اللي ركبينها دي مش عربيات !!!!!

**M.ABDEEN** · 14-06-2009 09:44 AM

للاسف يا جماعة عماليين نتخانق ونشتم بعض ونتحدى بعض على شوية( اليف باء ) عربية ....ايوه العربيات اللي احنا ركبنها دي مش عربيات بس للاسف الظروف الاقتصادية والاجتماعية والطرق والكباري والنصب متديناش الا العربيات اللي احنا راكبينها دي ....بقالي كام يوم متابع قناة موتور تي فيmotor tv وبشوف عربيات لا دي مش عربيات دي حاجة لا توصف انواع وتكنولوجيا رهيبة وطفرة عظمى واشكال قد تكون في الخيال عن ايه مش عارف بصراحة اوصف لكم وهم وهم وتسمع بقى ايشي 290 حصان و 360 حصان وتسارع من 0 الى 160 في 7 ثوان وغيره وغيره ....معلش اعذروني انا مش بعقدكم ولا بحسركم وعلى اي حال الحمد لله ...... ياريت تواكدوا صحة كلامي وتتابعوا القناة دي بس لو حد اتعقد انا مش مسئووووول وعلى فكرة القناة لسه في بث تجريبي:K_crying[1]:

**Michael_Lanos** · 14-06-2009 10:19 AM

المشاركة الأصلية كتبت بواسطة mohammedsamirabdeen

للاسف يا جماعة عماليين نتخانق ونشتم بعض ونتحدى بعض على شوية( اليف باء ) عربية ....ايوه العربيات اللي احنا ركبنها دي مش عربيات بس للاسف الظروف الاقتصادية والاجتماعية والطرق والكباري والنصب متديناش الا العربيات اللي احنا راكبينها دي ....بقالي كام يوم متابع قناة موتور تي فيmotor tv وبشوف عربيات لا دي مش عربيات دي حاجة لا توصف انواع وتكنولوجيا رهيبة وطفرة عظمى واشكال قد تكون في الخيال عن ايه مش عارف بصراحة اوصف لكم وهم وهم وتسمع بقى ايشي 290 حصان و 360 حصان وتسارع من 0 الى 160 في 7 ثوان وغيره وغيره ....معلش اعذروني انا مش بعقدكم ولا بحسركم وعلى اي حال الحمد لله ...... ياريت تواكدوا صحة كلامي وتتابعوا القناة دي بس لو حد اتعقد انا مش مسئووووول وعلى فكرة القناة لسه في بث تجريبي:K_crying[1]:

باشا هو قناه motor tv موجوده فى انهو قمر علشان اتفرج عليها

**Samir Elshahawy** · 14-06-2009 12:00 PM

و الله من غير قنوات لو روحت الدول اللي جنبنا هاتشوف معرض سيارات مفتوح به انواع و موديلات لم نعتد هلي رؤيتها هنا و غير كده هتلاقيها تاكسيات و ليموزين

بصراحة أحنا في مصر مش راكبين عربيات ده احنا راكبين مقشات

**jisso82** · 14-06-2009 12:58 PM

الحمد لله على كل شىء أنا لو معايا كارو دلوقتى خلاص مش هعترض عربية أحسن من مافيش (اتعلمت الدرس)

**M.ABDEEN** · 14-06-2009 01:00 PM

المشاركة الأصلية كتبت بواسطة Michael_Lanos

باشا هو قناه motor tv موجوده فى انهو قمر علشان اتفرج عليها

على النيل سات بس ممكن تلاقيها باسم تاني عندي مثلا بدل قناة اسمها( el magrib)

**Ashraf_Ashraf** · 14-06-2009 01:08 PM

والله ياجماعه انا كل ماراوح السعوديه واشوف العربيات هناك افتكر مقوله محمد هنيدى فى فلم همام فى امستردام لما بيقول انا كنت بحب صندل فى مصر
والله احنا ركبين زباله العربيات بكل انواعها يمكن السبب الحاله الاقتصاديه والمغالاه الشديده فى الجمارك والضرايب وجشع اصحاب التوكيلات( الكامرى هناك 80 الف ريال فول اوبشن هنا بحوالى 600 الف ) اكيد من غير الحاجات دى كا ن ممكن نركب عربيات احسن