انا محتار بين عربيتين شيفورليه اوبترا ام نيسان صني
عرض للطباعة
انا محتار بين عربيتين شيفورليه اوبترا ام نيسان صني
المقارنه دى اتكررت كذا مره
وعموما دى لها مميزات ودى لها مميزات
رأيى الشخصى اوبترا
الصني ممتازة جدا شوف انت مرتاح لاية و اشترية مفيش فرق ضخم بين الاثنين
بفضل شيفروليه اوبترا
الصنى طبعا ده سعرها كده كويس علشات ببتجمع فى مصر لو كانت مستورده كانت هتعدى...ومكمان مضمونه وتقيماتها كويسه فى المنتدى
هوا ميزة الاوبترا عن الصني الصالون الممتاز بس
لكن الصني تتفوق في الاداء اللي هوا الموتور والثبات بس برضو مش بكتير
والصني صالونها وحش وضيق
لو يفرق معاك الصالون هات الاوبترا منغير تفكير خالص
لا والله يابشمهندس احمد مش عشان كدا
ما انا لما كنت باشترى كان قدامى الاتنين
واتفرجت على الاتنين كويس
وسألت وعرفت عيوب ومميزات كل واحده فيها
وقارنت وحسبتها لقيت ان الاوبترا افضل ( بالنسبالى ) بكتيييييييير اوى عن الصنى
انا مستحييييييييييل انى اركب عربيه تقفيل مصرى الا لو مظطر وربنا مايحوجنى ليها يارب
واخترت الاوبترا بارادتى وعن اقتناع متفرضتش عليا يعنى
وعلى فكره تكيييف الاوبترا ممتاز
وثباتها ممتاز
وبعدين اليابانى اللى يتقفل فى مصر يبقى اسمه يابانى برضه
يعنى تقفيل وخامات اللانسر البوما زى الصنى ؟
طبعا اللانسر ودى اللى الواحد يقول عليها يابانى بجد
وان كان على المكنه فالاتنين موتور مش حديث اوى ولو ان الصنى اقدم
ولو هناخد ببلد الصناعه فموتور الصنى يابانى والاوبترا المانى
اللى انا مستغربله بقى
الصنى تقفيل افضل وخامات أرقى ؟
طب ازاى ؟
عموما ياباشا الصنى بالنسبه لواحد ميهموش التقفيل المصرى وعيوب الصناعه
تبقى طبعا احسن من الاوبترا
على الاقل بتوافر عوامل الامان
الصنى مفهاش اى عيوب صناعة خالص...حقيقى مفهاش اى عيوب...التقفيل تحت اشراف يابانين..حضرتك عندك الافيو الكورى تقفيلها زى ال......
وعلى فكرة احنا بنقفل عربيات كويس جدا ودى حاجة تفرح الواحد المرسيدس والبى ام بيتقفلوا هنا وعلى فكرة احنا التقفيل بتاعنا افضل من الصينى بمراحل
وانا ركبت الاوبترا خامتها حاسس انها بلاستيك مش راقية يعنى ...
عموما فعلا دى اراء
الصني تتفوق في كل شيء عدا الوسع (الخلفي) للصالون لصالح الأوبترا، ومش عارف إيه حكاية عيوب الصناعة دي !!!!!!!!!!!!!
:H_angry[1]::H_angry[1]::H_angry[1]::H_angry[1]::H_angry[1]::H_angry[1]::H_angry[1]::H_angry[1]::H_angry[1]::H_angry[1]::H_angry[1]::H_angry[1]::H_angry[1]::H_angry[1]::H_angry[1]:
:hornytoro::hornytoro::hornytoro::hornytoro::horny toro::hornytoro::hornytoro::hornytoro::hornytoro:: hornytoro::hornytoro::hornytoro::hornytoro::hornyt oro::hornytoro:
تتفوق الاوبترا فى وسع الصالون فقط عدا ذلك فالصنى افضل بكتير
صني بدون تفكير طبعا
هى الصنى احسن بس عيبها ان صالونها ضيق
الا ان
تحصل المقارنه العمليه اللي انا طلبتها منك
اترجاك تكون موضوعي في تقييمك
بس وشكرا
الموضوع خرج وبقي اللغاز ..
معلش انا هااقول رايي من واقع تجربه بسيطه
انا كنت في الكويت و ما ادراكم ما االكويت - الحر الشديد اللي باثر عل كفاءه الموتور
كل عربيه ليها عدد ساعات معينه في الشغل
يعني مثلا الكاكمري بتشتغل تاكسي 12 سع في اليوم
الكورولا 8 ساعات
الساني اللبتيجي بعدهم عل فكره و دي بتشتغل 5 -6 ساعات بس كحد اقصى
يبقى اجابه حضرتك عن السؤال - افضل الساني من حيث الخدمه و التحمل
باقي الحاجات الشكل ال وسع اللي هيحدد قرارك النهائي
بالتوفيق
في حاجة كمان تخليك مرتاح وانت راكب الصني وحاسس انها ياباني بجد حتي لو متجمعة في مصر وهو ان المصنع اللي بتتجمع فيه العربية مملوك لنيسان اليابان يعني المصنع بتاع نيسان في مصر مش زي غبور مثلا لما بيجمع الفيرنا في المصانع بتاعنه
يعني باختصار انت بتشتري حاجة ياباني بتتجمع في مصنع نيسان اليابان داخل مصر وتحت رقابة الجودة اليابانية
نرجو التقييم من ناحية
اسعار قطع الغيار
خدمات التوكيل
سعراعادة البيع
لانى اعرف ان سعر قطع غيار النيسان صنى غالية جدا وفي حاجات مش موجودة غير في التوكيل وبيصعب توافرها
يا راجل يا طيب، قطع غيار الصني مش متوفرة !!!!!...... دي متوفر منها صيني وتايواني وأسباني وياباني شركات وياباني أصلي، وقطع الغيار أسعار متوسطة ومش غالية قوي يعني مثلا تيل الفرامل يبدأ من 80 جنيها إلى الأصلي بـ 330 جنيها أصلي في التوكيل، في مقابل طبعا عمر افتراضي طويل للأصلي.. دي العربية بقالها سنييييييين في السوق.. تحياتي
واضح انك بتعشق الصنى جدا يا استاذ حسين .... ربنا يباركلك فيها بس انا على ما اسمع ان قطع غيارها غالية وفي واحد صديق كان بيدور على قطعة خرطوم صغيرة ولم يجدها الا في التوكيل وكانت بسعر تحفة فقط 700 جنية ويارب تكون قطع الغيار اتحسنت ورخصت وهى تبقى احسن عربية في سعر الــ 100000 جنية
او على الاقل اسعارها في التوكيل غالية يا باشا
يا باشا، كل قطع غيار العربيات غالية في التوكيل (قطع الغيار غير الاستهلاكية) زي الخرطوم ده مثلا ممكن يبوظ وممكن لأ، أما قطع الغيار الاستهلاكية بالنسبة للصني، زي تيل الفرامل والسيور والفلاتر والبوجيهات .. إلخ.. سعرها معقول وعمرها طويل، وهاقولك على حاجة مش عارف هاتصدقني ولا لأ، عضو معانا في قسم نبيان معاه صني مانيوال تيل الفرامل (الأصلي) قعد عنه 65 ألف كيلو... تحياتي لحضرتك
(بروتون برسونا اليجانس) وريح دماغك كماليات اعلى من الاثنين (سنسور بارك --- مثبت سرعة --- عفشة مالتى لينك فىالخلف --- طارة مالتى --- اشارة فى المرايا --- مدخل usb --- فتحة aux --- و2ايرباج --- abs -- ebd- كاسيت mp3 --- ايموبلايزر لحماية السيلرة من السرقة --- انزار --- جنوط 15 --- ليدات فى الكشافات الخلفية --- شانطة واسعة جدا --- صالون واسع --- شكل جديد --- عفشة و موتور تصميم لوتس الانجليزية التخصصة فى السباقات --- سرعة و ثبات ممتازة --- قطع غيار متوافرة خارج التوكيل وعناوينهم وارقام تليفوناتهم موجوده فى قسم بروتون --- تبلوة افضل واجمل --- الارتفاع عن الارض حلو--- مسند يد امامى(كونسول) --- امكانية طى الكنبة الخلفية لتوسعة الشنطة --- فوجات امامى --- امكانية فتح الشنطة بالريموت --- زجاج كهربائى --- ضبط المرايا كهربا --- سنتر لوك --- 1600cc--- و118 حصان --- مساند راس خلفى --- حامل اكواب خلفى --- باور زيت --- صاج افضل --- فتيس اوتوماتيك --- امكانية تعديل ارتفاع كرسى السائق --- امكانية تعديل عجلة القيادة --- ستوب لايت --- سبويلر خلفى لتشتيت الهواء --- ايريال سقف --- كمبيوتر رحلات --- امكانية فتح الشنطة و التنك من الداخل --- المفتاح والريموت قطعة واحدة --- والسعر 95 الف) وكفاية كده النهار ده
الاوبترا شكلها عجوز قووى عندك السونيك اشيك منها واحلى
طبعا أنا بنصحك بالصنى لآنها الآفضل فى الفئة السعرية دية ..... دة غير الآنتشار الكبير يعنى أنتشار قطع الغيار بجميع الماركات الآصلى ..وتيوانى وكورى وتايلندى وصينى ..... وأسعار مختلفة ومتعددة حسب الآمكانيات........
وأهم نقطة لم يتطرق أليها وهى : - التوكيل والصيانة وهو ما تمتاز بة نيسان صنى كأفضل توكيل وصيانة وأفضل خدمات ما قبل البيع وما بعد البيع على جميع مستوى التوكيلات فى مصر وتعدد وأنتشار مراكز الصيانة على مستوى الجمهورية وخاصة مركز صيانة أوتو أيجبت ويلية مودرن موتورز والسبع
والله الموفق والمستعان
صنى
الصني اكيد
اوبترا
ابعد عن الاوبترا طلعت عينى عربيه زباله
غيرتها و جبت لانسر
و جربت الصنى احلى مليون مره
صنى طبعا