صيانة وشحن التكييف بين الحرفة والنصب
من مده مش طويله رحت شحنت التكييف بتاع عربيتي تمبرا شحنته فريون 134 الراجل أخد 180 جنيه وظبط شوية شغل في الكهربا اخدله بتاع 220 جنيه مصنعيه
السؤال هو هل شحن الفريون فعلا بيتكلف المبلغ ده ، السؤال التاني ليه مصناعيات أغلب ورش التكييف مبالغ فيها جدا
كنت قاعد بتكلم مع الكهربائي بتاعي قالي ياباشا الشغلانه دي كلها نصب وسرقه وانا ما رضيتش اخش فيها عشان ابعد عن السرقه او ان شيطاني يسولي اني اسرق
قالي خرطوشة الفريون تمنها 35 جنيه بتشحن 3 عربيات انا مش عارف بصراحه هو بيتكلم على اي نوع بس ايا كان انا عارف انها مش غاليه يعني ممكن تكلفة الفريون على الورشه ما تكملش 50 جنيه للعربيه الواحده طيب ليه هما بياخدوا المبلغ ده كله وليه احنا بنسلم وبندفع بصراحه مش عارف بس لو حد عنده إجابه ياريت يقولي بالرغم ان الموضوع ما فيهوش صنعه جامده يعني