ليه ميكونش فيه اهتمام برياضه السيارات اكتر؟؟؟؟؟؟؟

و الله الواحد كل يوم بيسمع عن الحوادث الشباب بيعملوها....و منهم ناس اعرفهم و بيتنتهي بالموت....
فحرام و الله اللي بيحصل ده....لأن ده بيحصل لوجود كبت في الشباب و عايز يطلعه في الشارع....انا و احد من هواه السيارات و الشد و الجري...و اعدت فتره من الاخر مش بعتق الشارع غرز مع شد مع اي عربيه و جري....بس في الاخر عملت حادثه مع و احد صاحبي بعربيته و لولا ستر ربنا كنا هنموت.....و الحمدلله هديت و بطلت.....ولسه واحد كان زيميلي في المدرسه توفي في حادثه من كام يوم.....

يعني الموضوع بجد بقي مشكله حقيقيه ...كل يوم نسمع عن حادثه شكل ....و ربنا يحفظنا ..اللي اعرفه ان اللي بيموت و هو كان بيجري بطريقه جنونيه يعتبر مات كافر لأنه بيعرض نفسه في التهلكه بنفسه ...و هو اكيد عارف ان اللي بيعمله ده خطر

بجد بجد....انا بقول الكلام ده علشانا و علشان حتي لأجيالنا ان شاء الله....لو محدش اخد موقف لحنا هانتحاسب لأننا موفرناش الوسيله اللي هتطلع الكبت اللي في الشباب....مش كل الشباب عارفه مصلحتها...و في عارف و بيعمل عبيط......يعني الواحد بجد بيزعل لما يعرف ان واحد يعرفه يموت بسبب تهور سواقه.....

ياريت نحاول ناخود موقف بس يكون جدي.... و انا تحت امركم في اي حاجه اقدر اعملها في الموضوع ده


(الموضوع ده اتكلمنا فيه بغرفه تعديل السيارات و الاكساسورات بس شكلها كده محدش قراها اوي....او الناس كبرت دماغها :( )

ياريت اشوف ردود مفيده و تفيدنا

و ربنا يساعدنا علي عمل الخير

مين قال ان الشد والجرى هوا رياضة للسيارات ؟؟؟؟ انت تتخيل ان لما واحد يقف يخمس بعربيته يبقا هيا دى الرياضة؟؟؟
لا يا سيدى الفاضل, انا معاك اننا لازم يبقا فى مكان مخصص لرياضة السيارات وممكن يكون تحت اشراف المجلس الاعلى للشباب والرياضة ولكن اذا كانت رياضة فعلا وليس مجرد استعراضات , يعنى بص فى الغرب هتلاقى ان فى رياضات للسيارات منتشرة زى سباقات الفورميلا وناس كار وسباقات كتير جدا ولكن فى ايضا اماكن مخصصة للاستعراضات مثل التخميس والتبديل والكلام دة ويتوافر فيها معدلات جيدة للامان ولكن يجى واحد وفى وسط الشارع وهوب يلف حوالين نفسه " كالبرغوث الاعمى فى قفا مخبر " يبقا دة مش رياضة ابدا,دة استهتار بارواح وممتلكات الغير وشكرا لك على هذا الموضوع المهم.

هو طبعا يا عبدالله الشد والجري مش رياضة بس ده المتنفس الوحيد للشباب في ظل افتقار البلد لائ وسيلة لممارسة الرياضة ، وده اللي استوعبته دول الخليج فهتلاقي السعودية وقطر والامارات بقي ليهم اهتمام كبير اوي ( وبالنسبة للامارات اهتمام مباااااالغ فيه ) برياضة السيارات بس بالنسبة للامارات هيا واخدة الموضوع انشطة سياحية اكتر

اللي اقدر اقولهلك دلوقتي ان نايل موتورز بتخطط لانشاء فعاليات لمثل هذة الفئات من الشباب وان شاء الله في المستقبل ممكن يبقي لينا صوت نتكلم بيه مع الجهات المعنية والشركات الراعية لمثل هذة الاحداث لتنظيم او حتي المشاركة في تنظيم مثل هذة الفاعليات والسباقات

انا قصدي يعني ان الشباب عماتا هاوي السيارات....بس بطريقه خطأأأأأأأأأأأأأأأأ
يعني بدل ما هو عمال مقضيها جري و غرز في الشارع ..نغيرها و تكون بطريقه رياضيه سليمه

انا فاهم قصدك يا عمر بس بما انك عفريت قديم :lol: تقترح علينا ايه ممكن نعملة في انشطة نايل موتورز ؟؟

ممكن ننظم سباقات بنا و بين بعضينا فى مناطق نائية بعيد عن اى حركة مرورية او مشاة و خلافة... صحيح لسة فى خطورة فى الموضوع بس على الاقل الناس اللى مشاركة هى اللى معرضة للخطورة فقط بدون تعريض الاخرين لاى خطورة

احنا عملنا كدة مرتين فى 6 اكتوبر مكنش فى اى بنى ادم فى المنطقة

MMamdouh

بس نحاول كلنا نفكر مع بعض.....يعني باقول ممكن نشوف ارض في اي حته فاضيه(بس فلوسها نجبها منين :D )و بعديها نقوم بالواجب :D ....و ممكن كمان نعمل فيها تعليم المهارات ...
و ياريت تفكروا معايا.....
انا لسه بفكر :lol:

السادة الأفاضل الموضوع بجد على درجة كبيرة من الأهمية لأنه لا يوجد أي متنفس للأشخاص الذين يهون السرعات العالية أو حتى المهارات الفنية بالسيارة ...
فى الأمارات نادى مخصص لعرض مهارات السائقين من خلال وجود نظام امن وسلامة عالى وقد رايت بعض هذه المهارات على قناة Gear one الأمارتية ...
فليت يكون لدينا مثل هذه الأماكن ..
وشكراً جزيلاً ...

يا محمد والله احنا واخدين الموضوع جد سواء علي المستوي الشخصي ( انا نفسي يعني باعتباري عفريت قديم برضوا ) وعلي مستوي ادارة نايل موتورز عشان كده انا طلبت منكم تفكروا وتساعدونا

انا شخصيا بفكر بشكل يراعي فيه عوامل الامان ويراعي فيه الناس عشان فيه ناس بتخاف من الحاجات ديه حتي لو الشارع فاضي وممكن تبلغ عننا او علي الاقل هتخاف تنزل الشارع

بخصوص المكان هنلاق ان شاء الله اماكن بس سبق بالمعني اعتقد انه هيكون صعب اوي لاعتبارات كتيره

بس ممكن نعمل سبق One To One علي طريق طوالي وده هيبقي مفيد لمقارنة السيارات ببعض

كمان ممكن نعمل استعراض للمهارات وان شاء الله يبقي فيها تدريب علي المهارات واسس القيادة عامة والرياضية خاصة

طبعا ديه افكار لسه من غير صياغة او تقنين بس خلينا نفكر مع بعض بصوت عالي

ومحدش يقولي الموضوع بجد عشان انا مش بهزر اصلا :lol:

انتوا لازم بتهرجوا :lol: :lol:
أتحدى لو حد وافق يعمل الكلام ده بعربية جديدة

انا موافق

حاسس ان الناس هنا واخدين علي موقف الحوادث كأنه شيئ عادي او روتيني....مافيش اي مشاكل ان الناس تموت او تعيش حتي بعاهه
لو مالقناش حل للموضوع ده ....لقدر الله ممكن يحصل لولدنا ......انتوا محسسنني اني بتكلم عن عالم اخر

مش شايف يعني في ناس متحمسه للدرجه ومستخسرين حتي يكتبوا رد

ياريت يبقى فى مكان لرياضة السيارات زى الية بيحصل فى الاوتو كروس فى دريم بارك ويكون فى منطقة بعيدة عن الزحام وتحت اشراف وزارة الشباب والرياضة

طيب دى بداية جيدة وان شاء الله نتوفق لما فيه الخير بس طبعا الموضوع محتاج وقت لانه مش سهل زى الناس ما هما متخيلين.

محدش قال ان الموت بالنسبة لينا سهل عشان كدة بنفكر نعمل مكان يقدر يلبى رغبة الناس فى الاستمتاع بالقيادة و فى نفس الوقت امان

MMamdouh

ربنا يقدركم على عمل الية فية الخير للجميع :roll:

ياريت ياجماعة نهتم بالموضوع دة