** · 14-06-2009 01:36 AM

امبارح كنت قاعد فى كافيه على البحر ولقيت الاوتوبيس السياحي الجديد عطلان على البحر
وبصراحه انا شايفه جاي استعمال الخارج ومتظبت شويه والدليل ان الخطوط القديمه فى اليافطه المضيئه مكتوبه وهما لاصقين عليها ورقه تانيه (والله واعلم) وكمان موديله مش حديث ولونه كده كانه مش جديد .....
والدليل التانى انه عطل على البحر ودي تانى مره اشوفه عطلان فيها وماكملش شهر شغال

معلش الصوره مش باينه شويه علشان هو كان بعيد وانا شغلت النايت شوت فى التصوير بس اللى باين فيها انه مطفى كل انواره وراكن عالبحر فى منطقه الجامعه

**MohaMed_Refaat** · 14-06-2009 04:05 AM

عادى يا مايكل اذا كانت مصر كلها عطلانة وركنة على جمب العالم يبقى مجتش على الاوتوبيس ..
شكرا ليك يا مايكل على الصور والموضوع.

**Michael_Lanos** · 14-06-2009 09:39 AM

المشاركة الأصلية كتبت بواسطة mohamed_refaat

عادى يا مايكل اذا كانت مصر كلها عطلانة وركنة على جمب العالم يبقى مجتش على الاوتوبيس ..
شكرا ليك يا مايكل على الصور والموضوع.

العفو يا باشا بس انا زعلان على فلوسنا اللى بيصرفوها باستهتار .... مافيش امانه فى فلوس الشعب

**Samir Elshahawy** · 14-06-2009 12:15 PM

أنت بتقول ان دي تاني مرة يعطل فيها علي البحر , يبقي مش عطل و لاحاجة و ده جزء من البنامج السياحي للأتوبيس انه يطفي نوره و يقف علي البحر لزوم الرومانسية و الاستمتاع بالمنظر و الكورنيش

بلاش أشاعات يامايكل ... الاتوبيسات جديدة و الحكومة بتجيب لنا احدث حاجة بس احنا اللي مش عارفين نفهمهم و مش مقدرين تعبهم , بجد حاجة تخنق و شعب عايز ...... و لا بلاش

**Michael_Lanos** · 14-06-2009 12:21 PM

المشاركة الأصلية كتبت بواسطة SE_coralsea

أنت بتقول ان دي تاني مرة يعطل فيها علي البحر , يبقي مش عطل و لاحاجة و ده جزء من البنامج السياحي للأتوبيس انه يطفي نوره و يقف علي البحر لزوم الرومانسية و الاستمتاع بالمنظر و الكورنيش

بلاش أشاعات يامايكل ... الاتوبيسات جديدة و الحكومة بتجيب لنا احدث حاجة بس احنا اللي مش عارفين نفهمهم و مش مقدرين تعبهم , بجد حاجة تخنق و شعب عايز ...... و لا بلاش

هاها ياباشا الناس نزلوا مفرهدين وهربوا ..... محدش وقف جنب الاوتوبيس ...
بس شكل السواق كان حابب يستجم شويه ويقعد عالبحر .....
المفروض انه ما يعطلش ابد .. ده جاي من اوروبا وغالبا ايطاليا والمفروض انه ما كنش بيعطل هناك بقالو سنين ... ليه بقه يعطل هنا ....!
فين بتوع الصيانه الدوريه .... ولا هي الحاجات بتضرب فى جيوبهم ..... لازم الحاجه تعطل علشان تتصلح ........ اه بلد

**Samir Elshahawy** · 14-06-2009 12:31 PM

المشاركة الأصلية كتبت بواسطة Michael_Lanos

هاها ياباشا الناس نزلوا مفرهدين وهربوا ..... محدش وقف جنب الاوتوبيس ...
بس شكل السواق كان حابب يستجم شويه ويقعد عالبحر .....
المفروض انه ما يعطلش ابد .. ده جاي من اوروبا وغالبا ايطاليا والمفروض انه ما كنش بيعطل هناك بقالو سنين ... ليه بقه يعطل هنا ....!
فين بتوع الصيانه الدوريه .... ولا هي الحاجات بتضرب فى جيوبهم ..... لازم الحاجه تعطل علشان تتصلح ........ اه بلد

شوفت بقي اهو انت وضحت لي نقطة كانت غايبة عني
الاوتوبيس جاي من ايطاليا يعني واخد علي الجو اللي هناك , يمكن الجو عندكوا في أسكندرية رطوبة شوية ؟؟
عموما غلطة السواق و الركاب اللي مش عارفين يركبوا لكن مش ممكن تبقي غلطة الحكومة و لا المسؤلين

الناس دي مابتغلطش أبدا و علي فكرة الاوتوبيس ده مالوش صيانة لانه أخر حاجة

**Samah AbdAllah** · 14-06-2009 04:12 PM

المشاركة الأصلية كتبت بواسطة michael_lanos

هاها ياباشا الناس نزلوا مفرهدين وهربوا ..... محدش وقف جنب الاوتوبيس ...
بس شكل السواق كان حابب يستجم شويه ويقعد عالبحر .....
المفروض انه ما يعطلش ابد .. ده جاي من اوروبا وغالبا ايطاليا والمفروض انه ما كنش بيعطل هناك بقالو سنين ... ليه بقه يعطل هنا ....!
فين بتوع الصيانه الدوريه .... ولا هي الحاجات بتضرب فى جيوبهم ..... لازم الحاجه تعطل علشان تتصلح ........ اه بلد:copy of majd(4):

يا مايكل يعطل ولا مايعطلش هو احنا بنركب اتوبيسات اصلا ولا المواطن الغلبان هيروح يركب اتوبيس ب 3 جنيه عشان شكله حلو يركب ميكروباص تويوتا ويطير بيه يوصله من غير اعطال ب 1 جنيه واحد

تلاقى صفقة شراء الاتوبيسات دى كان فيها مصلحة لحد بس

**mrghost** · 14-06-2009 05:40 PM

وماله هى جت على الاوتوبيس امال المترو نقول عليه ايه؟ ماشاء الله بقى ولا كأنه ترام مش مترو من كتر اعطاله

**volcano12** · 14-06-2009 06:13 PM

المشاركة الأصلية كتبت بواسطة michael_lanos

العفو يا باشا بس انا زعلان على فلوسنا اللى بيصرفوها باستهتار .... مافيش امانه فى فلوس الشعب

المشاركة الأصلية كتبت بواسطة se_coralsea

أنت بتقول ان دي تاني مرة يعطل فيها علي البحر , يبقي مش عطل و لاحاجة و ده جزء من البنامج السياحي للأتوبيس انه يطفي نوره و يقف علي البحر لزوم الرومانسية و الاستمتاع بالمنظر و الكورنيش

بلاش أشاعات يامايكل ... الاتوبيسات جديدة و الحكومة بتجيب لنا احدث حاجة بس احنا اللي مش عارفين نفهمهم و مش مقدرين تعبهم , بجد حاجة تخنق و شعب عايز ...... و لا بلاش

أولا ده مش فلوسنا يا جماعه... الأتوبيس ده تبع تاكسى العاصمه بتاع اسكندريه و اللى ماسكو طلعت مصطفى (زى ما سمعت) عشان كده ده يعتبر برده خاص عشان الدوله مش دفعه حاجه. و لو عايز تتأكد أسأل أى تاكسى عاصمه معدى و أتأكد منه....
عشان كده هو نضيف و مكيف و حيفضل نضيف ان شاء الله... هو غالى حبيتين.. بس برده خلو يبقى فيه حاجه نضيفه ف بلدنا من نفسنا حتى لو حنتفرج عليه..

على فكره أنا كمان مره شوفته واقف فى الشاطبى على البحر بعد الساعه 12

-

الموضوع: الاوتوبيس الجديد (المفروض) عطل يا جدعان

LinkBack

أدوات الموضوع

عرض

الاوتوبيس الجديد (المفروض) عطل يا جدعان - انشر الموضوع فى :

-

-

-

-

-

-

المواضيع المتشابهه

هو المفروض زيت البولو 3 لتر ولا 3.5

قلبي يا جدعان قلبي حد يطلب الدكتور يا جدعان

شبعنا صور يا جدعان..............الالنترا الشكل الجديد هتنزل امته؟؟؟؟؟؟؟؟؟؟

ايه المفروض اعمله

المفروض يبقي كام Rpm

الكلمات الدلالية لهذا الموضوع

المفضلات

المفضلات

ضوابط المشاركة