اصلا ثقافة العربيات عندنا مختلفة عن برة
مثلا لما كنت عايش بالأمارات واحد صاحبي في مرة قالي سيارة الوالدة ما تعجبني لأنها 2004 و نزلت 2005 فيها بلوتوث ونفيجيشن بس هيه ما تفرق معاها لأن أهتماماتنا مختلفة!!
والتاني يقولك أنا عندي نيسان ألتيما 3500سي سي لأن الكامري لو جابها هتفضحه!!! يركب تاكسي يعني ده حتى عيب!!!!
و اللي يقولك انا خلاص مليت من السيارات (عنده نيسان باترول) علشان كده بأجيب سيارة صغيرة علشان أوفر بالبنزين و علشان
ما بأحب البهرجة و أرنكها بسهولة علشان عند الشغل عندهم زحمة و أزمة مواقف.......يومين و ألاقيه جاب مازدا 3 أيرو بفتحة سقف
واحد برضه بس ده غاوي عربيات مرة يقولي عالنت انا جبت بيجو 307 سي سي شكلها عجبني قلت أجيبها و انا كنت في مصر مفيش كام شهر لما رحت الامارات لقيت معاه جيمس يوكون قلتله فين البيجو قالي بعتها قلتله ليه قالي ضعيفة مافيها عزم بالمرة مع انها كانت 2000 سي سي أو 2400 حاجة كده
و أخيرا واحد تاني عنده دودج رام أس أر تي أم خطين بيض في النص دول لونها ازرق راح جاب شبح فياجرا سنة 2004 قال ايه لأنه الدودج ما تنفع لكل المشاوير يعني العزايم و الأفراح و غيرها الدودج شبابية زيادة (عنده 23 سنه ساعتها) ولازم يكون عندك شيء رسمي (((((زي ما بنروح نشتري بدلة كده وجزمة كلاسيك من زلط علشان لو اتزنقنا في فرح كده هوه جاب فياجرا بئى)))) بس هوه كان غني بصراحة و أهله مقتدرين الله يزيدهم بالحلال
حتى طريقة كلام الناس عن السيارات غيرنا تماما و اهتماماتهم مختلفة
انا الأن بالسعودية سيارات الشركة عندنا كورولا كل موظف معاه واحدة و يخصم منه بدل الانتقال على اساس ان الكورولا و الياريس و الأفيو و الأوبترا و الالنترا و كده عربيات رخيصة لاستهلاك الموظفين و الدليفري مش لازم تكون مدير بنك يعني علشان تركبها
بس فكروا معايا لو الأسعار في مصر زي الخليج كان زمان البلد أزحم من كده بكتير و بقت اكبر بلد مستهلك للسيارات في العالم
طبعا ده ساعتها العربية هتتفك بأتنين.........
و أسف عالأطالة بس الموضوع عجبني.....