-
مول السيارات
في معظم الأماكن الكبيرة في مصر الأن يوجد مول للكمبيوتر يجمع شركات الكمبيوتر وفوائدة كتيرة جدًا
سواء للعميل أو البائع
العميل يقدر يروح مكان واحد فيه كل الشركات ويقدر يقارن ويأخد قرار من غير ما يروح من هنا لهناك
والبائع بيضمن أكثر عدد من العملاء
ليه ما يكونش في مول لقطع غيار السيارت والإكسسوارات
أعتقد إنه لو في مول للسيارات
هايكون ممتاز جدًا وهاينجح أكثر من الكمبيوتر بكثير لكثرة مستخدمي السيارات
ولهوس الشباب بالسيارات
وهاتكون فرصة لتلاقي الأفكار والمبدعين
بانتظار مشاركتكم
تحياتي
-
حاليا فيه مشروع لنقل كل المعارض لمجمع لمعارض السيارات على اول طريق القطامية-العين السخنة
في مقابل ان المعرض اللي داخل القاهرة يتحول لمكتب اداري و يبطل يعرض عربيات في الشارع
-
فكرة كويسة طبعا و علي فكرة دول كتيير بتعمل كده , يعني مملكة الصحراء اللي جنبنا مثلا هتلاقي و أنت رايح علي المطار كل المعارض و توكيلات السيارات في شارع واحد و بمساحات ضخمة
ممكن يكون عندنا كده برضه طريق فيه كل معارض و توكيلات السيارات و ليكن علي الدائري مثلا و يضم أيضا مراكز الخدمة و بجانبهم موقع لنايل موتورز و موقع أخر لحملة خلوها تصدي
-
اظن كان فيه مول الفرسان واتقفل
-
فكرة جامدة طبعا بس يتهيألى مش هتتنفذ بس عشان كسل الناس و معرفتهم بتجمعات أصحاب قطع الغيار و الكماليات فى مناطق معينة
-
الفكرة كويسة وعشان نحسم مشكلة فروق الاسعار الجامدة من مكان لاخر
-
طيب ما التوفيقيه فى مصر تقريبا مول كبير لقطع الغيار والاكسسوارات ومشاء الله اغلبهم حراميه اعتقد مش هتفرق انك تشترى منهم او من المول ( لو اتعمل ) او من الراجل اللى انت متعود تشترى منه
-
يا جدعان على فكرة فيه فى سوق التوفقية-وسط البلد حاجة كدة شبة المول لكل انواع قطع الغيار و الاكسسورات وهوه عبارة عن مبنى من 4 ادوار وتقريبا فى كل حاجة امام محل (بات مان) وبرده تقدرو تقولو انا سوق التوفقية كله على بعضة يعينر مول كبير وفية من الابره للصاروخ زى مابيقولو
-
لا مول عن مول تفرق
التوفيقية حاجة وان يبقا فيه مول متخصص للعربيات زى مولات الكمبيوتر زى سوق العصر وغيره
-
بيتهيالي ان اللي هيفتح المول دة هيخاف علشان الناس اتعودت خلاص علي التوفيفية
Content Relevant URLs by
vBSEO 3.6.0 PL2