ارجو المساعدة عندي مشكلة في الفرامل

**caapoo** · 14-06-2009 03:00 AM

انا عندي مشكلة فظيعة في الفرامل بتاعة العربية انا الاول عربيتي 128 موديل 87 وعملت فيها شغل جامد اوي يمكن صرفت عليها تمن عربية زيها وبصراحة العربية حلوة بس الفرامل عملتلي عقدة جامدة اوي
المشكلة :
العربية كل مدوسلها فرامل تحدف حدفة جامدة ناحية الشمال لدرجة ان ممكن العربية تلف بيا علي الطريق لو ضربت فرملة جامدة
انا رحت لكتير اوي من الميكانيكية وبتوع العفشة ومسيبتش حد مرحتلوش
خلوني عملتلها رصرصة للعجل وظبط زوايا وغيرتلها الطنبورتين بخراطيم الفرامل اللي قدام والطنبورتين بخراطيم الفرامل اللي وره وغيرت كمان فردتين كاوتش اللي قدام وبرده المشكلة متحلتشي
انا مش عارف اعمل ايه والموضوع ده خطر اوي وممكن يسبب مشاكل فياريت اي حد عندو معلومات كويسة بخصوص الفرملة يتواصل معايا ويساعدني في حل المشكلة ديه
شكرا

**otefa** · 14-06-2009 04:19 AM

شوفت ماستر الفرامل

**caapoo** · 14-06-2009 05:18 AM

فيه واحد قالي علي موضوع الماستر الرئسي وبالفعل رحت قلت للميكانيكي عليه قام قايلي يكون المشكلة في الماستر لو كانت الفرامل بتهرب بس انما ملوش دعوة بالحدفة ديه والله اعلم بقي كلامه ده صح والا غلط اصلي بقيت احس ان محدش فيهم فاهم حاجة اصلا
وشكرا علي الاهتمام

**mohamed_mohsen** · 14-06-2009 09:52 AM

يمكن الفرامل فيها هوا؟

**aYaBooY** · 14-06-2009 11:17 AM

اولا لازم نفق اننا نسيبنا من الميكانيكية في موضوع الفرامل فيه متخصص فرامل و ده المكان الي مفروض تروحلة
انت بتقول مع اي فرامل العربية بتحدف شمال جامد يبقي انت كدة المشكلة عندك ان فرامل الناحية اليمين مش بتمسك و بالتالي لما تكون ماشي سريع و تمسك فرامل نص العربية بيفرمل و النص التاني لا و بناءا عليه بتحصل الحدفة الجامدة
طيب علشان نحل الموضوع ده نشوف الطنابير و ديه انت بتقول غيرتهم و الخراطيم و اتغيرم كويس اوي يبقي المشكلة منحصرة في الماستر العمومي ممكن يكون فيه ريجة او عطل و مبيضخش زيت للناحية اليمين
او الماستر برىء و المشكلة من الخزن و الماستر الي في العجلة اليمين بس و عموما الماستر العمومي مش غالي انا لسة شاريه من كام شهر كان تركي بـ 65 جنيه

**lord23** · 14-06-2009 12:32 PM

المشاركة الأصلية كتبت بواسطة ayabooy

اولا لازم نفق اننا نسيبنا من الميكانيكية في موضوع الفرامل فيه متخصص فرامل و ده المكان الي مفروض تروحلة
انت بتقول مع اي فرامل العربية بتحدف شمال جامد يبقي انت كدة المشكلة عندك ان فرامل الناحية اليمين مش بتمسك و بالتالي لما تكون ماشي سريع و تمسك فرامل نص العربية بيفرمل و النص التاني لا و بناءا عليه بتحصل الحدفة الجامدة
طيب علشان نحل الموضوع ده نشوف الطنابير و ديه انت بتقول غيرتهم و الخراطيم و اتغيرم كويس اوي يبقي المشكلة منحصرة في الماستر العمومي ممكن يكون فيه ريجة او عطل و مبيضخش زيت للناحية اليمين
او الماستر برىء و المشكلة من الخزن و الماستر الي في العجلة اليمين بس و عموما الماستر العمومي مش غالي انا لسة شاريه من كام شهر كان تركي بـ 65 جنيه

+11111111111111111111111

**Fadi Ezzat** · 14-06-2009 03:07 PM

دة عيب ماستر الفرامل والماستر هو الى بيوزع قوة الفرامل بالتعادل مع الفردتين
يبقى كدة هو فعلا عيب ماستر
لان فى عجلة بتافش قبل التانية
فالعربية بتلف بيك

**MMamdouh** · 14-06-2009 03:35 PM

المشاركة الأصلية كتبت بواسطة aYaBooY

اولا لازم نفق اننا نسيبنا من الميكانيكية في موضوع الفرامل فيه متخصص فرامل و ده المكان الي مفروض تروحلة

مش شرط خالص على فكرة

لسة زميل فى قسم الدايو راح لواحد "متخصص فرامل" خرملة الماستر العمومى و غيرلة بلوف و خرط طنابير و غير تيل و النتيجة العربية بدل ما كانت قراملها ضغيفة اصبحت من غير فرامل

MMamdouh

**samirayad** · 14-06-2009 03:54 PM

دا عيب ماستر فرامل بدون شك ...........لأن ماستر الفرامل بيتكون من شميز بأثنين بستم ............وكل بستم بيضخ الزيت لفردتين (بطريقة الصليبه ) يعنى أحد البساتم بيضخ زيت للفرده الأماميه يمين والخلفيه شمال ...........والبستم التانى بيضخ للفردتين التانين (أمامى شمال وخلفى يمين )...........فلما بيحصل خلل فى أحد البساتم بتحصل الظاهره دى بتاعة لف العربيه مع الفرمله وبالذات على السرعات .....كانك حترسم دايره على الطريق بكاوتش العربيه وقت أستخدام الفرامل مع السرعه..............

-

الموضوع: ارجو المساعدة عندي مشكلة في الفرامل

LinkBack

أدوات الموضوع

عرض

-

-

-

-

المواضيع المتشابهه

عندي مشكلة ارجو المساعدة بسرعة جدا جدا جدا

عندي مشكلة في الفرامل نوبيرا 2007

لأخوانا الخبراء في الفرامل - عندي مشكلة في سرفو الفرامل

عندي مشكلة في صني برجاء المساعدة

مشكلة في الفرامل ارجو المساعدة

الكلمات الدلالية لهذا الموضوع

المفضلات

المفضلات

ضوابط المشاركة